មិនដឹងថាឃាវុទ្ធជាប្អូនរបស់ឌីនទេមើលទៅ។
ប្រាកដជាមិនស្គាល់ហ្នឹងហើយព្រោះឃាវុទ្ធនៅទីនេះតាំងពីតូចមកគេមិនបានទៅរស់នៅភ្នំពេញទេព្រោះនៅទីនេះមានមានម៉ែដោះមើលថែគាត់ទើបតែទទួលមរណ:ភាពមួយឆ្នាំមុននេះឯងបន្ទាប់មកទើបឌីនផ្លាស់មកនៅទីនេះជាមួយ។
"មនុស្សស្អីធ្វើខុសហើយមិនចេះសុំទោសទេតែបែមកធ្វើរឹងហំបែបនេះទៅវិញ"ឃាវុទ្ធស្តីឯងដេវីដទាំងមិនព្រឺសូម្បីបន្តិច។
"បានហើយយើងខ្ជិលឈ្លោះនិងក្មេងមួយរៀលៗដូចជាឯងនេះណាស់"ដេវីដលូកទាញកាបូបលុយពីកក្នុងហោប៉ៅរបស់គេចេញមករួចដកលុយប្រហែលជា១០សន្លឹកសុទ្ធតែក្រដាស់១០មុឺនមកគប់ឱ្យឃាវុទ្ធ
ឃាវុទ្ធសម្លឹងមើលទាំងហួសចិត្តមិននឹកស្មានថាសម័យនេះហើយនៅមានមនុស្សបែបនេះទៀត។ឃាវុទ្ធសម្លឹងមើលដេវីដទាំងខ្នាញ់រួចដើរទៅមុខបាត់។
ដេវីដរាងភាំងបន្តិចដែរគេគិតថាអាក្មេងនេះភ្លើទេអីបានជាដើរទៅចោលលុយបែបនេះ។ដេវីដញញឹមបែបឌឺសម្លឹងមើលទៅកន្លែងដែលគេបាចលុយចោលនោះមានមនុស្សជិះកាត់ឈប់រើសដណ្តើមគ្នាពេញហ្នឹង។
ម៉ោងប្រហែលជា៧យប់ទៅផ្កាយនៅមិនទាន់ងូតទឹកនៅឡើយទេគេនៅគិតដល់ពេលដែលដេវីដមករករឿងគេនោះឥតឈប់ព្រោះជាលើកទីមួយហើយដែលមានមនុស្សមករករឿងគេទាក់ទងនឹងរឿងស្នេហាបែបនេះ។គេអង្គុយគិតរហូតស្តាប់មិនឮថាមិនរិនហៅគេឱ្យចុះទៅញុាំបាយ ទើបគាត់ដើរមកបើកទ្វាហៅ៖
"អឺ!ផ្កាយឯងមិនហូបបាយទេហី?"
ផ្កាយភ្ញាក់ព្រើតពេលឮម៉ែគេហៅ៖
"មិនឃ្លានទេម៉ែ"
"ឯងកើតស្អី!មិនស្រួលខ្លួនមែនទេ?"មីងរិនដើរមកស្ទាបក្បាលកូន។
ផ្កាយនៅស្ងាមមិនមាត់តែខួរក្បាលរបស់គេស្រាប់តែគិយរឿងអ្វីផ្សេងមកក៏មិនផ្កាយក៏និយាយ៖
"ម៉ែបើថ្ងៃណាមួយកូនមានសង្សារតើម៉ែគិតម៉េច?"
"យី!ឯងនិយាយអីហ្នឹង?ខ្លួននៅក្មេងទេកុំទាន់គិតរឿងនេះ"មីងរិនអស់សំណើចពេលឮផ្កាយសួរសំណួរបែបនេះ។
ពេលស្តាប់សម្តីមីងរិននិយាយចប់ផ្កាយចាប់ផ្តើមស្ងៀមស្ងាតមួយរំពេចព្រោះថាខ្លួនកំពុងតែមានរឿងលាក់បាំងជាមួយម៉ែតើគេធ្វើនេះខុសឬយ៉ាងណា?នៅរឿងដែលសង្សារគេជាប្រុសដូចគ្នាមួយទៀតប្រសិនបើគាត់ដឹងតើនឹងមានរឿងអ្វីកើតឡើង?តែមិនជាអ្វីទេថ្ងៃណាមួយគាត់នឹងយល់។ ផ្កាយប្តូទឹកមុខមកជាសើចវិញ៖
"កូននិយាយលេងតើម៉ែតែថាកូនញុាំអីជាមួយមិត្តភក្តិហើយឥឡូវមុនឃ្លានទេណា...ម៉ែញុាំម្នាក់ទៅឯងម្តងទៅណា"ផ្កាយងើបមកឱបម៉ែរបស់គេធ្វើដូចគេហ្នឹងជាកូនក្មេងអ៊ីចឹង។
"ត្រូវតែទៅអង្គុយកំដរម៉ែណា"
"ok!"
ឥឡូវនេះចាប់ផ្តើមមានផេកថ្មីមួយលេចមុខឡើងទៀតហើយដោយមានឈ្មោះថា«វីដឌីន»ស្តាប់តែឈ្មោះទៅក៏ដឹងថាភ្លាវដែរ។គ្រប់គ្នាដែលគាំទ្រនឹងតាមដានស្នេហារបស់ឌីននិងផ្កាយក៏ចាប់ផ្តើមឆ្ងល់និងហួសចិត្តថាអ្នកណាជាអ្នកបង្កើតផេកនេះឡើងមកអ្វីដែលហួសចិត្តនោះគឺផឹកនេះក៏មានTop fanប្រហែលជា១០នាក់ដែរតែអ្នកតាមដានវិញតែ១ពាន់នាក់ទេខុសឆ្ងាយពីផេក«ឌីនផ្កាយ»ដែលមានអ្នកតាមដានដល់ទៅជាង១មុឺននាក់។ច្បាស់ណាស់គឺដេវីដនេះឯងដែលជាអ្នកបង្កើតឡើងដើម្បីមានបំណងចង់ប្រជែងនឹងផ្កាយណាមួយចង់បញ្ឃឺផងគ្មានអ្វីអស្ចារ្យទេTop fanរបស់ដេវីដទាំង១០នាក់នោះសុទ្ធតែដេវីដជួលក្បាលទាំងអស់។ឈើរីនិងរីនយ៉ាដែលជាអ្នកកាន់ផេក«ឌីនផ្កាយ»ក៏ឆ្ងល់រឿងនេះដែរគេគិតច្បាស់ណាស់ថាវាជាស្នាដៃរបស់ដេវីដ។រីនយ៉ាដែលកំពុងឆែកមើលផេកនេះក៏និយាយ៖
"ខំប្រឹងណាស់មើលចុះតែរូបsweetជាមួយគ្នាមួយសន្លឹកក៏គ្មានផង"
"អាបុិវីដហ្នឹងមិនគ្រប់ទឹកទេដឹងឯងមើលចុះយករូបពីផ្សេងគ្នាមកកាត់តឱ្យនៅជិតគ្នា"ឈើរីបង្ហាញរូបនោះឱ្យរីនយ៉ាមើលទាំងសើច។
STAI LEGGENDO
រឿង ផ្កាយក្រោមមេឃ (រឿងពេញ)
Storie d'amoreយើងមិនមែនជាផ្កាយដែលរះនៅលើមេឃទេ យើងគឺជាផ្កាយដែលរះក្នុងភក់ជ្រាំ ហេតុអីបានជាឯងគិតថាយើងជាមនុស្សសំខាន់?