#Unicode#
//မင်းနဲ့တန်းတူ ရပ်တည်ပေးမယ်//
"မဟုတ်ပါဘူး"ပိုင်ကျီသူ့ကိုကြည့်လိုက်သည်။"ကျွန်တော်အခုလေးတင် ပြေးလာတော့ လေအေးတွေတိုက်ထားလို့"
"ဘယ်ကနေပြေးလာတာလဲ?"
"ကျွန်တော် အိမ်ပြန်ခဲ့တာ" ပိုင်ကျီ
ထိုအကြောင်းစဥ်းစားလိုက်ကာ စာကြောင်းအနည်းငယ်ထပ်ထည့်ပြောလိုက်သည်။
"ကျွန်တော် ပြန်ပေးဆွဲခံရပြီး ကျွန်တော့်ကို သော့ခတ်ထားကြတာ"
တုဟွိုင်အန်း အသက်ရူကြပ်သွားကာ ပိုင်ကျီ့ကိုကြည့်လိုက်တော့ ပိုင်ကျီအပြုံးလေးနဲ့ပြောနေသည်ကိုတွေ့လိုက်ရသည်။
"ကျွန်တော် တိုက်ပေါ်ကခုန်ချလာပြီး ခင်ဗျားကိုလာရှာတာ။ ကျွန်တော်က အံ့သြဖို့ကောင်း မဟုတ်လား?"
ဒီလူငယ်လေး၏ အသားရေမှာအတော်လေးဖြူဖျော့နေကာ နှုတ်ခမ်းဟာလည်း အရောင်သိပ်မရှိတော့ပဲ မျက်လုံးများဟာလည်း
နီရဲနေပေသည်။သို့ရာ သူ့၏လေသံမှာတော့ အတော်လေး ဂုဏ်ယူနေသည့်အသံပင်။
တုဟွိုင်အန်း နှလုံးတွေတုန်လှုပ်သွားကာ
သူ့အားစစ်ဆေးရန်ဆွဲခေါ်လိုက်လေသည်။
"မင်းမှာ...မင်းမှာဒဏ်ရာတွေများရသွားသေးလား။မင်းမှာ...."
"ဘာဒဏ်ရာမှမရဘူး"ပိုင်ကျီပြောလေသည်။
"ဒုတိယထပ်ကနေ ခုန်ချရုံလောက်ပါပဲ။
ကျွန်တော့်ကို စိတ်ထဲထားမနေနဲ့
ဒီကမိန်းကလေးက ခင်ဗျားကိုစောင့်နေတုန်းပဲလေဗျာ။"
"သူမ မဟုတ်..."တုဟွိုင်အန်း၏လေသံမှာ အလွန်စိုးရိမ်နေသည်ပင်။"ကိုယ်မင်းကို လိုက်ရှာနေတာ၊ ဘယ်မှာမှမင်းကိုရှာမတွေ့ဘူး။သူမက....."
"ပထမတန်းစား သတိပေးချက်!ဗီလိန်ရဲ့အသက်အန္တရာယ်စိုးရိမ်ရပါတယ်!တူလေး!သူ့ကိုအမြန် အဝေးကိုတွန်းထုတ်လိုက်!"
System၏အသံသည် ရုတ်တရပ်ပေါ်ထွက်လာကာ အလွန်ကိုပြင်းထန်နေပေသည်။
ပိုင်ကျီလည်း အလိုလိုပင်လှုံဆော်ခံလိုက်ရကာ ဘေးတစ်ဖက်မှ ရှင်းပြနေဆဲ ဖြစ်သည့် တုဟွိုင်အန်းအား လက်ဆန့်ထုတ်ကာ အဝေးသို့တွန်းထုတ်လိုက်ပေသည်။သူsystemအားဘာဖြစ်တာလဲဟု မမေးခင်မှာပဲ ထောင့်တစ်နေရာမှ အလင်းရောင်အားမြင်လိုက်ရပေသည်။
YOU ARE READING
ငါဗီလိန်ကြီးရဲ့Fan boyတစ်ယောက် ဖြစ်လာပြီ(MM Translation)
FantasyTitle: 我成了反派脑残粉[快穿] Eng Title: I become a fanboy of Villain Burmese title:( ငါဗီလိန္ႀကီးရဲ႕Fan boy တစ္ေယာက္ျဖစ္လာၿပီ) Author: 不著一字 Eng tran: Zenne MM tran: Kue (Zawgyi +Unicode) #this is not my own story #just translation #credit to Author Stated...
