#Uincode#
နောက်ပိုင်းစာသင်ချိန်တစ်ချိန်လုံး ပိုင်ကျီ ဂနာမငြိမ်ဖြစ်နေသည်။သူ့ခေါင်းတစ်ခုလုံး ကျီကွေ့ချန်ရဲ့ စကားတွေကပဲ့တင်ထပ်ကာ ပျားများကဲ့သို့ တဝီဝီမြည်နေပြီး သူ့နှလုံးသားကိုလှုပ်ခါစေသည်။
'သူခုနကပြောလိုက်တဲ့ဟာက ဘာအဓိပ္ပါယ်လဲ'
နတ်ဆိုးလေး စိတ်ရှုပ်သွားရသည်။
ပိုင်ကျီ ခဏလောက်စဉ်းစားလိုက်ပြီး စာရွက်တစ်ရွက်ကို မသိမသာထုတ်ကာ ခေါင်းငုံ့ပြီး ထိုစာကြောင်းကို ရေးမှတ်ထားလိုက်သည်။
"ယူအား မိုင်းစတား"
(:ပိုင်ကျီလေးက အသံထွက်အတိုင်းတလွဲလေးမှတ်ထားတာပါ။)
ဟုတ်ပြီ။ထိုစာကြောင်းရေးပြီးနောက် ပိုင်ကျီ ပျော်ရွှင်စွာ စာရွက်လေးကိုခေါက်လိုက်ပြီး သူ့အိတ်ထဲထည့်လိုက်သည်။
အတန်းခေါင်းလောင်းသံ မြည်လာသည်။ကျီကွေ့ချန် ရေသွားယူဖို့ထလိုက်တော့ ပိုင်ကျီ့ခေါင်းထဲက systemအသံ ထွက်ပေါ်လာသည်။
"တူလေး ကျီကွေ့ချန် မနေ့ညကတည်းကမဟုတ်ရင် ဒီမနက်တည်းက ဘာမှမစားရသေးတာကို ငါသတိထားမိတယ်"
သူ့စာအုပ်တွေကို စီရီနေတဲ့ ပိုင်ကျီ့လက်တွေ ရပ်တန့်သွားသည် “ဘာရယ်! ဒါဆို သူ အရမ်းဗိုက်ဆာနေလောက်ပြီ!”
System- "မသိဘူး တကယ်တော့သူက
စားလေ့စားထမရှိဘူး"
ဒါကိုကြားတော့ ပိုင်ကျီ ငြိမ်ငြိမ်မထိုင်နိုင်တော့ဘဲ စာသင်ခန်းထဲကနေ အမြန်ပြေးထွက်သွားလိုက်တယ်။system သူ့နောက် လိုက်လာကာ လမ်းတစ်လျှောက်သတိပေးနေသည် “ကိုယ်ပိုင်စာကြည့်ချိန် စတော့မှာလေ မင်းဘာလုပ်နေတာလဲ”
"ရင်ထဲမကောင်းဘူး" ပိုင်ကျီလေးနက်စွာပြောလာသည်။ သူ့ခြေလှမ်းတွေ ပိုပိုမြန်လာပြီး စင်္ကြံကိုဖြတ်ကာ မုန့်ကောင်တာဆီသို့ တန်းတန်းမတ်မတ်သွားလိုက်သည်။
ကျီကွေ့ချန် ရေနွေးဘူးကိိုင်ကာ စာသင်ခန်းထဲပြန်ရောက်လာတော့မထင်မှတ်ထားစွာပဲ သူ့နားမှာ အထူးသဖြင့်မကြာသေးခင်ကပဲသူ့ကို ကောက်ညှင်းလုံးလေးလိုကပ်နေတတ်သည့် ပိုင်ကျီ့ကိုမတွေ့တော့ပေ။သူအနည်းငယ် အံ့သြမိသွားပေမယ့် ထိုင်ခုံကိုဆွဲထုတ်ကာ ထိုင်လိုက်သည်။
YOU ARE READING
ငါဗီလိန်ကြီးရဲ့Fan boyတစ်ယောက် ဖြစ်လာပြီ(MM Translation)
FantasyTitle: 我成了反派脑残粉[快穿] Eng Title: I become a fanboy of Villain Burmese title:( ငါဗီလိန္ႀကီးရဲ႕Fan boy တစ္ေယာက္ျဖစ္လာၿပီ) Author: 不著一字 Eng tran: Zenne MM tran: Kue (Zawgyi +Unicode) #this is not my own story #just translation #credit to Author Stated...
