Marrying The Salguero's Heir (Salguero Siblings Series #1)

Chapter 8- Family Day

Sunday morning. Maaga kaming nagpunta sa mansiyon para magsimba kasama ang mga kapatid ni Royse at si lolo Fred.

"Anong himala at pinayagan mo si Cosette na sumama mag-isa kay attorney, kuya Royse?" Halos mangha pa na tanong ni Yanna.

Kumpleto sila ngayon, maliban kay Cosette na umalis kahapon para sumama sa seminar ni Tadeo.

"Grabe ka naman, love. Hindi ba puwedeng nagbubuhay may asawa lang si Royse?" Narito rin si Duke na pasimple pa akong nilingon.

"She's been asking me if she can join Tadeo in one of his seminars. He promised to take care of Cosette." Mukhang mahigpit talaga si Royse sa pag-alis-alis ni Cosette base sa nakikita ko na reaksyon nila.

Hindi siguro niya madalas payagan si Cosette na umalis, nito lang dahil maging si Tadeo ay nakiusap na para payagan itong sumama sa kaniya.

"Nabanggit nga rin ni Tadeo na ilang araw na rin siyang kinukulit ni Cosette." Duke added. Hindi siguro matagalan ni Tadeo ang kakulitan ni Cosette. Mahirap naman kasi talaga siyang tanggihan, lalo na kapag nagpapa-cute.

"I don't trust that man," biglang singit naman ni Cassian.

"He's my best friend, he won't do something that will harm Cosette." Sagot ni Royse na mabilis din naman nitong sinundan.

"That's why I don't trust him." Natahimik ang buong sala.

Nagkatinginan silang dalawa. Napansin ko ang biglaang pagkakabuo ng nakakailang na katahimikan. 

Kumunot ang noo ko.

"M-makulit din kasi si Cosette, kapag may gustong gawin. Ayaw magpapigil." Si Orion ang bumasag ng katahimikan.

"At isa pa maganda rin naman na mapasama si Cosette sa mga ganoong seminar. She will probably learn a lot since she loves what she's doing, kuya Cassian." Patong pa ni London na yumakap kay Cassian.

Sinang-ayunan siya nina Yanna at Jesian na kanina lang ay nagbabangayan dahil masiyado raw maagang ginising ni Yanna si Jesian. Halata sa mga mata nito na antok na antok pa, pero mas pinili na samahan ang mga kapatid sa pagsisimba.

Napansin ko ang pagpapagaan nila ng sitwasyon kaya hinawakan ko si Royse sa balikat. 

Napalingon siya sa akin.

What's happening between them?

"Oh? Mga apo? Handa na ba kayo?" Mabilis na tumayo si Orion para puntahan si lolo Fred na kadarating lang.

"Kanina pa kami nakahanda, lolo. Ikaw nalang ang hinihintay namin. Ang tagal mo namang magpa-pogi!" Napatawa si lolo Fred.

"Aba dapat lang, apo. Huwag na kayong tumunganga riyan at tara na!"

Yanna ride with Duke and Cassian used his Range Rover. Lolo Fred and the others used the van dahil tinatamad daw silang magmaneho while we rode on Royse's car. Sa amin sumabay si Orion.

They have their own cars from different luxury brands. Jesian even has MV Agusta and Ducati motorcycles because he's into racing.

During my first visit here, I was amazed by their parking area because their expensive cars were parked side by side. Maging ang kambal may sarili ng mga sasakyan. I can't help but wonder how wealthy they are.

"Gusto ko ng bibingka, kuya Royse. Bili mo ako ng bibingka, please?!" Nag-praying hand pa si Orion.

Royse is back to his usual character, as if nothing happened kaya hindi na ako nagtanong dahil baka nag-over react lang ako sa nasaksihan ko. Alam ko naman na inaalala ang nila ang kaligtasan ni Cosette.