ဘာလိုလိုနဲ့ သူတို့နှစ်ယောက်အတူနေတာ..
ရက်တွေလတွေပင်ကြာ၍
တစ်ရာသီမှ တစ်ရာသီပင်
ကူးပြောင်းလာလေပေပြီ။
နှစ်ယောက်လုံးက အလုပ်ကိုယ်စီနဲ့ဖြစ်နေပေမဲ့
သူတို့နှစ်ယောက်ကြားထဲ အေးစက်စက်
နိုင်သွားတာမျိူး ဝေးကွာသွားတာမျိုးမရှိခဲ့ပေ။
လွှမ်းသုတ
ကျောင်းသို့မသွားရသည့် Sunday
လိုနေ့မျိုးမှာ ဝေမှူးပိုင်က အလုပ်ကိစ္စတွေကို
ကြိုရှင်းထားတတ်ပြီး ဘေးမှာအတူနေပေးသလို..၊
Weekdays ကျောင်းက ပြန်လာပြီးတဲ့ အချိန်တိုင်းမှာလည်း လွှမ်းသုတက ဝေမှူးပိုင်အနားတွင်သာ
ကြောင်လေးလိုတိုးဝှေ့နေလေ့ရှိသည်။
ရင်ခုန်သံတွေအေးစက်သွားဖို့ဝေးစွ
ချစ်ရတာပင်မဝသေးသည့်နှယ်..။
ဒီနေ့က ကျောင်းဖွင့်ရက် သောကြာနေ့ဖြစ်သည်။
အမြဲတမ်းဆိုရင် ကျောင်းကို သူ့ကားနဲ့သူ
လာတတ်ပေမဲ့ ဒီနေ့တော့
သူ့ကားကို အတွင်းပိုင်းသန့်ရှင်းရေး
အပ်ထားရတာကြောင့် ကျောင်းကို
လာကြိုပေးမည့်ဝေမှူးပိုင်ကို ကျောင်း၏
မေဂျာဆောင်ရှေ့ကထိုင်ခုံတွင်လွှမ်းသုတ
ထိုင်စောင့်နေခြင်းဖြစ်သည်။
ထိုအခိုက် မေဂျာဆောင်အပေါ်ထပ်မှ
ဆင်းလာသော သူနဲ့ဌာနတစ်ခုထဲတွင်
အလုပ်လုပ်သည့် ထက်မာန်က
သူ့ကိုတွေ့သောအခါ နှုတ်ဆက်လာသည်။
"ကိုလွှမ်း...ဒီနေ့ ကားမပါလို့လား"
တစ်နေ့ထဲမှာပင်
အလုပ်ဝင်ခဲ့၍ အနည်းငယ် ရင်းနှီးနေပြီ
ဖြစ်တာကြောင့် လွှမ်းသုတ ပြန်လည်ပြုံးပြ၍
နှုတ်ဆက်လိုက်ရသည်။
" ဟုတ်ကဲ့။ ကိုထက်မာန်ရော မပြန်သေးဘူးလား"
"အခုပြန်တော့မလို့ဗျ။ ကိုလွှမ်းအတူ လိုက်ခဲ့မလား ။တစ်ခါထဲ ပို့ခဲ့လိုက်မယ်လေ"
"ရတယ် ကိုထက်မာန်။
ကျွန်တော့်အိမ်က လာကြိုနေပြီ"
ထက်မာန်က ခဏတာစဉ်းစားဟန်ပြုပြီးမှ
လွှမ်းသုတထိုင်နေသည့် ခုံတန်းတွင် လွှမ်းသုတနဲ့
အနည်းငယ်ခွါ၍ ဝင်ထိုင်လိုက်သည်။
လွှမ်းသုတက အကဲခတ်သလို
ကြည့်လိုက်သည့်အခါ ပြုံးပြလာပြီး
YOU ARE READING
RO ( ရို ) (Completed)
RomanceMyanmar BL. Two Romantic love stories (Bitter sweet + Pure sweet) Uni Life OWN CREATION TEEN ROMANCE UNICODE/ZAWGYI Start Date : FEB 26 2022 End Date : JUNE 11 2022
