"တစ်ယောက်ထဲလာတာလား"
"မဟုတ်ဘူး.....၊ ဒက်ဒီနဲ့လာတာ......"
ထိုသူ၏အမေးကိုခပ်အေးအေးပင်ပြန်ဖြေရင်း ဝိုင်ခွက်လေးကိုတစ်ငုံသောက်လိုက်သည်။ ထိုလူကတော့ခပ်ပြုံးပြုံးပင် ခေါင်းညိတ်ရင်းမေဇင့်ဘေးက မနီးမဝေးမှာလာရပ်သည်။
"ဒီလိုပွဲမျိုးကိုလာလေ့မရှိဘူးထင်တယ်......၊"
"ဟုတ်တယ်ရှင့်......၊ တကယ်တော့လူတစ်ယောက်ကို တွေ့ဖို့လာတာပါ...။
အဲ့လူကတော့အလုပ်ရှုပ်နေတဲ့ပုံမို့ ကြည့်ရတာတစ်ယောက်ထဲ သောက်ပြီးပြန်ရတော့မယ်ထင်ပါတယ်...."
ထိုသူကခဏတာတိတ်ဆိတ်သွားသော်လည်း အဲ့ဒီလူဆိုတာဘယ်သူလဲ ဆက်မမေးခဲ့သလို မေးခဲ့လျှင်လည်း မဖြေဖို့ဆုံးဖြတ်ခဲ့ပြီးသားပင်.......။ မသိတဲ့သူစိမ်းယောက်ျားတစ်ယောက်ကို ဒီလောက်တောင်စကားတွေ ပြောနေမိတာကပင် မေဇင့်အတွက်အရမ်းကိုစွန့်စားရာရောက်နေခဲ့ပြီးဖြစ်သည်။
"ဒီမှာလာတဲ့သူတွေက စီးပွားရေးဘက်ကဆက်နွယ်တဲ့သူတွေဘဲမို့ ကျွန်တော်လည်းဝင်ရောလို့မရဘူးဗျ....၊
ကျွန်တော်က technological field ကဆိုတော့ ဒီခေတ်လူကြီးတွေနဲ့ စကားပြောလို့အဆင်မပြေဘူးပေါ့ဗျာ...."
မေဇင်ကပြုံးရုံပြုံးကာ ခေါင်းတစ်ချက်ညိတ်ရင်း တစ်ချက်တစ်ချက်သာ မျက်နှာချင်းဆိုင်ပြီး ရေကူးကန်ဘက်ကို ငေးနေသည်ကများသည်။
"ခင်ဗျားကရောဘယ် field ကလဲ......၊"
"ရှင်ဘယ်လိုထင်သလဲ.......၊"
"အမ်း.........၊"
မေဇင်ကပေါ့ပေါ့ပါးပါးပြောလိုက်သော်လည်း ထိုသူကတော့အလေးအနက် စဉ်းစား၍နေပါသည်။
" ခင်ဗျားရဲ့ရုပ်ရည်ကတစ်မျိုးလေးဆိုတော့ artist တစ်ယောက်ဖြစ်မယ်လို့ထင်တယ်......"
မမျှော်လင့်ထားသောစကားတစ်ခွန်းကြောင့် မေဇင်အသံထွက်၍ပင်ရယ်မိသွားသည်။ ယောက်ျားတို့သည်မိန်းမတွေထက် တကယ်ဘဲမာယာများသလားမသိ.......။
"မဟုတ်ရပါဘူးရှင်........၊ medicinal field ကပါ.......၊"
"ဟ......အဲ့တာဆိုခင်ဗျားက ဆရာဝန်တစ်ယောက်ပေါ့......၊"
ESTÁS LEYENDO
ကျေးဇူးပဲမေရယ်
Romanceဘယ်လောက်တောင်ပြတ်သားလိုက်တဲ့ အမျိုးသမီးဆိုရင်...၊ ကိုယ့်မျက်ရည်ကိုယ်သုတ်ပြီး အနှစ်နှစ်အလလ ချစ်ခဲ့တဲ့သူတစ်ယောက်ကို ရင်နာနာနဲ့ကျောခိုင်းသွားခဲ့တာပါဘဲ...။ ကျွန်တော်က မေ့ကိုအဖန်ဖန်နာကျင်စေခဲ့တာကိုး...၊ ဒါပေမဲ့ဘယ်သူ့ဆီကမှမရခဲ့ဖူးတဲ့ စစ်မှန်တဲ့မေတ္တာတွေအတ...
