✍️ Unicode
" ဘရာစီယာရှိသလားကွဲ့… "
ရုတ်တရက်နေမင်းခန့်မျက်လုံးပြူးသွားမိတယ်။လာမေးတဲ့သူကအသက်ခုနစ်ဆယ်လောက်ရှိမဲ့အဖွားတစ်ယောက်။နေမင်းခန့်ကသာပြူးပြူးပျာပျာဖြစ်နေပေမဲ့အဖွားကတော့အေးအေးဆေးဆေး။
ဒီနေ့မှမောင်ကလည်းမရှိဘူး။ကျောင်းကမိဘဆရာအသင်းအစည်းအဝေးကိုသွားနေတာ။ နေ့လည်နေ့ခင်းဆိုတော့ဆိုင်မှာကလည်းနေမင်းခန့်တစ်ယောက်တည်း။
" ခဏနော်အဖွား… "
" အေးအေး… "
" အေးသီရေ နင့်ဆိုင်မှာဘရာစီယာရှိသလားဟ… "
ဆိုင်ရှေ့ကိုထွက်ပြီးအေးသီဆီကိုလှမ်းအော်မေးလိုက်တော့ အေးသီကမျက်လုံးပြူးကြီးနဲ့လှမ်းကြည့်တယ်။
" ဘယ်ကဘရာစီယာတွေလဲ… ဘော်လီပဲရှိတယ်… "
အေးသီအသံကဆောင့်ဆောင့်အောင့်အောင့်။သူ့ကိုအသံအကျယ်ကြီးနဲ့မေးလို့နေမှာပေါ့။တောဘက်တွေမှာကဒီလိုပဲ။ဘော်လီတို့ဘာတို့ဝယ်ရင်တိုးတိုးတိတ်တိတ်ဝယ်ကြတာ။
မိန်းမအသုံးအဆောင်တွေနဲ့ပတ်သက်လာရင်ရှက်စရာကောင်းတယ်လို့ယူဆထားကြတာ။ယောက်ျားလေးတွေဝတ်တဲ့အတွင်းခံဘောင်းဘီတောင်လူမမြင်အောင်လှမ်းကြတဲ့အရပ်။
" လာစမ်းပါဦးဟ… ဒီမှာအဖွားက ဘရာစီယာလိုချင်လို့တဲ့… "
" အဲဒီအစ်ကိုလေးကလေ တကယ်ရှုပ်ရှုပ်ယှက်ယှက်… "
အေးသီကစက်ချုပ်ခုံကထလာတယ်။စက်ချုပ်နေရာကထလာရလို့နေမင်းခန့်ကိုသိပ်မကြည်ပုံပါပဲ။
" အူတူတူကောင်တော့ ဘာတွေလွဲဦးမလဲပဲ… "
အရီးထွေးညိုက စားပွဲဝိုင်းမှာညနေကြော်ဖို့ဘူးသီးလှီးရင်းကလှမ်းအော်တယ်။အရီးထွေးညိုဘူးသီးလှီးတဲ့နားမှာစုထိုင်ပြီးရေနွေးသောက်နေကြတဲ့ကျန်ဈေးသည်တွေကလည်းနေမင်းခန့်ကိုလွဲပြန်တော့မယ်ဆိုတဲ့အကြည့်နဲ့ပြုံးရင်းကြည့်လို့။
" အဖွား… ဒီဆိုင်မှာကဘရာစီယာတွေဘာတွေမရောင်းဘူး… ဘော်လီလိုချင်ရင်တော့အဖွားတို့ဝတ်သလိုမျိုးတွေသမီးဆိုင်မှာရှိတယ်… သမီးရဲ့ဆိုင်ကိုလိုက်ခဲ့နော်အဖွား… "
YOU ARE READING
💕 မင်း ချစ်တဲ့ မောင်
Fantasyပေးဆပ်ခြင်းတွေ ရယူခြင်းတွေနဲ့အသံကောင်းဟစ်နေရင် ဒါကအချစ်စစ်မဟုတ်တော့ဘူး။အချစ်စစ်ဆိုတာ အပြန်အလှန်နားလည်ပေးတဲ့စိတ်နဲ့ တစ်ဦးကတစ်ဦးကိုစိတ်ချမ်းသာစေခြင်းပါပဲ။ yawthawemaung ေပးဆပ္ျခင္းေတြ ရယူျခင္းေတြနဲ႕အသံေကာင္းဟစ္ေနရင္ ဒါကအခ်စ္စစ္မဟုတ္ေတာ့ဘူး။အခ်စ္စစ္ဆို...
