DRIVE ME CRAZY (Cerlance Zodiac)

096 - Pampered Forever

          PAREHO SILANG NAGKAGULATAN NG MAMA NIYA. Napatitig siya kay Cerlance, ang mama naman niya'y natulala.

          "Cerlance..." aniya, hindi na maka-isip ng sasabihin. It was like a proposal, but not really.

          And it was the most unromantic yet sincere proposal she had ever—

          Natigil siya sa pag-iisip nang magpatuloy sa pagsasalita si Cerlance. Ang tingin nito'y nasa ina pa rin niya.

          "I can't propose directly to Shellany, nag-aalala akong baka hindi niya magustuhan matapos ang hindi magandang karanasan sa dati niyang kasintahan. This is why I am asking you directly, Ma'am. Could you please allow me to marry your daughter? I promise, I wouldn't make her cry, nor regret meeting me."

          Napakurap ang mama niya, natulala sa mga sinabi ni Cerlance. At nakita niya iyon kaya natawa siya.

          Tawa siya nang tawa habang may luha sa mga mata, habang si Rafi naman na nasa bisig niya ay iyak pa rin ng iyak.

          Sabay na napatingin sa kaniya ang mama niya at si Cerlance.

          "Ano'ng nakakatawa, Shellany?" suway ng mama niya sa Ilocano. "Natatawa ka ba dahil alam mong kaunti lang ang naintindihan ko sa sinabi niya kaya hindi ako makasagot?"

          Lalo siyang natawa sa sinabi ng nanay niya. At lalong nakakatawa dahil sinabi iyon ng mama niya sa salitang Ilocano kaya hindi iyon naintindihan ni Cerlance.

          Parehong may language barrier ang dalawa, at siya lang ang nakaiintindi sa sinasabi ng mga ito.

          "Oh! Ikaw na bata ka talaga, may anak na't lahat-lahat ay hindi pa rin tumatanda ang isip!" patuloy na suway ng mama niya sabay hampas sa braso niya.

          She giggled and said, "Sabi ko kasi sa inyo ay manood ng maraming English movies para napa-practice ninyo ang—"

          "Tse! Iyang tatay ng anak mo ang atupagin mo!" Muli nitong hinarap si Cerlance na ngayon ay nakatitig kay Rafi na patuloy sa pag-ligalig. "Tunay nga ang sabi ni Kelvin; kamukha ka ni Rafi."

          Nahinto siya sa pagtawa nang marinig ang sinabi ng ina. She had no idea that Kelvin was speaking to her mother about Cerlance.

        Inilipat naman niya ang tingin kay Cerlance, at napangiti siya nang makita sa anyo nito na tila may nais gawin habang nakatitig sa anak. Hindi na siya nagsayang pa ng panahon. She knew what to do.

        Lumapit siya kay Cerlance at sinabing. "Here. Hold her."

          Napatitig si Cerlance sa kaniya. May pananabik at pangambang dumaan sa anyo nito. "Paano kung... mabitiwan ko siya? Paano kung lalo siyang umiyak?"

          "Hindi natin malalaman kung hindi mo susubukan?"

          Magkahalos pag-aatubili at pananabik ang nasa anyo nito nang ibalik ang tingin kay Rafi na namumula na ang matambok na pisngi sa pag-iyak. Maingat niyang ibinigay ang anak sa ama nito, at si Cerlance ay hindi alam kung sa papaanong paraan ito hahawakan lalo at nagliligalig si Rafi at ayaw paawat sa pag-iyak.

          "Hawakan mo sa likod at siguraduhin mong nakasuporta ang braso mo sa mga binti niya para hindi mo siya mabitiwan," aniya hanggang sa tuluyan niyang maibigay ang anak sa ama nito.

          Si Rafi ay lalong lumakas ang iyak, at si Cerlance ay hindi alam ang gagawin kaya napayuko ito at dinampian ng halik sa ibabaw ng ulo ang anak. He was so worried and she could see it on his face. Tila rin ito iiyak at mukhang makikisabay pa kay Rafi.