رواية يردك أصلك و مرباك لو وقتك تردا

الـــــبـــــ( ١٩ )ـــــارت

........
براس الجبل
كانوا على احد اطراف الجبل و الحلال كان  بالوادي يرعى ورابطين الخيل بوحده من الاشجار كان صقر والعزوف يتاسبقون والعزوف تحاول 
تسبقه وتلتفت تضحك عليه لكن شهقت 
برعب اول ماتعثرت بشي وصرخت: صقققققرررررر  تعال هنا بسرعه 
بالقوه وصلها صقر وهو مفجوع: وش 
بلاش يا بنت !؟
العزوف : رجال رجال مرمي 
هنا انفجع. صقز  ونزل وهو يرفعه :  ياويلي ويش نسوي فيه 
العزوف: بخوف لايكون ميت
صقر: تحسس النبض لا حي تعالي ساعديني
العزوف: وين تبي فيه مجنون انت ماندري ويش علته وايش جايبه هنا
صقر: بصراخ اعجلي علي خلينا نزله ونحطه بظهر الخيل اكيد جايته ضربت شمس في هالصحاري
العزوف: صقر انت مجنون انا بنت كيف تبي نودي. رجال معنا للغار واحد مانعرفه ويمكن مافيه خير وكان حن نجيب الشر لحالنا
صقر: بتعب من محاولته في رفع جسم الرجال قلت تعالي
العزوف: ،قربت منه بخوف وتلثمت بالشماغ يع ويش ذي الريحه الخايسه
صقر: رجال ضايع بالبر ويش تبين ريحته مسك وعنبر لا اهفك بكف الحين ونزلوه من الجبل وحطوه بظهر الخيل. صقر: انتي امسكي الخيل الي فيه الرجال وارقي على العذب واسبقيني للمغاره وانا بسوق الحلال
العزوف: بخوف نمشي سواء اخاف لحالي
صقر بطوله بال: يله .
رغم صغر سنه الا انها تحتمي فيه في هالصحراء الي لهم شهور عايشين لحالهم تحت رحمت الله