အခန်း ၁၀၂၁ အလုပ်အကိုင်အတွက် မိသားစုကိုစွန့်ပစ်ခြင်း
မူရွှီရှင်းကို ချန်စန်းယိလဲ သိတာကြောင့် မူရွှီရှင်းကိုမြင်လိုက်သည်နှင့် ဒေါသထွက်လာတော့သည်။ မူရွှီရှင်းသည် မူယဲ့၏အမေကိုသေစေခဲ့သူဖြစ်ကာ မူယဲ့ကိုလဲ နှစ်ပေါင်းများစွာ နာကျင်ခံစားစေခဲ့သူဖြစ်သည်။ မူမိသားစု ပျက်စီးကိန်းဆိုက်နေသည်ကိုမြင်ရခြင်းအပေါ် ချန်စန်းယိလဲ အလွန်သဘောကျနေခဲ့သည်။ သို့သော်လည်း မူရွှီရှင်းက မူယဲ့ကို သူတို့ချင်းအရင်ကတွေ့ဖူးခဲ့သလိုမျိုး စကားလာပြောနေတာကြောင့် သူမအံ့ဩမိဘဲမနေနိုင်တော့ပေ။
လုကျန်းနှင့်လုရှောင်းကတော့ မူရွှီရှင်းကို မသိကြပေမယ့် မူရွှီရှင်းနှင့်ကေ၏ ဆင်တူလှသည့်ရုပ်ရည်ကို သတိထားမိတာကြောင့် သူတို့ကြားမှ ဆက်နွယ်မှုမှာ မရိုးရှင်းလှမှန်း သိသာနေသည်။ ကေ၏မူရွှီရှင်းအပေါ် ဆက်ဆံပုံအရကြည့်လျှင်တော့ သူတို့ချင်း မရင်းနှီးကြလောက်ပေ။
“မူယဲ့၊ ငါ့ကို အချိန်ငါးမိနစ်ပဲပေး။ ခဏလောက်စကားပြောကြရအောင်လား?” မူရွှီရှင်း အလေးအနက်ပြောလိုက်သည်။ ငါးမိနစ်လောက်ဆိုလျှင်တော့ ကေက သူ့ကိုအချိန်ပေးလောက်မည်ဟု ယုံကြည်ချက်ရှိနေပုံပင်။
မူရွှီရှင်း အလေးအနက်ပြောနေပုံကြောင့် သူဘာအကြောင်းပြောလိုလဲ ကေသိလိုက်ပြီဖြစ်သည်။ “ကောင်းပြီလေ၊ ငါးမိနစ်ပေါ့။”
ထို့နောက် ကုနင်းဘက်လှည့်ကာ၊ “ဘော့စ်၊ ငါမပါဘဲသွားနှင့်လိုက်ပါ၊ ပြီးမှ ကိုယ့်ဘာသာလိုက်ခဲ့မယ်။”
“ရတယ်လေ။” ကုနင်းလဲ တခြားသူများနှင့်အတူ ထွက်သွားလိုက်တော့သည်။
သူတို့ စားသောက်ဆိုင်ထဲမှမထွက်လာကြခင် ချန်စန်းယိက ကေနှင့်မူရွှီရှင်းတို့ကို တစ်ချက်ကြည့်သွားသေးသည်။ တကယ်တော့ ကေ မူရွှီရှင်းကို ဘယ်လောက်တောင်မုန်းတီးကြောင်း သိနေ၍ သူ့စိတ်ကိုမထိန်းချုပ်နိုင်ဘဲ မပြောသင့်တာပြောမိသွားမည်ကို စိုးရိမ်နေမိတာဖြစ်သည်။
ချန်စန်းယိ၏အကြည့်ကို မူရွှီရှင်း သတိထားမိသော်လည်း အာရုံစိုက်မနေပေ။
