រដូវក្តៅបានចូលមកដល់់នេះគឺជាដើមខែមិនា។សិស្សទាំងអស់ដែលប៉ះវេនរៀនពេលព្រឹកគឺសប្បាយអរដូចជាត្រូវឆ្នោតអ៊ីចឹងព្រោះមិនសូវក្តៅតែចំពោះថ្នាក់ទី១២វិញគឺត្រូវរៀនទាំងព្រឹកទាំងល្ងាចព្រោះជាឆ្នាំដែលប្រឡង។ថ្ងៃនេះផ្កាយពាក់អាវដៃវែងពីក្រៅអាវរៀនដើម្បីកុំឱ្យប៉ះកម្តៅថ្ងៃខ្លាំង។ឌីនបានទិញភេសជ្ជៈរក្សាជាតិទឹកមកទុកឱ្យផ្កាយចង់ណែនផ្ទះទៅហើយទោះបីជាផ្កាយហាមយ៉ាងណាក៏មិនបានដែរចំណែកនីតាវិញនាងស្ទើតែងូតឡេការពារកម្តៅថ្ងៃដើម្បីទៅរៀនទៅហើយព្រោះថាមេឃក្តៅនោះក្តៅហើយរៀនប៉ះចំថ្នាក់កង្ហារខូចទៀតគឺថាដូចជាអង្គុយក្នុងឡដុតនំបុ័ងអ៊ីចឹង។
ដេវីដនិងរ៉ូហ្សារឥឡូវគេចាប់ផ្តើមបែមកនិយាយល្អជាមួយផ្កាយវិញហើយទាំងអស់គ្នាក៏យល់ស្របឱ្យគេចូលក្រុមជាមួយ។នេះក៏ជាគម្រោងបែបត្រជាក់ៗរបស់ដេវីដផងដែរមើលទៅទទួលបានលទ្ធផលដែរតើ។តែទោះជាឱ្យចូលក្រុមជាមួយគ្នាក៏ពិតមែនតែដេវីដគេមិនសូវស្និទ្ធស្នាលអ្វីជាមួយផ្កាយប៉ុន្មានទេ។នីតានាងមិនសូវទុកចិត្តអាបុិដេវីដអីហ្នឹងសោះនាងគិតថាប្រាកដជាគេលេងល្បិចអ្វីទៀតហើយមើលទៅ។
គ្រាន់តែផ្កាយដើរចូលដល់ក្នុងថ្នាក់ភ្លាមនីតារត់មកទទួលភ្លាមទេ!មិនរត់មែនទទួលផ្កាយនោះទេគឺរត់មកកញ្ឆក់យកភេសជ្ជ:ពីដៃផ្កាយទៅវិញទេ។នាងប្រញាប់គាស់ភេសជ្ជ:ផឹករួចនិយាយ៖
"អរគុណសម្លាញ់!ត្រជាក់ដល់បេះដូង"
"អាក្រក់អាក្រីណាស់ឯងនេះ"ផ្កាយហួសចិត្ត
នីតាធ្វើមិនដឹងនាងថើរទៅអង្គុយបាត់ទៅផ្កាយដាក់ខ្លួនអង្គុយចុះសម្លឹងមើលមុខនីតាទាំងសើច៖
"ណែ!ផឹករបស់យើងអស់ហើយយើងបានអីផឹកទៀត?"
"អេ!របស់ឯងទៅយកពីសង្សារឯងទៅ"នីតាញញឹមឌឺ។
ផ្កាយមិនមាត់គេកំពុងនឹកគិតរឿងអ្វីមួយដូចជាភ្លេច។មួយសន្ទុះទើបនឹកឃើញវិញគឺថាកាលពីយប់មិញនេះដេវីដបានឆាតទៅផ្កាយដើម្បីឱ្យផ្កាយទៅចួបគេនៅលើដំបូលសាលានៅក្នុងថ្ងៃនេះម៉ោង១២កន្លះ។ផ្កាយងាកមើលនាឡិកាឃើញថាខ្វះ៥នាទីទៀតដល់ម៉ោង១២កន្លះហើយគេប្រញាប់ស្ទុះរត់ឡើងទៅជាន់លើបង្អស់ដើម្បីឱ្យទាន់ពេលវេលាដែលបានណាត់គេក៏ចង់ដឹងដែរថាដេវីដមានរឿងអ្វីសំខាន់បានជាណាត់គេទាំងកណ្តាលថ្ងៃបែបនេះ។
ពេលឡើងទៅដល់ក៏ឃើញដេវីដឈរបែខ្នងចាំគេតែម្តងផ្កាយប្រញាប់ដើរទៅនិយាយ៖
"ឯងមានរឿងអ្វីក៏ញាប់និយាយមកមើលទៅមេឃក្តៅខ្លាំងណាស់"
"មកលឿនគ្រាន់បើ"ដេវីដងាកមកញញឹមស្រស់
"និយាយមក"ផ្កាយតបទាំងខ្លីព្រោះចង់ឱ្យគេនិយាយរឿងឱ្យឆាប់ចប់ទៅ។
ដេវីដញញឹមមិនឈប់គេឈរបែខ្នងដាក់ផ្កាយមួយសន្ទុះទើបគេចាប់ផ្តើមនិយាយ៖
"យើងដឹងរឿងរបស់ឯងអស់ហើយ!តើឯងចង់ចួបគេខ្លាំងណាស់មែនទេ?"
"ដឹងរឿង?ចង់ចួប?ឯងនិយាយពីអ្វីទៅយើងមិនយល់ទេ"ផ្កាយជ្រួញចិញ្ចើម
"គឺក្មេងចិត្តល្អនោះអីមិនចង់ចួបទេហ៎?ការពិតទៅយើងដឹងរឿងរបស់ឯងអស់ហើយតើឯងចង់ចួបគេទេ?"ដេវីដនិយាយទាំងធ្វើភ្នែកគួរឱ្យសង្ស័យ។
ផ្កាយរាងភាំងបន្តិចហេតុអ្វីបានជាដេវីដគេដឹងរឿងផ្ទាល់ខ្លួនរបស់គេ?ឬមួយឌីនជាអ្នកប្រាប់?ទេ!ឌីនគេមិនមែនជាមនុស្សបែបហ្នឹងទេ។ផ្កាយដកដង្ហើមធំរួចតបវិញ៖
"ចង់ចួបប៉ុន្តែវាកន្លងហួសយូរឆ្នាំហើយយើងក៏មិនចង់រំលឹកវាម្តងទៀតដែរ"
"មិនចង់រំលឹកមែនទេ?អេ!នេះប្រហែលជាឯងចង់រស់នៅក្នុងបច្ចុប្បន្នដោយបំភ្លេចអតីតកាលដែលខ្លួនឯងធ្លាប់ធ្វើឱ្យខុសហើយមែនទេ?ហេតុអីបានជាឯងចិត្តអាក្រក់បែបនេះ"ដេវីដសើចឌឺ។
ផ្កាយរាងអស់សំណើចរួចតបវិញ៖
"យើងមិនមែនមិនចង់សុំទោសគេទេតែប្រហែលបច្ចុប្បន្ននេះគេភ្លេចយើងហើយទេដឹង"
"ក្នុងចំណោមពួកយើងគឺមានម្នាក់ជាក្មេងចិត្តល្អ"ដេវីដឱនមកនិយាយតិចៗដាក់ត្រចៀកផ្កាយរួចដើរចេញាបាត់ទៅ។
ផ្កាយស្រឡាំងកាំងមួយរំពេចមួយរំពេចនេះជារឿងពិតមែនទេដែលក្នុងចំណោមពួកយើងប៉ុន្មាននាក់នេះមានម្នាក់ជាក្មេងចិត្តល្អ។ផ្កាយប្រញាប់រត់ទៅសួរនាំដេវីដបន្តទៀតប៉ុន្តែគេមិននិយាយអ្វីទាំងអស់។ផ្កាយខំប្រឹងទៅនិយាយរកគេបន្តែនៅតែដដែលនេះនៅសុខៗចរិកគេក៏ផ្លាស់ប្តូរទៅជាផ្សេងបាត់ទៅរឿងនេះបានធ្វើឱ្យផ្កាយយើងគិតមិនចេញហើយឆ្ងល់មិនកើតថាតើអ្វីដែលគេនិយាយជារឿងលេងសើចឬជារឿងពិតតែថាអាចជារឿងពិតព្រោះនៅសុខៗក៏ដឹងអំពីរឿងអាថ៌កំបាំងរបស់គេទាំងដែលគេមិនធ្លាប់និយាយប្រាប់អ្នកណាទាល់តែសោះលើកលែងតែឌីន។
ផ្កាយបានសាកសួរឌីនដែរថាគេមានបានប្រាប់រឿងនេះទៅដេវីដដែរឬទេប៉ុន្តែឌីនបដិសេដព្រោះគេមិនបាននិយាយ។ផ្កាយចាផ្តើមសង្ស័យក្នុងចិត្តពេលនេះគឺមនុស្សដែលនៅជិតខ្លួនមានមិនច្រើនទេគឺមានតែ៣នាក់ប៉ុណ្ណោះគឺ បុត្រ វាយោ ឌីន។
ដល់ពេលហើយដែលផ្កាយត្រូវស្វែងរកក្មេងចិត្តល្អម្តងទៀត។គោលដៅដំបូងគឺឌីនផ្កាយបានតាមដានពីសកម្មភាពសួររកពីប្រវត្តិផ្សេងៗរបស់គេឃើញថាគេមិនមែនជាមនុស្សដែលនៅទីនេះតាំងពីតូចមកនោះទេគឺគេទើបតែផ្លាស់មករស់នៅទីនេះបាន២ឆ្នាំតែប៉ុណ្ណោះ។
ផ្កាយកំពុងដេកនៅលើគ្រែរបស់គេទាំងសញ្ជឹងគិតម្នាក់ឯង៖
"បងបុត្រនឹងបងវាយោពីរនាក់នេះតើអាចទៅរួចទេ?"
បន្ទាប់ពីគិតមិនចេញផ្កាយក៏ផ្អាករឿងនេះទុកមួយលែកសិនអ្វីដែលត្រូវធ្វើពេលនេះគឺមើលមេរៀនព្រោះរំលងតែ២០ជាងថ្ងៃទៀតដល់ពេលប្រឡងឆមាសលើកទី១ហើយ។
ព្រះអាទិត្យចាប់ផ្តើមបញ្ចេញកម្តៅម៉ោងជិត១១ថ្ងៃហើយ។ថ្ងៃនេះឌីនទំនេរគេចង់មកទទួលឃាវុទ្ធចេញពីរៀនដោយខ្លួនឯង
أنت تقرأ
រឿង ផ្កាយក្រោមមេឃ (រឿងពេញ)
العاطفيةយើងមិនមែនជាផ្កាយដែលរះនៅលើមេឃទេ យើងគឺជាផ្កាយដែលរះក្នុងភក់ជ្រាំ ហេតុអីបានជាឯងគិតថាយើងជាមនុស្សសំខាន់?