ម៉ោងចេញលេង
ផ្កាយនិងនីតាបាននាំគ្នាទៅអង្គុយញាំបាយនៅលើបង់ក្រោមដើមក្ងោកនៅមុខថ្នាក់រៀន ផ្កាយទាញប្រអប់បាយយកមកហូប
"ហឹម! អាផ្កាយ យើងធ្លាប់ប្រាប់ឯងហើយថាមករៀនមិនបាច់យកបាយមកហូបក៏បានដែរ ចាំយើងទិញឱ្យ" នីតានិយាយទាំងញញឹម
"វាគ្មានអីទេ យើងទម្លាប់ទៅហើយ គិតតែឯងវិញទៅកុំចិត្តល្អពេកយើងមានលុយដែរតើអាចទិញអីញុាំបានកុំសូវទិញឱ្យយើងពេកប្រយ័ត្នយើងអន់ចិត្ត"ផ្កាយនិយាយរាងពេបមាត់ហើយសើចតិចៗ
"អូហូ! មើលវានិយាយមកពីយើងមិនដែលឃើញឯងទិញស្អីសុីហ្នឹង បានជាយើងទិញឱ្យគំរិះណាស់ឯងហ្នឹង"នីតាសម្លក់ផ្កាយ
"អ្ហើយ!មកពីយើងខ្ជិលសុី"ផ្កាយនិយាយ
"បានហើយមើលរាងទៅឡើងដូចឈើចាក់ធ្មេញហើយ"នីតាសើច
"បានកុំនិយាយ សុីបាយអត់?"ផ្កាយសួរ
"អឹម! សុីទៅយើងអត់ឃ្លានទេ"នីតាញញឹម
"សុីហើយចឹង"ផ្កាយចាប់ផ្តើមហូបបាយ
នៅម្ខាងសាលាមួយទៀតដែលជាថ្នាក់សិស្សវិទ្យាសាស្រ្ត កែវភ្នែកទាំងគូរកំពុងសម្លឹងមកមើលផ្កាយពីចម្ងាយ មួយសន្ទុះទើបដាច់ចិត្តដើរមករក
"អេ! ផ្កាយយើងទៅទិញទឹកផឹកមួយភ្លែតណា"នីតាប្រញាប់ងើបចេញដូចជាចង់ទុកឱកាសអោយនាយខាងនោះចូលមកជិតផ្កាយអញ្ចឹង
"ណែ! ឯងប្រញាប់ស្អីម៉្លេះ!"ផ្កាយស្រែកដាក់នីតា
"មកវិញឥឡូវហើយ"នីតាតប
"យី! យ៉ាប់មែន"
ផ្កាយរកហាមាត់ហូបបាយបន្តតែត្រូវបង្អាក់ដោយសំឡេងមួយបាននិយាយមករកគេ
"សុំអង្គុយផង"
អីយ៉ានេះជា ឌីន អញ្ចឹងតើបានជានីតាមិនចង់នៅធ្វើឆ្អឹងទទឹងក ហិហិ
"អ! អង់! អង្គុយ.. ហឹម! អង្គុយៗបាន"ផ្កាយនិយាយទាំងស្ទាក់ស្ទើរព្រោះឌីនមក ស្តែងៗពេក
"មិច! និយាយស្រួលបួលទៅចាំបាច់ភ័យ"ឌីនញញឹមតិចៗ
"អ្នកណាគេភ័យ យើងរាន់តែភ្ញាក់តើបើមកស្ងាត់ៗចឹង"ផ្កាយនិយាយ
YOU ARE READING
រឿង ផ្កាយក្រោមមេឃ (រឿងពេញ)
Romanceយើងមិនមែនជាផ្កាយដែលរះនៅលើមេឃទេ យើងគឺជាផ្កាយដែលរះក្នុងភក់ជ្រាំ ហេតុអីបានជាឯងគិតថាយើងជាមនុស្សសំខាន់?