Book 1: Mr. Billionaire, Don't English Me [COMPLETED]

Mr. Stranger 61:

Pagpapatuloy...

ELIZABETH VILLATORTE POV:)

Pagkaalis ni Sir, saka naman tumayo sa pagkakahiga sa sofa si Ros at inayos ang hihigaan ko doon. Tumayo rin sa pagkakaupo sa lapag si Anthony at naupo sa sofang pang-isahan. Inalalayan pa ko ni Ros makaupo sa sofa at dahan-dahan rin niya ako inalalayan pahiga halos sobrang ingat pa siya sa akin.

Pagkahiga, kinumutan niya kaagad ako.

"Salamat." Namamaos na sabi ko sa kanya.

"Lulutuan kita ng lugaw ah? Pahinga kana muna." Napaka-sweet na sabi nito habang nasa taas ng ulo ko ang isang kamay niya.

Nakangiting natural na tumango ako bilang sagot dito.

"Wag kang mag-alala, Elizabeth. Kami na bahala ni Ros sa gawaing bahay." Nakangiting sulpot ni Anthony habang ngumunguya. Kumuha ulit siya ng pizza na iyon na lamang nag-iisa. Pansin ko, siya nakaubos lahat ng pizza na dala ni Sir Johnser.

"Salamat." Nakangiting pasalamat ko sabay umubo. Mukhang malakas ang tama sakin ng lagnat. Baka matagal ako makapasok nito sa trabaho. Paano na pang-araw-araw namin ni Ros? Kaunti sasahurin ko nyan pag one week akong absent.

"Kuha ako ng tubig," Kumaripas naman ng takbo si Ros papuntang kusina. Di pa nag-sasampung segundo, nakarating naman kaagad siya. Nilapag muna niya sa maliit na mesa ang baso at inalalayan ako nitong bumangon."Deretsyo kana uminom ng gamot." Sabi nito sabay bigay ng gamot.

"Salamat." Kinuha ko iyon sa kanya at ininom.

Nakatingin lamang si Ros sa akin habang ginagawa ko iyon. Sa sobrang pag-aalala sa akin, pagkainom ko ng gamot mabilis na hinagod-hagod niya ang likod ko nang umubo ako.

Kahit masama ang pakiramdam ko, kinikilig pa rin ako sa pinaggagawa ni Ros. Napaka-caring niya sa akin at sobra niya akong bini-baby. Kahit sinong babae, maiinlove sa pinaggagawa niya. Ang swerte ko talaga sa kanya.

"Hay naku! Ang sweet na nga ng pinapanood kong teleserye, pati yung kasama ko ganon rin." Parinig sa amin ni Bossbrad.

Napatingin naman kami ni Ros dito. Nakita naming nagkakamot ito sa ulo habang hawak ang remote halos nilipat niya ang channel. Napansin pa naming napa-pout ito dahil sa channel na hinintuan niya ay isang pelikula na sweet na sweet ang bida.

Napa-pout naman ito."Hustisya naman sa amin na single." Naiiyak nang sabi nito at nilipat ulit ang channel.

Nagtinginan kami ni Ros at maya-maya nagtawanan kaming dalawa dahil sa nakitang reaksyon ni Anthony.

MANDY YU POV:)

Kakatapos lang ng meeting namin. Tungkol lang naman ito sa anniversary ng All Day Shop. Dahil business partner na ng Uphone at Sumex. Iyon na nga, Reach Out Program ang gusto ni Mr. Kailes ang tema at kaming tatlo nila Johnser at Dylan ang naatasan na mag-aasikaso at pupunta sa lugar na napili nito.

Mukhang hindi matutuloy ang punta ko next week sa Dubai para i-meet ang isang negosyanteng kilala ni Daddy.

Nagsilabasan na ang ibang shareholder member sa Conference Room habang ako ay nilalagay ko sa folder ang mga papeles. Pagkatayo ko, nagulat ako nang may humawak sa braso ko.

Takang napatingin naman ako sa taong iyon.

"Tumawag ba sayo ang mama mo?"

"Hindi, Dad. Why?" I asked. Siya lang naman pala ang lumapit sa akin. Ini-expect ko si Dylan iyon, hindi pala.

"Hindi niya sinasagot ang mga tawag ko." Sagot ni Papa.

"Nag-away na naman ba kayo?" Napa-pout na tanong ko. Kailan ba sila naging bati? Araw-araw bangayan sila ni Mommy kaya immune na sa akin ang kaingayan nila sa bahay.