"បានហើយឈប់លេងដូចក្មេងទៅមកញុាំអហារជុំគ្នាវិញត្រជាក់អស់លែងឆ្ងាញ់ឱឥឡូវហើយ"
ឮដូច្នេះទាំងបីនាក់ក៏ឈប់លេងហើយដើរមកអង្គុយនៅកន្លែងតុញុាំអីវិញ។ញុាំបណ្តើរជជែកសួរសុខទុកគ្នាបណ្តើរស្រាប់តែប្អូននូតានិយាយឡើង៖
"បងផ្កាយពេញកំលោះហើយកាលណាយកសង្សារ?"
ផ្កាយគាំងនឹងសំណួររបស់នូតាគេមិនមាត់រួចសម្លឹងមើលមុខឌីនទាំងសើច។នីតាឃើញផ្កាយមិនមាត់ទើបគេនិយាយជំនួស៖
"ម៉េចដឹងគេគ្មានណែ!នាងតូចអាផ្កាយគេប្រហែលជាមានហើយគេលាក់មិនឱ្យដឹងទេដឹង"
"មែនអត់កូន"មីងរិនសួរផ្កាយទាំងចង់ដឹង
"គឺ!គ្មានទេទៅជឿនីតាហ្នឹងបុិនកុហកសឹងអី"ផ្កាយនិយាយទាំងធ្វើភ្នែកក្រឡេបក្រឡាប់។
"ឱ្យតែច្បាស់"នីតាញញឹមឌឺ
"វីសបែកការទៅហើយស្រីចង្រៃ"ផ្កាយគិតក្នុងចិត្ត
មីងរិនងាកមើលឃើញឌីនមិនមាត់អង្គុយញញឹមញញែមគាត់ក៏និយាយ៖
"កូនឌីនឆាប់ញុាំទៅត្រជាក់អស់ហើយ"
"បាទ!"ឌីនរាងភាំងបន្តិចមុននេះមីងរិនហៅគេថាកូនៗពេញមាត។
ដល់ពេលដែលត្រូវរូបជុំគ្នាហើយនីតាសុំកាមេរ៉ាពីឌីនមកឱ្យនាងកាន់វិញដើម្បីថតរូបជុំគ្នា។ដំបូងឌីនមិនសូវហុានប៉ុន្មានទេតែគ្រប់គ្នាហៅឱ្យចូលថតក៏គេចូលតែម្តងទៅមើលចុះរូបភាពជាច្រើនសន្លឹកភ្ជាប់ជាមួយស្នាមញញឹមនេះពិតជាគ្រួសារដ៏កកក្តៅខ្លាំងមែនទែនដែលឌីនគេមិនធ្លាប់ជួបប្រទះ។ពេលនេះគេបានមកស្គាល់ផ្កាយស្គាល់គ្រួសាររបស់ផ្កាយធ្វើឱ្យជីវិតគេប្រៀបដូចជាមានពន្លឺឡើងមកវិញ។មីងរីនបានឱ្យឌីនហៅគាត់ថាម៉ែៗចាប់ពីពេលនេះទៅព្រោះមើលទៅឌីនក៏ស្និទ្ធស្នាលជាមួយផ្កាយមិនចាញ់នីតាប៉ុន្មានដែរ។ឌីនទទួលយកទាំងរំភើបចិត្តព្រោះមិននឹកស្មានថាខ្លួនពេលនេះមានពាក្យថាម៉ែហៅដូចគេឯងសោះទង្វើទាំងនេះធ្វើឱ្យឌីនកាន់តែស្រឡាញ់ផ្កាយលើសដើម។
ម៉ោងប្រហែល១០យប់ទើបពិធីបានបញ្ចប់គ្រប់គ្នាត្រូវគេងនៅផ្ទះរបស់ផ្កាយនេះហើយព្រោះថាអម្បាញ់មិញនេះក៏មានផឹកគ្រឿងស្រវឹងតិចតួចដែរ។ផ្កាយនឹងឌីនបានរៀបចំយកចាបទៅលាងចំណែកនីតានាងស្រវឹងដេកលក់បាត់ហើយបងផានីគាត់ត្រូវងើបពីព្រលឹមដើម្បីបើកតូបលក់នៅឯផ្សារទើបគាត់ប្រញាប់ត្រឡប់ទៅវិញរីឯមីងរិនផ្កាយបានឱ្យគាត់ចូលសម្រានបាត់ហើយ។
ផ្កាយកំពុងតែលាងចាននៅក្រោយផ្ទះសុខៗស្រាប់តែឌីនគេដើរមកឱបពីក្រោយធ្វើឱ្យផ្កាយយើងរាងភ្ញាក់បន្តិចដែរ៖
"ឌីន!ចិត្តចិត្តណាស់អាមកស្ងាត់ៗហ្នឹងដឹងគេភ្ញាក់អត់"
"ចេះភ្ញាក់ដែរ?ហ្អឹម!"ឌីនឱនមុខទៅថើបសក់ផ្កាយពីក្រោយ
"កុំមកលេងអ៊ីចឹងកណ្តាលវាលណែ!មិនចេះខ្មាសខ្មោចទេហី?"ផ្កាយប្រឹងរើខ្លួន
"មិនងាយមានឱកាសល្អបែបហ្នឹងទេណា"ឌីនញញឹមស្រស់
ផ្កាយជ្រួញចិញ្ចើមគេងាកមុខមកនិយាយ៖
"កុំថាចង់មកលូកលាន់យើងដូចពេលនោះទៀតណា!"
"ប្រហែលទេដឹង"ឌីនឱនទៅខាំស្លឹកត្រចៀកផ្កាយតិចៗ
"អូយ!លេងស្អីដូចឆ្កែអ៊ីចឹងនៀក!ជាតិមុនឯងជាឆ្កែមែនទេបានជានៅសុខៗមកដើរខាំគេបែបនេះ"ផ្កាយនិយាយទាំងខ្នាញ់។
"ឯងនេះបុិនរកពាក្យមកថាឱ្យយើងណាស់ប្រសិនបើយើងជាឆ្កែអ៊ីចឹងមានន័យថាឯងគឺជាឆ្អឹងព្រោះឆ្កែចូលចិត្តអង្គាមឆ្អឹងនោះអី"ឌីនសើច។
"ណែ!នេះឯងចង់មកផ្ចាញ់យើងមែនទេ?ហឹស!មិនងាយទេ"ផ្កាយលាងចានបន្តទៀត។
ឌីនមិនមាត់គេឈរឱបផ្កាយពីក្រោយមួយសន្ទុះទើបនិយាយត៖
"តែយើងគិតថាឯងគឺជាផ្កាយ!ផ្កាយដែលរះនៅលើមេឃបញ្ចេញពន្លឺយ៉ាងត្រកាលបំភ្លឺជីវិតយើងឱ្យមានរស្មីមានស្នាមញញឹមនឹងអ្វីៗគ្រប់យ៉ាងឡើងមកវិញ"
ផ្កាយស្តាប់ទាំងសើចគេងាកមកមើលមុខឌីនទាំងជ្រួញចិញ្ចើមដូចជាមិនយល់ស្របនឹងសម្តីរបស់ឌីនអម្បាញ់មិញនេះទេ៖
"តែយើងគិតថាខ្លួនឯងគឺជាក្រោយដែលនៅក្រោមមេឃវិញ"
"ព្រោះអ្វីទៅ?"ឌីនឆ្ងល់
"ក៏ព្រោះយើងគឺជាផ្កាយក្រោយមេឃនោះអីផ្កាយដែលមានតែឈ្មោះជាផ្កាយដែលគ្មានពន្លឺគ្មានរស្មីរះគ្មានទិសដៅប្រៀបដូចជារបស់ដែលគ្មានតម្លៃស្ថិតនៅក្នុងភពងងឹតហេតុអ្វីបានជាឯងចាប់ទុកយើងថាជាមនុស្សសំខាន?"ផ្កាយនិយាយទាំងញញឹមស្ងួត។
ឌីនរាងហួសចិត្តបន្តិចដែលឮពាក្យនេះចេញពីមាត់ផ្កាយគេនិយាយតបវិញទាំងសម្លេងស្រទន់៖
"យើងមិនដែលគិតថាឯងជាអ្វីមកពីណាទីកន្លែងបែបម៉េចនោះទេអ្វីដែលយើងមើលឃើញនោះគឺចិត្តរបស់ឯងយើងស្រឡាញ់ឯងគឺត្រង់ហ្នឹងហើយឯងគឺជាមនុស្សដែលថែពាក្យសន្យាបានល្អណាស់បើយើងនិយាយមួយយប់ទៀតក៏អស់ដែរ"
"និយាយពាក្យចម្លែកម៉្លេះ!"ផ្កាយរាងឆ្ងល់បន្តិច
"ផ្កាយ!ម៉េចបានជាពេលដែលនូតាសួរឯងមិនប្រាប់ទៅថាយើងជាសង្សាររបស់ឯង?" ឌីនប្តូររឿងនិយាយ
"យី!ឆ្កួតទេអីមកដល់ពេលនេះហើយយើងមិនទាន់យល់ចិត្ត១០០%ថាស្រឡាញ់ឯងច្បាស់ឬអត់ផងនេះទំរាំគិតដល់រឿងសារភាពប្រាប់គេទៀតនោះ"ផ្កាយក្រវីក្បាល។
"ឯងនិយាយត្រង់ៗដល់ហើយ"ឌីនញញឹម
"គឺមកពីយើងចូលចិត្តប្រាប់ត្រង់ៗមិនចូលចិត្តលាក់លាមទេពេលណាដែលយើងដឹងចិត្តខ្លួនឯងពេលនោះហើយទើបឯងទទួលបានចម្លើយ"
"ពេលណាទៅ?"ឌីននិយាយទាំងចង់ដឹង
"មិនដឹងដែរឯងខំធ្វើល្អបនហតិចទៅប្រហែលជាយើងអាចបាក់ចិត្តលើឯងលឿនក៏ថាបាន"ផ្កាយសើចតិចៗ
"ប៉ុណ្ណឹងហើយមិនល្អទៀតហ៎?"ឌីនពេបមាត់
ផ្កាយឃើញនិយាយបែបនេះគេក៏និយាយបន្លំ៖
"យី!ចេះមកឈរឱបយើងទៅកើតមានបេះដូងអត់ហ្នឹងមិនចេះជួយលាងគ្នាទេនឹងអាលបានទៅគេងហី"
JE LEEST
រឿង ផ្កាយក្រោមមេឃ (រឿងពេញ)
Romantiekយើងមិនមែនជាផ្កាយដែលរះនៅលើមេឃទេ យើងគឺជាផ្កាយដែលរះក្នុងភក់ជ្រាំ ហេតុអីបានជាឯងគិតថាយើងជាមនុស្សសំខាន់?