មន្ទីរពេទ្យ..."កុំកើតអីធ្ងន់ធ្ងរវើយ...យើងគ្មានលុយចូលបុណ្យទេ" ដារីដើរចុះដើរឡើងមុខបន្ទប់មុខគេឡើងស្លេកអស់ហើយព្រោះថាគេមិនធ្លាប់ធ្វើឱ្យអ្នកណាមកជួបរឿងបែបហ្នឹងទេ។ ឈរចាំមួយសន្ទុះគ្រូពេទ្យក៏បើកទ្វាចេញមក "លោកគ្រូពេទ្យយ៉ាងម៉េចទៅហើយ គេដឹងខ្លួនហើយនៅ?"
"អ្នកជំងឺដឹងខ្លួនហើយ អាការៈធម្មតាទេ" លោកគ្រូពេទ្យនិយាយ
"ហ្អាក! មិនកើតអីចុះម៉េចបានជាគេសម្លប់អ៊ីចឹង" ដារីឆ្ងល់
"ប្រហែលជាអ្នកជំងឺគេតក់ស្លុតនឹងហេតុការណ៍ដែលកើតឡើង ដូចជាឃើញឈាមអីបែបនេះ"
"អ៎! អ៊ីចឹងខ្ញុំសុំចូលទៅមើលគេបានទេ?"
"អញ្ជើញចូលបាន"
គ្រាន់តែលោកគ្រូពេទ្យនិយាយចប់ដារីស្ទុះបើកទ្វាចូលទៅមើលឃាវុទ្ធភ្លាម មើលចុះពេលចូលទៅដល់គេឡើងហួសចិត្តព្រោះថា ឃាវុទ្ធគេដេកគងអន្ទាក់ខ្លាធ្វើមិនដឹង។
"អ្ហើយ!យើងស្មានតែងាប់បាត់ហើយ" ដារីឈរឱបដៃមើលឃាវុទ្ធដែលដេកញញឹមធ្វើដូចមិនដឹងរឿងអ្វីសោះ
"អ្នកណាងាប់?" ឃាវុទ្ធងាកមកមើលមុខដារីធ្វើភ្នែកភ្លឹះៗ"អ្នកណាយកយើងមកមន្ទីពេទ្យ?"
"នេះឯងសន្លប់ឡើងបាត់ការចងចាំហើយមែនទេ បានជាមិនចាំថាមានរឿងអ្វីកើតឡើង?" ដារីក្រវីក្បាលរួចទាញកៅអីមកអង្គុយជិត
"ស្រេកទឹកណាស់" ឃាវុទ្ធរអ៊ូតិចៗ
"..." ដារីមិនមាត់គេងើបដើរទៅយកទឹកសុទ្ធនៅលើតុនៅក្បែរនោះមកបោះឱ្យឃាវុទ្ធព្រុស
"អូយ! ឈឺ នេះឯងចង់សម្លាប់យើងមែនទេ?" ឃាវុទ្ធស្រែកឡើងឮៗព្រោះថាទឹកដែលបោះមកគឺចំដៃគេដែលកំពុងរំបួស
"អឺ...សុំទោស"ដារីឱនទៅរើសដបទឹកមកវិញគេយកទៅចាក់ដាក់ក្នុងកែវ រួចយកមកឱ្យឃាវុទ្ធផឹក "ផឹកហើយល្មមទៅវិញបានហើយនៅ? មើលទៅគ្មានឃើញកើតស្អីធ្ងន់ធ្ងរទេ"
"អឺ ទៅបានតើ"
មួយសន្ទុះក្រោយដោយសារតែថ្លៃបង់បន្ទប់ថ្លៃថ្នាំនិងថ្លៃរំរបួសផងនោះឃើញថាវាអស់ដល់ទៅ១០មុឺនរៀល ដារីបើកភ្នែកធំៗនៅពេលឃើញក្រដាស់គិតលុយដែលពេទ្យហុចឱ្យគេ មានលុយឯណាទៅ! បើរាល់ថ្ងៃតែលុយសុីបាយមិនចង់គ្រប់ផង បើឃាវុទ្ធវិញគេអស់លុយតាំងពីព្រឹកបាត់ទៅហើយ ពេលនេះគេចង់ខលទៅបងគេដែរតែដារីហាមខ្លាចដឹងរឿងវែងឆ្ងាយ។
............................
"ប្រហែលជាជាតិនេះខ្ញុំត្រូវធ្វើបុណ្យ១០០វត្តហើយទើបបានកុំឱ្យជាតិក្រោយមកអង្គុយកំដរគេញែគ្នាបែបនេះ" នីតារអ៊ូតិចៗនាងងាកមើលផ្កាយដែលកំពុងដើរសាសងគ្នាជាមួយឌីនសំដៅមករកនាងមិនដឹងជានិយាយអ្វីនឹងគ្នាខ្លះទេបានជាញញឹមឡើងខ្ចិបបែបនេះ
"នេះទឹកអស់១០០០៛" ផ្កាយដើរមកជិតហុចទឹកសុទ្ធនីតា។ ស្រស់ស្រីជ្រួញចិញ្ចើមគ្រាន់តែទឹកមួយដបសោះក៏ចង់ទាលុយដែរទើបនាងលាន់មាត់៖
"ដល់កហើយអាផ្កាយ លើកក្រោយឈប់ផ្ញើហើយ"
"យើងនិយាយលេងតើ"ផ្កាយសើចតិចៗរួចបន្តងាកទៅកេះស្មារបស់ឌីន "ឌីនមិត្តឯងហៅហើយ"
"ហឹម! ទៅសិនហើយអ៊ីចឹង" ឌីនប្រញាប់ដកខ្លួនចេញរួចរត់ទៅអាគារសិក្សាគេវិញតែក៏មិនភ្លេចស្រែកមកផ្តាំផ្កាយវិញដែរ "យប់នេះខលមកផងមិនអ៊ីចឹងទេយើងខឹងហើយ"
"ឯងកើតស្អីជាមួយគាត់មែនទេ?" នីតាធ្វើមុខបែបឆ្ងល់
"គ្មានទេ គេចង់ឱ្យយើងខលទៅគេ"
"អ្ហា៎ក! អ៊ីចឹងឯងមិនដែលខលទៅគេទេមែន?"
"ប្រហែលជាបែបហ្នឹងហើយ" ផ្កាយនិយាយបែបហី
"យី! ជាសង្សារគ្នាបែបម៉េចហ្នឹង? គ្រាន់តែខលរកគ្នាសោះក៏ពិបាកដែរ" នីតាគ្រវីក្បាលហួសចិត្តនិងផ្កាយ
"ខ្លាចរំខានគេ"ផ្កាយនិយាយតិចៗសឹងស្តាប់មិនឮ
"មនុស្សស្រឡាញ់គ្នាគេមិននិយាយពាក្យហ្នឹងទេ"
"ទៅយើងដឹងហើយ ឥឡូវឈប់សួរនាំទៀតប្តូររឿងនិយាយវិញ" ផ្កាយដើរចូលទៅក្នុងថ្នាក់រួចអង្គុយចុះត្រង់តុរបស់គេ
"យើងសួរតាមត្រង់ទៅមើលថាឯងស្រឡាញ់បងឌីនពិតប្រាដកឬអត់? ឆ្លើយមក" នីតាបោះសំណួរសួរមិត្តទាំងសង្ស័យក្នុងចិត្តមិនដែលសង្សារឯណាគ្រាន់តែខលរកគ្នាក៏ពិបាកហើយមើលទៅផ្កាយធ្វើដូចជាធម្មតា។
"គឺថា..."
~ទូត~ទូត~ទូត~ សំឡេងទូរស័ព្ទលាន់ចេញពីកាបូបរបស់នីតាបានបង្អាក់សម្តីរបស់ផ្កាយ។ នីតាស្ទុះទៅទាញយកទូរស័ព្ទមកនិយាយ៖
"អាឡូដារី...អ្ហា៎ក!ថាម៉េច នៅមន្ទីពេទ្យ?...ស្អីគេត្រូវការលុយ?"
"កើតរឿងអីហ្នឹង?" ផ្កាយបើកភ្នែកធំៗសួរបញ្ជាក់នីតា
"អឺ! បន្តិចទៀតយើងទៅដល់ហើយ"នីតាបិទទូរស័ព្ទវិញ នាងអូសដៃផ្កាយឱ្យទៅតឆមនាង។
"ឈប់!ឈប់! និយាយមកមើលថាកើតរឿងស្អី"ផ្កាយខំប្រឹងទាញដៃនីតាមកវិញកុំឱ្យនាងប្រញាប់ពេក។
"អាដារីវាធ្វើឱ្យគេមានរបួសចូលពេទ្យឥឡូវវាត្រូវការលុយ ឯងឆាប់ទៅជាមួយយើងកុំសួរនាំច្រើន"
"អីគេ!មានរឿងបែបហ្នឹងផង"
ពួកគេទាំងពីរនាក់ប្រញាប់រត់ចេញទៅក្រៅសាលាដោយមិនបានប្រាប់ប្រធានថ្នាក់ទេព្រោះទាន់ហន់ពេក។ នីតាហៅម៉ូតូឌុបជិះទៅមន្ទីពេទ្យដែលដារីផ្ញើទីតាំមកឱ្យ។ ពេលទៅដល់មន្ទីពេទ្យទាំងពីរនាក់ភ្ញាក់ផ្អើលជាខ្លាំងដែលអ្នកដែលដារីធ្វើឱ្យរបួសគឺជា ឃាវុទ្ធប្អូនរបស់ឌីន។
"ឃាវុទ្ធ!" ផ្កាយនិងនីតាស្រែកឡើងព្រមគ្នាព្រោះនឹកស្មានមិនដល់ពិភពលោកនេះពិតជាមូលមែនហ្ន៎!
"បងនីតា! បងផ្កាយ" ឃាវុទ្ធក៏ភ្ញាក់ផ្អើលមិនចាញ់អ្នកទាំងពីរប៉ុន្មានដែរ គេក៏មិននឹកស្មានដូចគ្នា។
"អូយ! ឈឺ នេះស្គាលគ្នាដែរមែនទេ" ដារីសួរបែបឆ្ងល់
"គេជាប្អូនរបស់បងឌីនដែលជាសង្សារអាផ្កាយនោះអីឯងមិនដឹងទេហ៎ ហើយម៉េចបានឯងស្គាល់ឃាវុទ្ធអ៊ីចឹង?" នីតានិយាយតិចៗ
"គេជាមិត្តខ្ញុំណាបង" ដារីតបវិញ
"អូហ៍! សុទ្ធតែគ្នាឯងទេអ៊ីចឹង" ផ្កាយលាន់មាត់រួចដើរជិតឃាវុទ្ធ"យ៉ាងម៉េចហើយត្រូវខ្លាំងដែរអត់ប្អូន"
"មិនអីទេបង គ្មានសូវឈឺអីផង"ឃាវុទ្ធញញឹមស្រស់
"បានសម្តីណាស់ហ្ន៎ ក្រែងមុននេះសន្លប់ជិតស្លាប់តើហី" ដារីនិយាយបែបហី
"អាឈ្លើយ" នីតាក្ដិចដៃប្អូនមួយទំហឹង
"ឈឺ! ខ្ញុំហៅបងមកឱ្យមកជួយចេញលុយ មិនមែនហៅមកឱ្យវ៉ៃខ្ញុំទេ" ដារីហុចវិកាយប័ត្រគិតលុយឱ្យនីតា។
"តែយើងគិតថាខលហៅបងឌីនល្អទេ?គាត់សម្បូរលុយផង" នីតាទាញទូរស័ព្ទចេញពីកាបូបមក។
"ទេបង!កុំអីខ្ញុំខ្លាចបងខ្ញុំដឹងគាត់ស្តីឱ្យខ្ញុំ បងជួយចេញថ្លៃបន្ទប់និងព្យាបាលសោនទៅម៉េចម៉ាខ្ញុំសងបងវិញ" ឃាវុទ្ធប្រញាប់និយាយឃាត់។
"មែនតើ នីតាឯងចេញសិនទៅ"ផ្កាយឱ្យយោបល់
"ហឹមអ៊ីចឹងក៏បានដែរ"
បន្ទាប់ពីចេញបងថ្លៃមន្ទីពេទ្យរួចរាល់ហើយទាំងអស់គ្នាក៏ត្រឡប់ទៅសាលរៀនវិញព្រោះដើម្បីមកយកកាបូបនិងរបស់ដែលភ្លេច។ ឃាវុទ្ធបានឃាត់មិនឱ្យផ្កាយនីតានឹងដារីជូនគេទៅផ្ទះទេខ្លាចបងគេសួរនាំច្រើន។របួសត្រង់កែងដៃគ្រាន់តែពាក្យអាវសដៃវែងទៅគឺបិទជិតហើយ។
YOU ARE READING
រឿង ផ្កាយក្រោមមេឃ (រឿងពេញ)
Romanceយើងមិនមែនជាផ្កាយដែលរះនៅលើមេឃទេ យើងគឺជាផ្កាយដែលរះក្នុងភក់ជ្រាំ ហេតុអីបានជាឯងគិតថាយើងជាមនុស្សសំខាន់?