“မောင်…”
“အင်း…”
“ချစ်တယ်…ချစ်တယ်မောင့်ကို…”
“အင်း…”
“မောင်အခုထိ မကို ချစ်တယ်လို့ပြန်မပြောနိုင်သေးဘူးလားဟင်…”
“ရတီ…”
“မောင်အခုထိ မကို မချစ်သေးဘူးလား”
သူသက်ပြင်းချသည် ရတီ့ကိုလှည့်ကြည့်ကာခေါင်းခါသည်။ တိတ်ဆိတ်လျက်ပဲ အ၀တ်အစားတွေ ကောက်၀တ်၊ အခန်းထဲကနေထွက်သွားဖို့ပြင်ပြီးမှ ပြန်လှည့်လာတော့ ရတီ့ရင်ထဲသေးသေးကလေးမျှော်လင့်လိုက်သေးတယ်။ ရတီ့ပုံစံကလည်းသခင့်အချစ်ကိုညှာယူနေတဲ့ခွေးကလေးတစ်ကောင်လိုနေမှာပေါ့… သူကရတီ့ဘေးမှာလာထိုင်ပြီး ပါးပြင်ကိုခပ်ဖွဖွလေးထိတွေ့တယ်။ သူလက်ကလေးတွေနဲ့ပိုပြီးနီးကပ်ချင်လို့ သူ့ရင်ခွင်ထဲတိုး၀င်လိုက်မိတယ်။
“ကျွန်တော်စိတ်မကောင်းပါဘူး…ကျွန်တော် မ ကိုမလိမ်ချင်ဘူး”
သူ့မျက်လုံးတွေကအေးစက်နေဆဲပဲ…၊ ၁၂ရာသီရေခဲနေတဲ့ ရေခဲမြစ်ထပ် အဆပေါင်းများစွာပိုအေးတယ်။ အကြည့်တစ်ချက်ကတော့ဆောင်းရာသီကို မဖန်ဆင်းနိုင်ပါဘူး…အဲ့ဒီ့မျက်လုံးတွေနဲ့ရင်ဆိုင်မိတိုင်း အကြောက်တရားတစ်ခုက ရင်ထဲလှိုက်၀င်လာလို့ ပိုပြီးအေးနေတာဖြစ်မယ်။
“အဲ့ဒီ့မုသားလေးက မ အတွက် စိတ်သက်သာရာရစေမယ်ဆိုရင်တောင် တစ်ခါလေးပဲဖြစ်ဖြစ် လိမ်မပြောနိုင်ဘူးလား…”
“ဟင့်အင်း….”
“နေထိုင်ရင်းနဲ့ ဘ၀မှာ တစ်ပြိုင်နက်တည်းလူနှစ်ယောက်လောက် ချစ်မိနိုင်တာပဲ… နှစ်ယောက်ထပ်ပိုတဲ့လူတွေကိုလည်းချစ်မိနိုင်တာပဲ…အချစ်ဆိုတာတစ်ယောက်တည်းအတွက်လို့မှပြောလို့မရတာ…”
“ချစ်မိရင်တော့တစ်ယောက်တည်းပဲဖြစ်မှာ…ကျွန်တော့်ဆီကချစ်တယ်ဆိုတဲ့စကားကလည်း အဲ့ဒီ့တစ်ယောက်ကလွဲပြီး ကျန်တဲ့လူတွေအတွက်မရှိဘူး…”
မျက်ရည်တွေကဘယ်လိုမှတားမရဘူး။ ခေါင်းကိုသွက်သွက်ငြိမ့်ရင်း သူနဲ့ဝေးရာကိုရွှေ့သွားလိုက်တယ်။ မိန်းကလေးတကာကအားကျရပြီး ယောကျ်ားလေးတိုင်းကြွေရတဲ့ရတီဆိုတဲ့မိန်းမကဘယ်ရောက်သွားတာလဲ၊ ရတီ့မာနတွေကအိပ်ရာထဲမှာမျက်ရည်တွေအဖြစ်ပြောင်းကုန်တာလား…။သူရတီ့ဆီကလိုချင်တာတစ်ခုပဲရှိတယ်…။အဲ့တာကလွဲပြီးကျန်တာစိတ်မ၀င်စားဘူး…သူအဲ့ဒီ့လောက်ထိစိမ်းကားတာ။ ရတီတို့တွဲလာတာ တစ်နှစ်ပြည့်တော့မယ်…၊ ပထမဆုံးစတွေ့တုန်းက သူ့ရဲ့မျက်လုံးတွေကိုရတီမှတ်မိနေသေးတယ်။
YOU ARE READING
အချစ်တစ်ခုတည်းသာကျန်ရစ်တော့မည်
Romanceသူ့အပေါ်အနိုင်ကျင့်နှောင့်ယှက်နေတဲ့ ဘူလီကောင်လေးနဲ့မှ ချစ်မိပြီးတဲ့နောက်... _______________ သူ႔အေပၚအႏိုင္က်င့္ေႏွာင့္ယွက္ေနတဲ့ ဘူလီေကာင္ေလးနဲ႔မွ ခ်စ္မိၿပီးတဲ့ေနာက္...
