အပိုင်း ၁၃၆၃ ချန်းမိသားစုကမင်းကိုမကာကွယ်နိုင်ဘူး
ထန်ချွမ်ကျွင်းက ဆက်ပြီး၊ "မင်းကို ရိုးရိုးသားသားပဲပြောလိုက်မယ်၊ ကောင်မလေးက မင်းရဲ့ရုံးခန်းထဲကို ဝင်လာတုန်းက သူ့မှာ ကင်မရာအသေးလေးတစ်လုံးပါလာပြီး အရာအားလုံးကို ဗီဒီယိုရိုက်ထားခဲ့တယ်။"
"ဘာ.. မဖြစ်နိုင်ဘူး" ချန်းပင်းကျန်းထိတ်လန့်တကြား ပြန်တုန့်ပြန်မိသွားသည်။
"ဘာလို့ မဖြစ်နိုင်တာလဲ? အခုမှလန့်နေပြီလား?"
"ငါ..." ချန်းပင်းကျန်း ရှက်ရွံ့သွားသည်။
"မင်း သက်သေမရှိဘဲ ဝန်ခံမှာမဟုတ်ဘူးဆိုတာ ငါသိတယ်၊ ဒါကြောင့် ငါတို့ မင်းကိုပြနိုင်တယ်။" ထန်ချွမ်ကျွင်းက ထိုသို့ ပြောပြီးသည်နှင့် သူ့ဘေးမှာ ရပ်နေသည့် ရဲတစ်ဦးသည် ကွန်ပျူတာကို ချက်ချင်း ထုတ်ယူလိုက်သည်။
ချန်းပင်းကျန်းမှာ ဗီဒီယိုကို ကြည့်ပြီးသောအခါ သူအလွန် အံ့အားသင့်သွားသည်။ သူ မယုံနိုင်သော်လည်း ဤသည်မှာ အစစ်အမှန်ဖြစ်ကြောင်း သူသိသည်။
ဗီဒီယိုမဆုံးခင်မှာပင် ချန်းပင်းကျန်း စိတ်ပျက်လက်ပျက်ဖြစ်သွားသည်။
"ဟုတ်တယ်၊ ကုနင်းကို ခြိမ်းခြောက်ပြီး ပစ်ခဲ့တာကို ဝန်ခံပါတယ်၊ ဒါပေမယ့် ဒါက ကြီးကြီးမားမားမှ မဟုတ်တာ။ အခု သူမ ဘေးကင်းနေတာပဲ၊ မင်းတို့အားလုံး တစ်ခါမှ ဥပဒေ ချိးဖောက်ခဲ့တာ မရှိဘူးလို့ ထင်နေတာလား? ဘာလို့ မျက်ကွယ်ပြုထားလို့ မရတာလဲ?"
"ဒါ့အပြင်၊ ငါ့မိသားစုက ချန်းမိသားစုပဲ ဒီလိုလုပ်လို့ ပြဿနာကြီးကြီးမားမားဖြစ်လာရင် ဘယ်သူမှ အကျိုးအမြတ်မရပါဘူး။" ချန်းပင်းကျန်း သူ့ကိုယ်သူ အပြစ်ပေးခံရခြင်းမှ ကာကွယ်ရန် မိသားစု၏အင်အားကို အသုံးပြုရန် ကြိုးစားနေသည်။
ဤနိုင်ငံတွင် သြဇာအာဏာအရှိဆုံး မိသားစုလေးစုသည် တူညီသည့်အဆင့်တစ်ခုမှာ ရှိနေသော်လည်း အကျိုးအမြတ်မရပဲ မည်သူကမှ တခြားတစ်ခုကို ဆန့်ကျင်ရန် ဆန္ဒမရှိကြပေ။ ခိုင်လုံသော သက်သေမရှိသ၍ အရေးယူမည်မဟုတ်ပေ။