رواية يردك أصلك و مرباك لو وقتك تردا

الـــــبـــــ( ٢٦ )ـــــارت

دخلت المطبخ بقرف وبدت تطلع الدله وهي ماعمرها سوت قهوه بحياتها او طبخت شي متعوده امها او الخدم يسوون فتحت احد الدروج ولقت فيها اشكال وانواع ماتدري ويش القهوه فيها وصارت الافكار تجي براسها وتروح وماتبي تروح وتكلمه وهي تسمعه يدندن بالصاله ومستمتع بالقرف الي هم فيه طلعت تسحب رجولها ومتردده ذياب حس بخطواتها وسوى حاله مو شايفها
منار: بتردد معرف اسوي قهوه
ذياب: باستهزاء وضحكه ودي اصدق بس اعرف انك تبين اي عذر مايخليك تسويها
منار: بخجل وتلعب باصابعها والله معرف هذا انا حلفت
ذياب: بصدمه تعدل بجلسته مستحيل لساانك طويل وبعد ماتعرفين تسوين شي قام وشمر كم ثوبه ورد باستهزاء: هذي تربية جمايل
منار: بقهر رفعت اصبعها بتهديد:هيه لاتجيب سيرة امي ولاتغلط
قرب ذياب منها: ونزل اصبعها ولوى يدها بقسوه: هيه ماتقوليها لي ويدك لاترفعيها لاتخليني انفجر عليك وسحبها من يدها ودخلت معاه المطبخ وبدا يعلمها كيف تسوي القهوه

في بيت ام عتاب
ام عتاب: اليوم بوه ناس سكنو بالبيت الي جنبنا
العذوب: بس ي خاله البيت خرابه كيف يسكنو
ام عتاب: مدري عنوه وراعي البيت ماصدق احد يشتريه
العذوب: بحزن خاله ويش صار بالموضوع الي طلبتك
ام عتاب: كلمة الدكتور الي كان مشرف على حالتك وقال هو واحد من الضباط بيجونا بعد المغرب ويتكلمو معاك يمه لاتفكري اني نسيت منك انتي صرتي مثل بنتي عتاب الله يحفظكم يمه
العذوب: والعبره بحلقها مدري يمه ايش كان صار فيني لو الله ثم انتو فتحتي لي بيتك وانتي ماتعرفي عني شي
ام عتاب: افا يمه ويش ذا الهرج الناس للناس يمتس وانتي الله يردتس لهلتس ويصلح حالتس
العذوب صدت من ام عتاب ودمعه بخدها وحطت الفنجال وقامت تبي تطلع
ام عتاب: وين تبيت يمه
العذوب: ابي اسقي الزرع ي خاله
ام عتاب: تدري ان الزرع مايحتاج سقو لان المطر من الصباح وهي تمطر بس خلتها على راحتها تدري ان فيها شي
طلعت العذوب وجلست على الدرج الي عند باب البيت وتناظر بالحوش الي غرقان من المطر وبدت عيونها تحرر الدموع الي مكبوتها وكلها دقايق وانفتح باب البيت كانت عتاب طالعه استراحة الغدااء وهذا طلبها تطلع تطمن على امها وترجع عتاب حست بالخوف لما لقت احد بالحوش وخايفه تنكشف قربت وجلست جنب العذوب الي سرحانه
عتاب: ويش فيها عذوبه سرحانه
العذوب: التفت صوبها متى جيتي
عتاب: توي واصله وقربت يدها ومسحت باقي دموع العذوب الي عالقه برمشها ليش الدموع ي روحي انتي
العذوب: تبي تنسى من الوجع والهم الي هي فيه انتي مو جايه من المدرسه
عتاب: بتوتر واضح الا توني واصله وفزت بقوم اشوف امي بس سحبتها يد العذوب ونطقت بشك: ليش مو لابسه لبس الدوام
عتاب: عادي اليوم قالو نلبس اي لبس
العذوب: عتاب انا مو بزر عندك لك يومين وانا اشوف لبسك بالكبت
عتاب: حطت يدها على فم العذوب لما حست بخطوات امها وبهمس: تكفين لاتقولي ل امي شي وعد افهمك كل شي بعدين
العذوب: طيب بسكت واشوف نهايه معك
عتاب: بحب قربت وباست خدها يافديت الي صارو يخافون علي دفتها العذوب. وخري عني زين كانت ام عتاب واقفه عند باب الصاله وطالع فيهم وتسعل بشكل قوي
ام عتاب: متى وصلتي يمه وترجع تكح (تسعل) بشكل اكبر
عتاب :بخوف توي واصله يمه بس ايش في الكحه زايده عليتس اليوم
العذوب: من الصباح اقنع فيها تروح الطبيب ورافضه
ام عتاب: مافيني الا العافيه بتروح معا الوقت يله ادخل افصخي عبايتس وشيلي هالنقاب وتعالي احط لنا الغداء
عتاب: نسيت من حالها لما خافت على امها ام عتاب قربت وسحبت النقاب ولما انسحب صرخت العذوب وام عتاب بنفس لحضه وعتاب غطت وجها بيدها بسرعه
ام عتاب: وش مسويه بحالتس يالمهبوله وش ذا الي بوجهتس
العذوب: انفجرت تضحك حشپ مهرج وتمثال رعب
عتاب بترقيع: كان عندنا مسرحية رعب يمه وسوت لي شام كذا
العذوب بشك: قربت وسحبت عتاب معا يدها وناظرت خالتها: شوي ونجيك ي خاله
ام عتاب: صفقت يدها بعض واستغغرت ربها على هبال بنتها
• • • • • • • • • • • • • • • • • • • • • • • • • • • • • • • • • •

انــتــهـى الــبــارت
تـــفـــاعـــل*تـــعــلــيــق اذا تــبــون بــارتــات اكــثــر انــتـو كــريــمــيـن وانــا اســتـاهــل