أولاً: شكراً لكل اللي تفهم اني بشر وكلنا عندنا مشغوليات وزي ما انت مش هتقدر تقرأ الفصل في وقته علشان مش فاضي سواء بسبب دراسة، امتحانات، شغل، بيت وغيره... انا بردو عندي كل دا، فـ بشكر كل من تفهم الموقف... ذلك بالاضافة ان الفصلين اللي هينزلوا هيبقوا بمقام اربعة فصول عادي لانهم هيبقوا فصول طويلة حوالي ٦ آلاف كلمة، بمعني كل فصل هيبقي فصلين مضمومين لبعض وكل ما تغير هو مواعيد التنزيل فقط.
ثانياً: الناس اللي زعلت وحاسة انها هتنسي الاحداث، انا بعتذر منهم من كل قلبي وزعلكوا علي عيني والله بس كلنا بشر وانا تعبت اني كل فصل لازم اشرح ان الفصل عدد كلماته ٣ آلاف، ساعات بيعدي العدد دا بكتير وساعات لا عادي محصلش حاجة... تعبت من اني بشرح ان الخمس ايام اللي ألكساندر اداهم لفاينا دول فيهم ذروة الاحداث، انا مش هقفز شهر ولا سنة علشان تبقي الأحداث سريعة بالنسبة للبعض... ركزوا في كمية الاحداث اللي حصلت من ساعة سفر فاينا... وانه مش بعدد الأيام تماماً بقدر الاحداث اللي فيهم.
ثالثاً: للبعض اللي قال انهم مش هيقروا الرواية تاني لو نزلت فصل كل اسبوعين... فأحب أقولهم انكم نورتوني الفترة اللي فاتت دي وشكراً لوقتكم بس دا الواقع الحالي اللي اتفق عليه الاغلبية.
انا جيت وقلت... اتناقشت معاكم لانكم عيلتي التانية... غير الكثير من الكاتبات بدون ذكر اسماء اللي بيختفوا فجأة... بينزلوا فصل كل شهر واكثر وبدون مواعيد ثابتة... انا بحدد مواعيد ولو حصل أي تأخير ودا نادراً ما بيحصل ببلغكم مش بسيبكم كده بدون معرفة لحد ما ابقي انزل الفصل.
وبالنسبة لكل ما اقول اي حاجة الاقي حد بيقولي ما انتي كنتي واخد اجازة شهر... وكأني ليس من حقي ان ارتاح لاني من شهر يناير مخدتش راحة ولا حتي في شهر رمضان زي باقي الكاتبات.
التحديثات القادمة هتكون للفصول باذن الله... ومن يدري... مش يمكن قريب يكون في مفاجأة خاصة بالرواية؟ 🫣
دمتم بخير يا حلوين 💗
أنت تقرأ
عودة فاينا
Romance"هل تعتقد أنك قوي لمحاربتك بعض البشر؟.. فقط جرب محاربة أفكارك مثلي" -فاينا فيدور نيكولاييف. ♠ ♠ ♠ ♠ ♠ ♠ في عالم المافيا، الثقة ممنوعة ويؤدي تجاهل هذه القاعدة إلى السقوط في مستنقع من الغدر والخيانة حيث يُجبر الأبرياء على سفك الدماء.. اختفت فاينا، وهي...