رواية يردك أصلك و مرباك لو وقتك تردا

الـــــبـــــ( ٢٨ )ـــــارت

عند شاجع الي عدل القهوه وجلس يتقهوى وصله اصوات الحلال وصوت مشي وصوت ناس وكان متاكد انهم الناس الي ساعدوه وكلها دقايق طلعت العزوف الجبل ومعاها صقر الي يدور النوم بعد سهر امس يبي يوصل باي طريقه والعزوف تمشي قدامه لابسه الثوب ومتلثمه بشماغ والعصا بيدها
العزوف وقفت بنص الطريق: صقر تشم الريحه
صقر: ريحة شبة النار ويش الغريب وكمل طريقه وهو مايبي يتناقش معاها
العزوف: تسايره بالمشي: ادري بس من الي شاعلها
صقر: الحين تلقين الهواء هب علي الجمر واشتعلت
العزوف: باقتناع يمكن وكلها دقايق وصلو عند فتحت المغاره كان شاجع جالس قبال الدله ومنزل راسه
صقر بفرحه: قرب صحيت
بعكس العزوف: الي اول ما طاحت عينها بعينه توترت. ونزلت راسها
شاجع: قام ومسك يد صقر الي ممدوده له
والعزوف: تداركت الوضع وقربت ومدت يدها وعلى طول سحبتها لما حست بكهرباا
صقر: جلس قريب من شاجع والعزوف بجنب صقر علي الفرشه نطق صقر ويش حالك وكيف صرت ذلحين اربك بخير
شاجع: كان مستغرب من صغر سنه وطريفة كلامه الكبيره ومستغرب من الشخص الثاني الي مبين انه اكبر وساكت ابشرك بخير وطيب وناظر صقر وين لقيتوني
صقر: طايح براس جبل وشكل لك ايام وشلناك وساعدناك وطالع فيه وهو منبهر بلون عيونه شاجع العسلي وكثافة رموشه ونظرته الحاده وبحيره انت ويش جابك هنا مالك اهل والا احد
شاجع: بتصنع وصد من نظرات صقر وبتمثيل والله ي خوك انا ما اذكر شي كل الي ذكرته لما صحيت ان اسمي شاجع وشكل ضربت الشمس اثرت علي وما اتذكر اي شي
العزوف: ناظرت فيه بسرعه وبشك وبمحاوله غبيه حاولت تضخم صوتها: الله ي هالشمس الي خلتك تنسى كل شي انت شكلك مسوي لك مصيبه وتلعب علينا سكتت لما طالع فيها صقر بنظره يعني اسكتي وشاجع انصدم من نبرة الصوت الناعمه والهجوم من الشخص الي كان ساكت وتوه ينطق وبشك: هذا منو
صقر: بترقيعه هذا اخوي عازف ولسانه طويل معليك منه
شاجع: كان مستغرب نبرة الصوت بس اقنع حاله انها تصير بعض الرجال تجي نبرة صوت ناعمه وكذالك بعض البنات تكون خشنه ونطق بدفاع عن نفسه: انا اذا فعلت الفعله اعترفت فيها ي اخوي ي عازف وانا ما حكيت الا الكلام الصحيح انا مذكر شي الا اسمي وانتو كثر الله خيركم انا شخص ضايع بصحاري ومالي الا الله ثم انتو
صقر: بنخوه ابدا وصلت وانت في وجهي ي شاجع وفي امانتي لين ترجع لك ذاكرتك
العزوف: بعصبيه من اخوها وبلعانه اذا بتجلس ي شاجع معانا عندي انا واخوي الصقر شرط
شاجع: ابشر بالسعد انت وصقر بالي تطلبونه
صقر: منصدم من كلام اخته ويدري انها بتجيب العيد
العزوف. :الشرط تصير راعي للحلال وتاخذ حق استاضفتك عندنا وثاني شي ماتنام عندنا بالمغاره تحط لك فرشه هناك واشرت على مكان قريب من باب المغاره
صقر: بعصبيه عازف قطع كلام صقر رد شاجع: تم لشروطكم كلها وابدا انا قد الحمل
صقر: معليك منه ي شاجع عازف يهرج هرج مايعرف ويش يقول
شاجع: وانا قبلت وانتهى الموضوع وعازف من حقه يتشرط انا دخيل عليكم وبشك بخاطري اسئلكم سوال
العزوف: من انت عشان تسئل المفروض حن نسئل
صقر: شوي وينفجر من حركات اخته الي بتفضح حالها
شاجع :ابتسم شكل اخونا عازف ماهو راضي بوجودنا هنا وناظر في العزوف الي تحاول ماتحط عينها بعينه وهي خايفه من وجوده بينهم