មាត់ទន្លេ...
"ឯងចេញពីយើងទៅ ចេញឱ្យឆ្ងាយ! យើងស្អប់ឯង" ផ្កាយស្រែកឡើងខ្លាំងៗ
"យើងធ្វើអ្វីខុសមែនទេ? ម៉េចឯងដេញយើងអញ្ចឹង?"
"យើងថាឱ្យចេញ ចេញទៅ! អាក្មេងឆ្កួត" ផ្កាយរុញក្មេងប្រុសម្នាក់នោះមួយទំហឹងបណ្តាលឱ្យគេដួសអុកគូទនិងដី
"អា!" ក្មេងប្រុសម្នាក់នោះដួលប៉ះមែកនិងឈើធ្វើឱ្យដៃរបស់គេហូឈាមតិចៗ"ឯងកើតស្អី...ម៉េចបានជាមកជះកំហឹងដាក់យើងបែបនេះ"
"ឯង...គឺមកពីឯង អាក្មេងចិត្តល្អ ប្រសិនបើគ្មានឯងយើងក៏គ្មានរឿងយល់ច្រឡំបែបនេះដែរ" ផ្កាយដោះស្បែកជើងប៉ាតាដែលក្មេងប្រុសម្នាក់នោះទិញឱ្យគប់ឱ្យគេវិញ "យករបស់ឯងវិញទៅ យើងមិនត្រូវការវាទេ"
"ហេតុអីឯងជាក្មេងនិយាយស្តាប់គ្នាមិនបានបែបនេះ?" ក្មេងប្រុសម្នាក់នោះប្រឹងងើបឈរឡើងវិញ។
ផ្កាយយើងក្តាប់ដៃដើរចេញ ទាំងមិនស្តាប់ការបកស្រាយអ្វីពីក្មេងម្នាក់នោះសូម្បីបន្តិច។
"ផ្កាយ! ពេលឯងឈប់ខឹងយើង យើងនឹងមកចាំឯងត្រង់នេះណា" និយាយរួចក្មេងប្រុសម្នាក់នោះក៏ដើរចេញទៅបាត់
"ដេញទៅក៏ទៅមែនហ៎" ផ្កាយងាកក្រោយមកមើល
"ទេ! កុំទៅ អាក្មេងចិត្តល្អ មកវិញមក! មកវិញ!!!!" នាយយើងស្រែកខ្លាំងៗ កន្ត្រាក់ខ្លួនមួយទំហឹងពីដំណេកគេស្ទុះងើបអង្គុយទាំងដកដង្ហើមស្ទើមិនចង់ដល់គ្នា ទឹកភ្នែកដែលកំពុងស្រក់ក៏បន្តស្រក់ចេញមកឥតឈប់។ អម្បាញ់មិញនេះជាការយលសប្តិរបស់គេទេតើ ផ្កាយក៏បន្តយកដៃជូតទឹកភ្នែកចេញទាំងសម្លឹងមើលខ្នើយគេង អូ! នេះគេយំឡើងចង់ជោកខ្នើយទៅហើយ ក្មេងប្រុសដែលនៅក្នុងយលសប្តិរបស់គេជានរណាទៅ? ហេតុអ្វីបានជាគេស្ថិតក្នុងការចងចាំ រហូតធ្វើឱ្យគេសម្រក់ទឹកភ្នែកបែបនេះ?
"អាក្មេងចិត្តល្អ នេះឯងមករំលឹកការចងចាំរបស់យើងទៀតហើយមែនទេ"ផ្កាយនិយាយតិចៗ ព្រមទាំងសម្លឹងមើលទៅខ្សែកបណ្តោងរូបផ្កាយដែលបាក់មួយចំហៀង ព្យួរនៅជញ្ជាំងជិតតុអង្គុយរៀន នាយយើងដកសង្ហើមធំមួយសន្ទុះធំ។
YOU ARE READING
រឿង ផ្កាយក្រោមមេឃ (រឿងពេញ)
Romanceយើងមិនមែនជាផ្កាយដែលរះនៅលើមេឃទេ យើងគឺជាផ្កាយដែលរះក្នុងភក់ជ្រាំ ហេតុអីបានជាឯងគិតថាយើងជាមនុស្សសំខាន់?