#بقلم
#ايزابيل
#البارت الاخـيـر
#شـرف قـيـد التـنـفـيذ (أثال)
...
فجر
ماجنت مصدكه كلام الدكتوره يعني ما معقوله
حامل شهرين وماحسيت بس من بدت تضهر الاعراض فرحت كلش وجنت خابصه جسار بـ اسألتي شتكول ولد لو بنيه شنسميهم وشنجيب الهم
اتفقنه من تخلص هاي السنه واولد نسافر للأردن اسوي العمليه ونرجع
بدت مسأولياتي تثقل منا وضع الطفل وامتحاناتي
بعد مرور وقت طويل جنت كاعده على التخم دنيا العصر دك موبايلي
جاوبته مالحكت احجي شيء اجاني صوت بان العصبي
:- افتحي الباب لج عوبه صارلنه ساعه استوينه من الشمس
:- ها شنو انتِ ومنو...
:- باع هاي لج متتت من الحر كومي افتحي وانصدمي
ذبيت الموبايل وطلعت اركض فتحت الباب شفتهه واكفه هي وأثال ووياهم رسول
ابتسمت وكلت
:- هلا والله أثال وياج جا ماكلتي من البدايه
دخلت للبيت ذبت جنطتهه وحذائهه وكعدت على التخم
بان :- اني كلت الأثال فجر خابرتني تريدني اجي اساعدهه بتنضيف وتعزيل البيت لان راح تولد وهي كالت مري عليه اجي وياج
لتفتت على أثال شفتهه تمشي تجاها الغرفه مال عمار المقفوله لتفتت عليه
:- فجر هاي ليش قافلينهه وين المفتاح
فجر :- ااا أثال عوفي الغرفه هسه تعالي احجي وياج مشتاقتلج و..
قاطعتني
:- ليش اعوفهه..؟ واني كل جيتي عليهه انطيني المفتاح فدوه
تنهدت ورحت انطيتهه المفتاح فتحتهه ودخلت
رحت كعدت كبال بان على التخم
فجر :- انت مامحددتي موعد عرسج انت واستاذ ابراهيم
ابتسمت
:- اي حددنه الاسبوع الجاي
:- هم جاي تحجين وي ابنج
بان :- اصلا مايمر يوم اذا مااحاجي اكله تعال يمي يكلي لا اني مرتاح يم بابا عندي هنا كومه أصدقاء ومسجل بالروضه هم وعلاجه هناك ماشي
زفرت نفس وكملت..
شسوي بديت اتعود على غيابه
فجر :- دكومي للصاله ننزل البردات
بان :- اكلج صدك انت راح تستقرون هنا
فجر :- اي كليتي هنا وتعرفين خلدون عرف بنيه ببغداد وقرر يتزوجهه ويبقى بهذا البيت وجسار نقل شغله هنا
جسار كال احتمال أشتري ببيت بمنطقه ببغداد ونبقى بي بس كلته عليمن مو هذا البيت جبير ومكفينه كلنه
بان :- ها خوش لعد انت اكعدي اني كايمه انضف الصاله
كامت بان واني بقيت كاعده بمكاني احجي وي رسول
YOU ARE READING
#شرف قيد التنفيذ (أثال)
Randomانا الانكسارات انا طريق الضلمات انا ذات الروح المخدشه بطعنات الغل ..اترقب الوقت لعل الموت يزورني لعلهُ يسحب روحي وينتشل ألامي .. قلبي مكهفر وداخلي مغلف بالأثال انا الشرف وقت تم تنفيذ انعدامه نقطه انتهى . ..
