အခန်း ၁၄၈၉ ယောင်္ကျားဝါဒီ
ရှန်ပိုင်ရှန်းသည် ယောင်္ကျားဝါဒီစိုးမိုးနေသူ တစ်ယောက် ဖြစ်သည်။ ထို့ကြောင့် သူပိုင်ဆိုင်သော အမျိုးသမီးသည် မည်မျှပင် အရှိန်အဝါကြီးသော မိသားစုမှ ဖြစ်ပါစေ သူ့စကားကို နားထောင်ရမည်ဟု အစွဲရှိနေသူ ဖြစ်သည်။ သို့သော် ရှုချင်ယင်းသည် သူပိုင်ဆိုင်သော အမျိုးသမီး မဟုတ်သောကြောင့် သူ၏ အလိုမကျမှုကို ထုတ်ဖော်၍ မရနိုင် ဖြစ်နေလေသည်။
"ပိုင်ရှန်း.. ရှင်ဘာလို့ သူ့ကို ယဉ်ကျေးပြနေတာလဲ.. သူက ဒီလောက် ရိုင်းနေတာကို။" လော့ရွှယ်ရှန်း မကျေမနပ် ပြောလိုက်သည်။
"ပါးစပ်ပိတ်ထား" ရှန်ပိုင်ရှန်းသည် လော့ရွှယ်ရှန်းကို စိုက်ကြည့်ပြီး ပြောလိုက်သည်။ သူသည် ဒေါသကို ပုံချချင်နေခြင်း ဖြစ်ပြီး လော့ရွှယ်ရှန်းအား သူနှင့် ရှုချင်ယင်းတို့ အဆင်မပြေ ဖြစ်ရခြင်းကို သူမကြောင့်ဟု အပြစ်တင်ချင်လေသည်။ သို့သော် ရှန်ပိုင်ရှန်းသည် လော့ရွှယ်ရှန်းကို အရံအနေနှင့်လည်း ထားထားသောကြောင့် ဒေါသကို မျိုသိပ်နေရသည်။
လော့ရွှယ်ရှန်း၏ မိသားစုသည် သာမာန်မိသားစုဖြစ်သော်လည်း ပြည်သူ့ကောလိပ်တွင် ရာထူးတစ်ခု ရှိထားသောကြောင့် သူ့ကို အကူအညီ ဖြစ်စေနိုင်သည်ပင်။ သို့သော် ရှန်ပိုင်ရှန်းသည် အရှိန်အဝါကြီးသော မိသားစုမှ အခြားမိန်းကလေးတစ်ယောက်နှင့် ထပ်တွေ့လျှင်လည်း လက်ထပ်နိုင်ဖို့ ကြိုးစားဦးမည် ဖြစ်သည်။
လော့ရွှယ်ရှန်းသည် ရှန်ပိုင်ရှန်းက သူမကို အော်လိုက်သောကြောင့် မကျေမနပ် ဖြစ်သွားသည်။
"ရှုချင်ယင်းရဲ့ မိသားစုက သာမာန်မဟုတ်ဘူး.. သူနဲ့ ဆက်ဆံရေးကောင်း ရထားရင် ငါတို့အတွက် အကျိုးအမြတ် အများကြီးရမှာ.. ပွင့်ပွင့်လင်းလင်း ပြောရရင် မင်းမိဘတွေ အလုပ်ပြုတ်သွားအောင်တောင် သူလုပ်နိုင်စွမ်းရှိတယ် နားလည်လား။" ရှန်ပိုင်ရှန်းက ပြောလိုက်သည်။
လော့ရွှယ်ရှန်းသည် အလွန်အံ့အားသင့်သွားပြီး ရှန်ပိုင်ရှန်းကို ဘာမှ ပြန်မပြောရဲတော့ပါချေ။ ရှန်ပိုင်ရှန်းသည် ရှုချင်ယင်း မိသားစုနှင့် ပတ်သက်၍ အသေးစိတ် မပြောလိုက်သော်လည်း အတည်ပြောနေမှန်းတော့ သိလိုက်သည်။
