အရှင့်သား ကျွန်တော်မျိုး မှားမှန်းသိပါပြီ[Zawgyi Version]

အပိုင်း(၅၁)

"အရှင့်သား ကျွန်တော်မျိုး မှားမှန်းသိပါပြီ"

ဘာသာပြန်သူ - tartarmoon

အပိုင်း(၅၁)

'သူ ဒါ ဘာလုပ်တာလဲ' လင်ရှန်း အံဩမှင်သက်လို့သွားသည်. တုဟောင်က သူ့မျက်နှာပေါ်တွင် ဘာခံစားချက်အမူအရာမျှဖော်မပြပါဘဲနဲ့ အဝတ်စဖြင့် သူမဆံပင်တွေကို ခြောက်အောင်လို့ လာသုတ်ပေးလို့နေသည်။

တစ်ခြားတစ်ယောက်ယောက်ရဲ့ဆံပင်ကို အရင်က သုတ်မပေးခဲ့ဖူးတာတော့ ထင်ရှားနေပေသည်. သူ့လှုပ်ရှားမှုတွေက မာမာတောင့်တောင့်ကြီးဖြစ်လို့နေသည်. တစ်ခါတစ်ခါကျတော့ အလွန်ညင်သာနူးညံ့စွာသုတ်ပေးလိုက် နောက်ခဏကြာတော့ အလွန်ကြမ်းကြမ်းတမ်းတမ်းသုတ်လိုက်နဲ့ လုပ်နေသည်. အဲလိုဖြစ်နေသည့်တိုင်အောင် ဒါကအဓိကအချက်တော့မဟုတ်ပေ။

အခုလောလောဆယ်မှာတော့လင်ရှန်းက ကြောင်တောင်တောင်ဖြစ်လို့နေသည် ဘာကြောင့်လဲဆိုတော့ အိပ်ရှေ့စံမင်းသားကိုယ်တိုင် သူမဆံပင်ကို သုတ်ပေးနေလို့ပါပဲ. 'ဘယ်လိုဝဋ်ကြွေးမျိုးကြောင့်လဲ'

သူ ငါ့ကို အသက်ရှုရခက်အောင်လာလုပ်ပြီးတော့ 'ကြင်ယာတော်မင်းသားသည် သူ့ဆံပင်ကို အခြောက်ခံခဲ့ပေမယ့်လည်း သူဘာ့သာသူ မတော်တဆအသက်ရှုကြပ်သွားသဖြင့် ......ဆိုပြီးတော့' မနက်​ဖြန်ပဲ ကြေငြာချက်ထုတ်မလို့ စီစဉ်နေတာများလား'

သူမဆံပင်ကို ခြောက်အောင်သုတ်ပေးနေသော်ငြားလည်း တုဟောင်မှာဘာအတွေးမှမရှိခဲ့ပေ. သူ ဘာမှမတတ်နိုင်ခဲ့လို့ပါပဲ. သူ့စိတ်ထဲမှာဖြစ်ပေါ်လာသည့်အတိုင်း ခံစားရသလိုလုပ်လိုက်တာပါ. သို့သော်လည်း လင်ရှန်းကိုကြည့်ရတာ အလွန်ကိုသတိထားပြီးတော့ ထိတ်လန့်နေတဲ့ပုံပေါက်နေသည်. သူမကို သူ ကြည့်မိတဲ့အခါတိုင်းပဲ သူမက သူ့အပေါ် မယုံကြည်တာကို သူသိနေသည်. အသိအမှတ်မပြုခံရသလိုခံစားလိုက်ရကာ ထောင်းခနဲ ဒေါသထွက်သွားတော့သည်။

တုဟောင်စိတ်ထဲမှာ ဘာတွေများတွေးတောနေမလဲလို့ လင်ရှန်းတစ်ယောက် ဦးနှောက်ခြစ်ကုတ်စဉ်းစားနေခိုက် ရုတ်တရက် တုဟောင်က ထရပ်လိုက်တော့သည်။ ပြီးနောက် သူက ပိတ်စကို သူမခေါင်းပေါ်သို့ပစ်ပေါက်လိုက်သည်။