🔥جَـــحِــــيـــم الـــمــــشْــــرمل🔥
بأنامل: رباب نجمة🌺🖋️
الجزء السابع والثمانون:
تنهدات بعمق منزلة راسها كتشوف في الأرض ماباغاهش يشوف دموعها.... مسحاتهم بسرعة وكملات كلامها لي حاولات تختاصرو حيت مهما تكلمات وعبرات مغاديش تكون نتيجة.....
ميرال: أنا كنبغي كريم وهو كيبغيني من الأحسن تتقبل هاد العلاقة ولا غاتخسر ختك الوحيدة........
قرب كريم من ميرال حاضنها من الوراء ناطق بهدوء......
كريم: أنا بصح كنبغي ختك أعصام... وماناويش نتفرق عليها... يمكن نت كتشوف بلي أنا مامناسبش لمرتبة عائلتك ولكن ثيق بيا أنا مناسب لميرال... ماعمرني غانأذيها ولا غانسمح لشي حاجة تأذيها......
وقفات نازلي مقربة من عصام لي كان حادر راسو كيسمع لكلامهم بدمعة حبيسة في عينيه......همسات بالقرب من أذنه ناطقة.....
نازلي: ماتقصحش قلبك.. كتبقى ختك الصغيرة...
تنهد عصام ناطق بهدوء بعدما مسح بسرعة ديك الدمعة.....
عصام: صافي نتي لي ربحتي هاد المرة أميرال..... ديري لي بغيتي....نتمنى ماتجيش تبكي عليا في الأخير.......
ابتسمت ميرال وبسرعة مشات عند عصام عنقاتو ونطقات.....
ميرال: كنبغيك أخويا........
تكلم عصام وهو كيحتاضن ختو لي عزيزة على قلبو.....
عصام: إلا كنت قاصح معك راه حيت كنفكر في مصلحتك ومابغيتكش تأذاي.....
ابتعدت ميرال وحركات راسها بالإيجاب ناطقة برقة......
ميرال: عارفة أخويا.... كريم كيبغيني بزاف متأكدة مع الوقت غايعزاز عليك وتافقوا مع بعضياتكم........
شاف عصام في كريم مخنزر فيه وكريم كايرمقوا بنفس النظرة ناطقين في نفس الوقت..........
"مستحيل".........
ضحكات نازلي وميرال على ملامحهم وكرههم لبعضياتهم.......
أما في مكان أخر كان جابر جالس في مكتبه كايخطط لإنتقام لا يحمد عقباه.........
🍷ڤيلا الأحميني❤🔥
الأضواء مضوية حديقة الڤيلا المزينة بزينة مبهجة ...... كان الخدم واقفين على قدم وساق مستعدين لإستقبال الضيوف........
في الغرفة الواسعة كانت ميرال مقابلة مع كريم لي كان كيتفحصها بنظرات كلها إعجاب وحب...لابسة فستان أبيض كتشوف بخجل في الأرضية ماقادراش تعلي عينيها فيه.....
قرب منها هامس بالقرب من أذنيها....
كريم: ماقادرش نثيق بلي هاد الزين كامل ديالي......كلمة كنبغيك ماقادراش تعبر على المشاعر لي كنحس بيها ناحيتك...... دخلتي لحياتي وخليتيني شخص مختلف... علمتيني شنو معنى الحب.... كنبغيك الأميىة ديالي.....
ابتسمت ابتسامة ساحرة مقابلة عينيها مع عينيه.....
ميرال: وأنا كثر أحياتي.....كنبغيك كثر من لي كتصور.............
#يتبع.....🔥
CZYTASZ
جحيم المشرمل 𝐓𝐡𝐞 𝐇𝐞𝐥𝐥 𝐨𝐟 𝐏𝐞𝐫𝐯𝐞𝐫𝐭
Romansلأول مرة على شاشة هواتفكم 🍷🍒 بـعـنـوان:🔥جَـــحِــــيـــم الـــمــــشْــــرمل🔥 بأنامل: رباب نجمة🖋️ حصريــــــــا على أســــطــــورات الجــــمـــــان الأســــود🖤 بعض المرات غلط بسيط قادر يقلب حياتنا رأسا على عقب ويغير مجراها لأسوء قدر... هي فت...
