ម៉ោងចេញលេង
"ញញឹមញញែមដល់ហើយណ៎" នីតាដៀងភ្នែកមើលផ្កាយដែលកំពុងញុាំបាយបណ្តើរញញឹមបណ្ដើរ
"អ្ហើយ...ធុញអ្នកគ្មានស្នេហាមិនចង់សន្ទនាជាមួយ" ផ្កាយញាក់ចិញ្ចើមឌឺ
"...!" នីតាមិនមាត់តែនាងជ្រួញចិញ្ចើមដាក់ផ្កាយបែបជាជ្រីញពាក្យផ្កាយនិយាយអម្បាញមិញនេះហើយ
"ថី! ធ្វើមុខដូចជុះអាចម៍អត់ចេញ" ផ្កាយសើចព្រោះថានីតាជ្រួញចិញ្ចើមទៅអាក្រក់មើលណាស់
"អ្ហើយ...ស្នេហាអីគេហ្នឹង យើងមិនជ្រួលជ្រើមទេ" នីតាទាញកែវកាហ្វេមកផឹក
"អូហូនាងល្អ ណែ!បើមានលួចក្រាស់អ្នកណាប្រាប់យើងមកយើងធ្វើមេអណ្តើកឱ្យ" នាយយើងសម្លឹងមុខនីតា
"ស្អី! ឯងចេះធ្វើមេអណ្តើកពីពេលណាមក? បានហើយគិតតែឯងនិងបងឌីនទៅដល់ណាហើយហ្នឹង?"
"ហឹម...នៅទេ" ផ្កាយដាក់ស្លាបព្រាបាយចុះ
"នៅស្អី?" នីតាសួរបញ្ជាក់
"គឺមិនយល់ខ្លួនឯងថាស្រឡាញ់១០០%អត់ហ្នឹងហា" ផ្កាយនិយាយតិចៗ ព្រោះថាចិត្តគេនៅបែងចែកមិនទាន់ដាច់រវាងការស្រឡាញ់និងការអាណិតមិនដឹងថាមួយណាឱ្យប្រាកដ
"យើងថាឯងនេះគិតច្រើនពេកហើយ"
"យើងក៏មិនចង់អញ្ចឹងដែរ តែក៏ដូចឯងឃើញស្រាប់អញ្ចឹងពេលដែលយើងនៅជិតគេយើងក៏មានក្តីសុខតិចៗដែរ" ផ្កាយញញឹម
"ហ្នឹងឯង! ដែលគេហៅថាស្រឡាញ់នោះ" នីតាទាញដៃផ្កាយមករួចដាក់ដៃទាំងសងខាងនាងពីលើ "យើងដឹងថាពេលនេះឯងពិតជាមានអារម្មណ៍មិនច្បាស់លាស់ តែមិនយូរទេឯងនឹងយល់ពីក្តីស្រឡាញ់ដែលបងឌីនមានចំពោះឯងហើយ" នីតាញញឹម
"ឯងនេះនិយាយដូចខ្លួនឯងធ្លាប់មានស្នេហាអញ្ចឹង" ផ្កាយក្រវីក្បាល
"ក៏គ្រាន់បានជាយោបល់ចំពោះឯងដែរតើហ្អី! បើយើងមិនជួយស្មានឯងបានបងឌីនធ្វើប្តីមែន? ភ្លើៗដូចឯងហ្នឹង"
"អ្នកណាប្តី?ណែយើងមិនទាន់បានធ្វើស្អីទេណា យើងហ៊ានស្បថ" ផ្កាយប្រញាប់ប្រកែកភ្លាមព្រោះថាគេមិនធ្លាប់ធ្វើរឿងបែបហ្នឹងមែន
YOU ARE READING
រឿង ផ្កាយក្រោមមេឃ (រឿងពេញ)
Romanceយើងមិនមែនជាផ្កាយដែលរះនៅលើមេឃទេ យើងគឺជាផ្កាយដែលរះក្នុងភក់ជ្រាំ ហេតុអីបានជាឯងគិតថាយើងជាមនុស្សសំខាន់?