"តែខ្ញុំចង់មានរឿងជាមួយប្រុស"រីនយ៉ាញាក់ចិញ្ចើមដាក់
"អម្បាញ់មិញនេះឌឺណាស់បងដេវីដប្រហែលជាភ្លេចខ្លួនហើយទេដឹងថាបងកំពុងតែស្ថិតនៅក្នុងទឹកដីគេប្រយ័ត្នខ្លួនបន្តិចទៅ"ឈើរីសើច។
សិស្សស្រីៗផ្សេងទៀតនិយាយ៖
"មែនហើយៗ"
"គួរប្រដៅបន្តិចហើយបានសម"
សិស្សស្រីៗពីរបីនាក់ស្ទុះទៅចាប់ដៃដេវីដជាប់ទុកឱ្យរីនយ៉ានិងឈើរីចាត់ការ។ដេវីដខំប្រឹងបម្រាស់តែមិនរួចទេទោះគេជាប្រុសពិតមែនតែកម្លាំងចាប់គឺច្រើននាក់៖
"លែង!លែងភ្លាមពួកឯងចង់ធ្វើស្អី?"
"កុំស្រែកមើលបងដេវីដ!ខឹងអ៊ីចឹងទៅមុខអាក្រក់ខ្លាំងណាស់ខ្ញុំមិនធ្វើអីបងច្រើនទេគ្រាន់តែចង់ណែនាំ"រីនយ៉ាទះថ្ពាល់ដេវីដថ្នមៗ។
រីនយ៉ាបក់ដៃជាសញ្ញាដើម្បីឱ្យគេយកអ្វីមួយឱ្យនាង។ដេវីដបើកភ្នែកធំៗ៖
"ពួកឯងលេងឆ្កួតស្អីលែងយើង"
"នៅឱ្យស្ងៀមទៅមើលគ្រាន់តែជួយផាត់មុខបន្ថែមសម្រស់ឱ្យសោះក៏ពិបាកដែរ"ឈើរីទាញយកគ្រែមពណ៌ក្រហមមកគូលមុខដេវីដ។
"បន្ថែមទៀត"
ទិដ្ឋភាពពេលនេះគឺក្រុមស្រីៗកំពុងធ្វើបាបបុរសហាហា!មើលចុះដេវីដរើខ្លួនមិនចេញទេមុខគេពេលនេះប្រឡាក់សុទ្ធតែគ្រែមនិងម្សៅ។នេះហើយលទ្ធផលនៅស្រួលៗមិនចង់ទេរបស់គេឆ្ងាញ់ណាស់ទៅឬបានជាខំម៉្លេះ។បន្ទាប់ពីគូសមុខមាត់ឆ្អែតចិត្តហើយរីនយ៉ាទាញទូរស័ព្ទមកថតរូបដេវីដទុកទៀតផងក្នុងចិត្តដេវីដពេលនេះគឺមានតែពាក្យថាទ្រាំ៖
"ឱ្យពួកឯងឈ្នះយើងសិនចុះ"
គោលបំណងថាទៅដើម្បីសប្បាយក៏រលាយបាត់អស់ផ្កាយមកដល់ផ្ទះវិញទាំងក្តៅចិត្តនេះដេវីដបំបាក់មុខគេហើយនៅមករករឿងគេដល់ក្នុងបន្ទប់ទឹកទៀត។ផ្កាយប្រញាប់ចូលទៅងូតទឹកចេញរួចចូលដេកតែម្តងតែគេថេកមិនលក់សោះគេគិតថានៅថ្ងៃស្អែកដេវីដគេនឹងធ្វើរឿងអ្វីទៀតចំពោះគេ។មួយសន្ទុះស្រាប់តែឌីនខលមក៖
(មិនរំខានទេមែនទេ?)
"មិនអីទេយើងមិនទាន់ដេកផង"ផ្កាយដងដង្ហើមធំ
(យើងសុំទោសចំពោះដេវីដផងយើងគិតថាគេគ្មានបំណងទេនេះប្រហែលជាជំងឺគេរើឡើងទៀតហើយមើលទៅ)ឌីននិយាយបកស្រាយប្រាប់ផ្កាយអំពីរឿងដែលដេវីដគេមានបញ្ហាខួរក្បាល។
ផ្កាយស្តាប់ហើយហួសចិត្ត៖
"នេះឯងគិតថារឿងដែលកើតឡើងកន្លងមកវាជាជំងឺឆ្កួតឡឯឡប់របស់គេហ្នឹងមែនទេ?"
(មិនមែនទាំងអស់ទេតែយើងចង់ប្រាប់ឯងកុំឱ្យប្រកាន់ខឹងអ្វីច្រើនចំពោះដេវីដអីប្រហែលគេគ្រប់គ្រងអារម្មណ៍ខ្លួនឯងមិនបានទេដឹង)
"ចាប់ចូលពេទ្យឆ្កួតទៅ"ផ្កាយនិយាយបែបហី។
(ផ្កាយ!ចាប់ទុកថាយើងសុំចុះណាយ៉ាងណាក៏គ្រួសារគេនឹងគ្រួសារយើងជិតដិតគ្នាដែរយើងមិនចង់ឱ្យមានរឿងរហូតគេទៅទូលពិតលោកប៉ារបស់គេនោះទេ)
ផ្កាយពេបមាត់រួចតបវិញ៖
"អឺៗ!យើងមិនប្រកាន់គេក៏បានតែឯងក៏ជួយប្រាប់គេផងថាឈប់មករញេរញៃជាមួយយើងទៀតយើងខ្លាចថាថ្ងៃណាមួយអត់ទ្រាំមិនបានអាចនឹងដាក់គេវិញ"
(បានចាំយើងប្រាប់គេឱ្យអ៊ីចឹងឯងសន្យាហើយណាថាមិនប្រាកាន់ខឹងគេ?)
"អឺៗ!"
ផ្កាយចុចបិទទូរស័ព្ទវិញគេរអ៊ូម្នាក់ឯងតិចៗ៖
"បារម្ភគេណាមិនទៅយកគេទៅ"
ស្អែកឡើងថ្ងៃនេះគឺជាថ្ងៃពិសេសបំផុតរបស់ផ្កាយព្រោះថាជាថ្ងៃកំណើតរបស់ម្តាយគេ។ផ្កាយឃាត់មីងរីនមិនឱ្យទៅលក់់ត្រីឯផ្សារទេឱ្យសម្រាកមួយថ្ងៃខ្លះទៅ។ដំបូងផ្កាយមិនចង់ប្រាប់រឿងនេះទៅឌីនប៉ុន្មានទេព្រោះថាចង់ធ្វើបែបលក្ខណ:គ្រួសារតូចតាចតែនីតាចចេសខលប្រាប់ឌីនទាល់តែបាន។ឌីនដឹងដំណឹងភ្លាមគេក៏ប្រញាប់កម្មង់នំឃេកនឹងបើកឡានមកផ្ទះរបស់ផ្កាយតែម្តងដើម្បីជួយរៀបចំកន្លែងធ្វើពិធី។
កន្លែងរៀបចំគឺធ្វើនៅទីធ្លាមុខផ្ទះតែម្តងព្រោះស្រឡះល្អ។ថ្ងៃនេះផានីដែលជាបងស្រីរបស់ផ្កាយក៏មកដែរគាត់បានយកកូនស្រីគាត់អាយុប្រហែល៧ឆ្នាំមកទៀតផងឈ្មោះនូតា។ផ្កាយបានទិញរ៉ូបថ្មីមួួយជូនម្តាយគេទៀតផងមើលចុះពាក់នឹងខ្លួនស្អាតខ្លាំងណាស់។
ម៉ោង៧យប់ពិធីចាប់ផ្តើមផ្កាយដឹកដៃមីងរិនចេញពីក្នុងផ្ទះមកទាំងញញឹមឌីនជាអ្នកថតរូបនីតានឹងបងផានីជានាក់កាន់នំឃេកចំណែកឯនៅតុខាងមុខមានម្ហូបបួនដប់មុខ។ទាំងអស់គ្នានាំគ្នាស្រែកច្រៀង៖
"រីករាយថ្ងៃកំណើត!រីករាយថ្ងៃកំណើត!"
នីតាយកដែកកេះដុតទានរួចនិយាយ៖
"មីងប្រញាប់បន់ស្រន់ទៅខ្ញុំឃ្លាននំណាស់"
ទាំងអស់គ្នាសើចក្រវីក្បាលនឹកហួសចិត្តនឹងនីតា។មីងរិនបិទភ្នែកបន់ស្រន់រួចផ្លុំទានឱ្យរលត់។
"ជូនពរម៉ែឱ្យមានអាយុវែងមានសុខភាពល្អ"ផានីស្ទុះទៅថើបម៉ែ
"ចំណែកខ្ញុំវិញជូនពរម៉ែឱ្យម៉ែមានសម្រស់កាន់តែស្អាតៗៗៗស្អាតជាងគេក្នុងភូមិ"ផ្កាយឱបមីងរិនទាំងញញឹមចេញពីចិត្ត។
បន្ទាប់ពីជូនពរហើយនីតាចាប់ផ្តើមកាត់នំឃេកគេយកនំមួយចានហុចឱ្យឌីនរួចនិយាយ៖
"យកទៅប៉ាតមុខអាផ្កាយទៅ"
"ល្អដែរហី?"ឌីននិយាយតិចៗព្រោះគេដូចជាមិនសូវហ៊ាន
"មិនអីទេទៅ"
ឌីនក៏ដើរលបៗទៅក្រោយផ្កាយរួចឆ្កិះនំមួយដុំតូចទៅលាបលើមុខផ្កាយ។ផ្កាយភ្ញាក់ព្រើត៖
"លេងអីឡប់ៗអ៊ីចឹងប្រឡាក់អស់ហើយ"
ឌីនមិនខ្វល់គេយកនំមកប៉ាតថែមទៀតផ្កាយខ្នាញ់ពេកក៏យកនំមកដេញប៉ាតមុខឌីនវិញដូចគ្នានីតាសើចឡើងចំហមាត់ស្រាប់តែផ្កាយយកនំមួយដុំធំមកញុកចូលមាត់នាងបុិសឆ្លាក់កស្លាប់។នីតាអត់ទ្រាំមុនបានក៏ដេញវ៉ៃផ្កាយឡើងពេញមុខផ្ទះមួយសន្ទុះធំទើបបងផានីស្រែកឡើង៖
![](https://img.wattpad.com/cover/285280594-288-k615234.jpg)
YOU ARE READING
រឿង ផ្កាយក្រោមមេឃ (រឿងពេញ)
Romanceយើងមិនមែនជាផ្កាយដែលរះនៅលើមេឃទេ យើងគឺជាផ្កាយដែលរះក្នុងភក់ជ្រាំ ហេតុអីបានជាឯងគិតថាយើងជាមនុស្សសំខាន់?