ကျောက်စရစ်ခဲလုံးသေးသေးလေး ယုယရဲ့ပြတင်းပေါက်ကိုလာမှန်သည် ။ ဖတ်နေတဲ့စာအုပ်ကိုချပြီး ပြတင်းပေါက်ဘက်ကိုလှမ်းကြည့်လိုက်သည်။ နောက်ထပ်ခဲလုံးသေးသေးလေး လာစင်ပြန်သည်။ တစ်ဆက်တည်းမှာပဲ အချိန်အခါမဟုတ် ခွေးအူသံနဲ့ ကြောင်အော်သံတွေလည်းပေါ်ထွက်လာသည် ။
အခန်းထဲမှာယုယတစ်ယောက်တည်း…ဒီအသံတွေကြားတော့ရယ်လိုက်မိပြီး ဖတ်လက်စစာအုပ်ကိုပိတ် အခန်းတံခါးကိုလော့ပြေးချရသည်။ တံခါးလော့ခ်ချပြီးတာနဲ့ မှန်ရှေ့မှာခဏလေးရပ်ပြီး တနေကုန်စာကြမ်းပိုးလုပ်ထားတဲ့ရုပ်ကလှနေသေးရဲ့လား ကြည့်ရသေးသည်။ ဆံပင်တစ်ချက်နှစ်ချက်ဖီးပြီး၊ နှုတ်ခမ်းနီလေးပါးပါးတို့၊ အဝတ်တွေကိုသပ်ရပ်သွားအောင်လက်နဲ့ဖိချပြီးမှလသာဆောင်တံခါးကိုဖွင့်ကာအောက်ကိုငုံ့ကြည့်လိုက်သည်….။အဲ့ဒီ့မှာ…သူပေါ့…ခိုးကြောင်ခိုး၀ှက်နဲ့ယုယပြတင်းပေါက်ဆီတတ်လာမယ်လို့အချက်ပြနေတဲ့သူ…အခန်း ၃၄။ အင်းဟင်း…ယုယမင်းမော်ရည်းစားရနေပါပြီ (၁)
မေသက်ထားနဲ့ယုယတို့တက္ကသိုလ်ရွေးချယ်ဖို့အတွက်ခေါင်းချင်းဆိုင်ဆွေးနွေးပွဲလုပ်နေကြသည်။ မကြာခင်အောင်စာရင်းတွေထွက်လာတော့မှာမို့ အမှတ်စာရင်းသိရရင်ရပြီးတက္ကသိုလ်ရွေးရတော့မှာချင်းတူတူအခုတည်းကဆွေးနွေးထားတော့ကောင်းတာပေါ့။အဲ့တာတွေမပြောခင်အရင်ဆုံးအောင်ရောအောင်ပါ့မလားဆိုတဲ့အတွေးကိုခေါင်းထဲကခဏထုတ်ထားရတယ် ။ ကိုယ်ဖြေခဲ့တာကိုယ်မသိဘူးလားလို့ မေးရင်လည်းခံရမှာပဲ။
ဆယ်တန်းကနတ်ကြီးတယ်လို့ကြားဖူးသည်။ ဘယ်လိုနတ်ကြီးတာလဲ ယုယမသိပါဘူး၊ နတ်ကြီးတယ်ဆိုတာဘာကိုဆိုလိုမှန်းတောင်မသိဘူး။ အချို့ဘုရားတွေသွားရင်…လူကြီးတွေကဆုံးမတယ်..ရိုင်းစိုင်းတဲ့စကားမပြောရဘူး၊ အတိတ်နမိတ်မရှိတဲ့စကားတွေမပြောရဘူး၊မလျှော်ကန်တဲ့အပြုအမူတွေမလုပ်ရဘူး၊အမှိုက်မပစ်ရဘူးစသဖြင့်ပေါ့…။ အဲ့ဘုရားကနတ်ကြီးတယ် ဘုရားကနတ်ကြီးတယ်ဆိုတာတော့နားထဲကန့်လန့်ကြီး။ဒါပေမယ့်ဆိုလိုချင်တာကတော့… အဲ့ဒီ့မှာစောင့်တဲ့အစောင့်အရှောက်တွေကမကြိုက်ဘူး… သူတို့မကြိုက်တာလုပ်ရင် နတ်ကိုင်ခံရမယ်၊ တစ်ခုခုဖြစ်မယ်၊ အန္တရာယ်တွေ့ရတတ်တယ်၊ အိမ်မက်ဆိုးတွေမက်မယ်၊ ကံနိမ့်တတ်တယ် အဲ့တာမျိုးကိစ္စတွေမှာတော့ နတ်ကြီးတယ်ဆိုတဲ့စကားလုံးကိုကြားဖူးပါတယ်။
![](https://img.wattpad.com/cover/324267524-288-k719227.jpg)
YOU ARE READING
အချစ်တစ်ခုတည်းသာကျန်ရစ်တော့မည်
Romanceသူ့အပေါ်အနိုင်ကျင့်နှောင့်ယှက်နေတဲ့ ဘူလီကောင်လေးနဲ့မှ ချစ်မိပြီးတဲ့နောက်... _______________ သူ႔အေပၚအႏိုင္က်င့္ေႏွာင့္ယွက္ေနတဲ့ ဘူလီေကာင္ေလးနဲ႔မွ ခ်စ္မိၿပီးတဲ့ေနာက္...