DRIVE ME CRAZY (Cerlance Zodiac)

053 - Felicia?

      NAHINTO SI SHELLANY SA PAGLAPIT nang makita si Ruby kasama ang may-edad nang lalaki na magkatabing naka-upo sa table set sa tabi ng pool, hawak-hawak ang kani-kanilang kopita. They were talking so sweetly, smiling at each other as they sipped their wine. Mukhang maligaya ang mga ito—tipikal sa mga bagong kasal.

      "Kailangan nating umaktong sweet dahil bagong kasal din tayo tulad nila," paalala niya kay Cerlance na nakasunod lang sa kaniyang likuran. Pasimple niyang ini-abot ang isang kamay rito nang hindi lumilingon. "Take my hand and let's walk together."

      "May mga bagong kasal na hindi sweet, Shellany. Lalo kung parehong hindi naman sila mahilig sa PDA. Nasa tao iyan, kaya h'wag kang mainggit kay Ruby at sa asawa niya."

      Napanguso si Shellany nang itinuloy ni Cerlance ang paghakbang at nilampasan siya. Naka-suksok sa magkabila nitong mga bulsa ang mga kamay.

           Nakalabing sumunod ang dalaga, ang tingin ay ibinaling kay Ruby at sa partner nito na hindi niya gaanong makita dahil nakatalikod sa direksyon nila.

      At habang naglalakad sila palapit ay saktong napasulyap si Ruby sa direksyon nila, at nang makita silang dalawa ni Cerlance ay malapad na ngumiti saka ini-taas ang isang kamay upang kawayan sila.

      "Oh, here they are. Come join us, Mr. and Mrs. Zodiac!"

      She grimaced. She wondered why being called Mr. Zodiac felt so good yet so wrong?

      "Ahh, Shellany. I hate it," sabi ni Cerlance na sandaling nahinto sa paghakbang at hinintay siyang makalapit. Nasa mukha nito ang iritasyon. "Her calling you Mrs. Zodiac just doesn't sit right to me; nasanay akong ang nanay ko lang ang Mrs. Zodiac sa pamilya. I have a sister-in-law but I haven't heard anyone call her that."

      "Ano ka ba, ngayong gabi lang naman 'tong kalokohan ko kaya sumakay ka na lang—I mean, sa agos, hindi sa akin." She giggled at her own joke, and Cerlance just shook his head in amusement.

      "You and your corny jokes, Shellany Marco."

      "Zodiac. Mrs. Zodiac ako ngayong gabi."

      "Gah!"

      "At saka alisin mo nga 'yang simangot sa mukha mo; baka isipin nina Ruby na pinikot lang kita kaya ako naging Mrs. Zodiac."

      "Wala akong pakialam kung ano ang iisipin niya—we're outta here in 10mins, do you understand?"

      "Fine." Pinigilan niya ang pag-ikot ng mga mata.

      "And one more thing. Let Ruby be the first and last person to call you 'Mrs.Zodiac'. Magpakilala ka sa totoo mong pangalan mamaya."

      Geez, this guy. "Fine. Ibibigay ko ang first name ko."

      "Good. So, what are you waiting for?"

      "What am I waiting for what?"

      "Akala ko ba'y gusto mong mag-PDA tayo?"

      Sandali lang siyang natigilan sa sinabi nito bago malapad na ngumiti. Lumapit siya saka ini-kawit ang isang braso sa braso nito saka muling ini-dikit ang katawan.

      "Nakakagulat na alam mo ang ibig sabihin ng PDA. Jologs ka rin pala?"

      Cerlance just smirked and they proceeded to walk toward Ruby and her husband.

      Saktong malapit na nilang marating ang table set nang lumingon ang asawa ni Ruby, at doon ay biglang nahinto si Cerlance. Sa pagtataka ay napatingala siya rito at nakita ang pagsalubong ng mga kilay nito habang nakatitig sa asawa ni Ruby. And she was sure Cerlance knew the man; nakikita niya ang recognition sa anyo ni Cerlance.