DRIVE ME CRAZY (Cerlance Zodiac)

035 - Gettin' Jelly

PASADO ALAS OTSO NG UMAGA nang makasampa sa RORO vessel ang sasakyan ni Cerlance. Nasa upper deck sila ng barko at nakatanaw sa dagat nang mga sandaling iyon.

           Pansin ni Shellany na ang ilang mga pasahero ay nakatingin kay Cerlance, lalo ang mga kababaihan na nagkukumpulan sa isang sulok. Si Cerlance ay balewalang nakasandal sa railings at ang buong pansin ay nasa cellphone, habang siya nama'y nakatayo sa tabi nito at pinagmamasdan ang mga babaeng nakatitig dito.

      Nagising siya nang umagang iyon na wala na si Cerlance sa tabi niya. Hindi niya namalayan kung anong oras na siya nakatulog, pero ang huling naaalala niya'y nakayakap siya rito nang hilahin ng antok.

      Pag-gising niya'y wala na si Cerlance. Mabilis siyang naligo at nagbihis saka ibinaba ang mga gamit sa lobby kung saan niya nalaman na nasa parking area na pala si Cerlance at inihahanda ang sasakyan sa mahabang biyahe para sa araw na iyon.

      Nang magkita silang muli nang umagang iyon ay nawala na nang tuluyan ang hiya niya. Kahit ito ay bahagyang may pagbabago ang pakikipag-usap at pakikitungo sa kaniya.

      He was... gentler. Milder.

      Hindi ito tulad ng dating Cerlance na may reservations.

      He was slowly showing his true self to her, which she appreciate and favored.

      Mas gusto niya iyon. Mas madali itong pakisamahan kung ganoon ito.

      Ibinalik niya ang tingin kay Cerlance na abala sa pagta-type ng text message. She wasn't a nosy person, but she couldn't help but look at the mobile screen.

      I'll be back soon. I'll give you a call when I'm back.

      Iyon ang text message na tina-type ni Cerlance. Sinulyapan niya kung para kanino ang mensahe, subalit hindi pangalan ang naka-save sa numero ng recipient kung hindi "three hearts" emoji.

      "One of your girls?" she couldn't help but ask.

      Si Cerlance na sandaling nahinto sa pagta-type ng idudugtong sa mensahe ay napasulyap sa kaniya. May kunot sa noo nito nang magtanong, "What did you say?"

      She pouted and pointed her lips to the mobile screen. "Are you texting one of your girls?"

      Nang rumehistro sa isip ni Cerlance ang ibig niyang sabihin ay napangisi ito at ibinalik ang tingin sa cellphone. Hindi nito sinagot ang tanong niya, at sa halip at nagpatuloy lang ito sa pag-tipa ng mensahe at hinayaan siyang iyon ay basahin.

      Stay safe and don't forget your meds. I miss you and I love you.

      Hindi niya napigilan ang pag-angat ng isang kilay sa sumunod na mga salitang ni-type nito. Parang may kung anong tumama sa kaniya dahilan upang mag-init ang kaniyang ulo.

      So... ganito pala ang totoong Cerlance Zodiac.

      Ganito pala ang paraan ng paglalandi ng mokong na ito?

      May katabi nang babae pero may kausap pang iba sa cellphone!

      Nagpakawala siya nang malalim na paghinga. Ano ba ang ina-alma niya?

      Nagpasiya siyang alisin ang tingin sa cellphone saka nakasimangot na binalingan ang mga kadalagahan na kanina pa nagbubulungan at naghahagikhikan habang nakatitig kay Cerlance. Sa tantiya niya'y nasa labingwalo hanggang dalawampu ang edad ng mga ito, at ang mga damit ay makukulay at naka-ayon sa nauusong fashion. Mukhang may mga itsura, at kung hindi siya mag-iingat ay baka masulot ng mga ito ang isda niya.