(WRITTEN SERIES #2)
Asoʼt pusa kung magbangayan sina Remi at Jago. Araw-araw may gera at walang nagpapatalo. Pero sa ilalim ng lahat ng ito, iisang nakaraan lang ang pilit nilang tinatakasan. Mareresolbahan ba nila ang kanilang mga problema? O sa hu...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
REMI
MAKALIPAS ang isang oras at dumating na rin sa ospital si Penny kasama si Cora. As expected, alalang-alala si Penny kay Jago. Palibhasa, siya kasi ang nanay ng barkada namin. Mommy Penny for the win!
Mayamaya, dumating din si Clifford na nabalitaan din ang nangyari. Nag-message na lang ako kay Moose na baka ma-late ako ng uwi. Hindi ako makaisip ng maayos na palusot kung kayaʼt sinabi ko na lang sa kaniya ang totoo. Buti na lang at may katinuan pa siyang natitira at siya na ang nagpalusot kay Tita Mommy para sa 'kin. Mabuting Musiko.
Hindi ko mapigilang matawa dahil nagawa pa naming magkakaibigan na mag-party. Akala mo, wala kaming pasok kinabukasan. Magmumukha kaming mga zombie nito bukas pero okay lang. Ang importante, kewl kami.
Pagkatapos ng mahigit dalawang oras, dumating na rin si Kuya Ger. Pwede naman na raw na umuwi si Jago dahil hindi naman ganoʼn kalala ang injury niya. Medyo kinabahan pa ako dahil late na pero buti na lang at nagpresenta kaming ihatid ng driver ni Penny pauwi.
Halos madaling araw na rin nang makauwi ako sa bahay. Nasermonan ako in a very not so awesome way. Palpak kasi ang palusot ni Musiko. Depota! Pero okay na rin naman kasi antok na rin si Tita kaya konting sermon at kurot lang ang nagawa niya sa 'kin.
Pagkatapos makapaghilamos, dumiretso na ako sa kwarto namin ni Moose. Tutulog na sana ako nang biglang tumunog ang phone ko.
