မျက်လုံးနှစ်လုံးမပိတ်ခင်အချိန်အနားမှာရှိနေခဲ့တာသူဖြစ်နေပြီး…မျက်လုံးနှစ်လုံးပွင့်လာတဲ့အချိန်သူ့ကြောင်းတွေးပြီးနိုးလာခဲ့ရတာကိုမှ..သဘောကျနေမိပြီ။ အိမ်မက်တွေထဲမှာရောသူပေါ်လာဖို့မေးစရာလိုသေးလား အာရုံငါးပါးလုံးကသူ့ကိုတောင့်တနေပြီ။ သူနဲ့တွေ့ဖို့မှန်ကိုကြည့်ပြီး ကိုယ့်ကိုယ်ကိုယ်ပြင်ဆင်နေတဲ့အချိန်တွေမှာ ကိုယ့်ရဲ့အဆင်း၊ အသံ၊ အနံ့ နဲ့ အထိအတွေ့အားလုံးက သူ့ရဲ့အသုံးတော်ခံဖြစ်နေမှာကိုတွေးမိရင်းလည်း အတိုင်းမဲ့ပျော်ရွှင်လာမိတယ်။ ကဗျာအဆန်ဆုံးအိမ်မက်တွေကနေ ဆောင်းတွင်းအိမ်မက်လို ဂယောက်ဂယက်အိမ်မက်တွေအထိသူရှိနေမှဖြစ်မယ် ဆိုတဲ့အခါ…မျက်လုံးတွေမှိတ်ထားတဲ့အချိန်တိုင်းမှာသူ့ရဲ့အာရုံတွေထင်ဟပ်လာခဲ့ရင် ဒါဟာအချစ်လို့သက်မှတ်နိုင်မလား…။
ဒါဆိုရင်တော့…ငါမင်းကိုတောင်းပန်ရတော့မှာပဲ…ရူးလောက်အောင်ချစ်နေမိပြီ။
အခန်း ၃၆။ သူငယ်ချင်းမက
ဒီလထဲမှာလေးကြိမ်မြောက်ယုယတို့အိမ်သွားဖို့အတွက်သိင်္ခတစ်ယောက်ကျကျနနပြင်ဆင်နေသည်။ သူ၀တ်နေကျအ၀တ်စားတွေထဲကမှ အသပ်ရပ်ဆုံး၊ လူကြီးတွေမျက်လုံးထဲ ကြည့်လိုက်တာနဲ့ တည်ငြိမ်ပြီး ၊ အထက်တန်းကျကျပုံစံမျိုး၊ သိင်္ခမျက်လုံးနဲ့ကြည့်ရင် ပျင်းစရာအကောင်းဆုံးဖြစ်နေမယ့် အ၀တ်အစားများကိုရွေးထုတ်ထားလိုက်သည်။ အဲ့ဒီ့အ၀တ်အစားများက သူ့အမေ၀ယ်ပေးတာတွေဆိုတာဘယ်သူ့ကိုမှသွားမေးစရာမလိုပါ။ သူ့အမေရဲ့အမြင်ကတော့ယုယရဲ့ကြီးတော်ကြီးတွေရဲ့အကြိုက်ဖြစ်လိမ့်မယ်ဆိုတာလည်းကြိုသိပြီးသားပါ။
“သိင်္ခ”
“သိင်္ခ”
“တံခါးဖွင့်စမ်းကောင်စုတ်လေး”
အမေကတံခါးကိုတဒုံးဒုံးထုရင်းပြန်မထူးမချင်းအော်ခေါ်နေသည်။ရေချိုးခန်းကထွက်ခါစမို့လို့တံခါးသွားမဖွင့်ပေးချင်ပေမယ့်အမေ့အော်သံကြောင့်ခေါင်းပါကိုက်လာပြီ။
![](https://img.wattpad.com/cover/324267524-288-k719227.jpg)
YOU ARE READING
အချစ်တစ်ခုတည်းသာကျန်ရစ်တော့မည်
Romanceသူ့အပေါ်အနိုင်ကျင့်နှောင့်ယှက်နေတဲ့ ဘူလီကောင်လေးနဲ့မှ ချစ်မိပြီးတဲ့နောက်... _______________ သူ႔အေပၚအႏိုင္က်င့္ေႏွာင့္ယွက္ေနတဲ့ ဘူလီေကာင္ေလးနဲ႔မွ ခ်စ္မိၿပီးတဲ့ေနာက္...