رواية يردك أصلك و مرباك لو وقتك تردا

الـــــبـــــ( ٣٧ )ـــــارت

الساعه 12في المغاره
منسدح على فرشه صغيره وساده خارج المغاره ويناظر ضوء القمر وحاط ايده وراء راسه وسرحان ويفكر بالشخص الي داخل. وعدواني معه. وبشك مستحيل يكون رجال انا متاكد انها بنيه واذا كانت بنيه مصيبه ي شاجع انت ماتخلصت من المصيبه الاوله مستحيل اقعد بذا المكان لو هي بنت وغاص بتفكيره العميق وناظر الخاتم الي بيده فيه فص من الفضه بلون الازرق كالون البحر ويعني لشاجع الكثير قربه من فمه وباسه بقوه بحزن مانتبه لشخص الي واقف وراه واستغرب من حركته
صقر: حاول يطلع صوت برجوله ينبه شاجع بوجوده
نزل شاجع يده بسرعه من فمه وبارتباك ناظر في صقر من متى وانت هنا
صقر قرب وجلس علي نفس الفرشه
شاجع: ليش مانمت للحين
صقر: عيا النوم يجيني تقلبت علي فراشي وخذتني الهواجيس
شاجع: ويش همك يالصقر الي يخلي رقاد مايطب عينك
صقر: يصد بوجه للجهه الثانيه همي كبير ي شاجع كبير مره
شاجع: يناظر صقر ويش الهم الكبير الي يشيله واحد بعمرك
صقر: ابتسم ابتسامة وجع وناظر شاجع اي عمر تتكلم عنه وانا من يوم عرفت نفسي اشيل حمول اكبر من عمري ومايشيلها رجال بعمر الخمسين الله يسامح الي كان السبب ونزل راسه ويلعب باصابع يده
شاجع: بشك من السبب وانا سالفة وجودك بالبر انت وعازف ماهي داخله راسي ويش سالفتكم يالصقر
صقر: رفع حواجبه لايروح بالك بالشي الشين يخوي ومثل ما سالغتنا ماتدخل براسك تري سالفة نسيانك مادخلت براسي بس خليتك على راحتك
شاجع: الجمته كلمات صقر وعجز لسانه عن الرد
صقر: لي سوال واحد ومراح اسئلك غيره ي شاجع وباقي الامور ابغاك انت تجي وتقولها لي
شاجع: رفع حواجبه ويش سوالك
صقر: اشر بعينه للخاتم الي بيد شاجع ويش سالفته
شاجع: بارتباك ما اقدر يالصقر اسئلني عن كل شي الا هذا وصد عنه
صقر: ضرب يده في بعض ومسك سلاحه وقام وبصوت ينرفز وراك بلاوي ي شاجع الله يستر من الجاي وصد عنه
شاجع: كان يبي يتكلم بس صقر لوح له بيده ودخل المغاره