The Bachelor's Game (Great Bachelor Series #1)

Chapter 12

Nagising ako sa sikat ng araw na tumatama sa aking balat. Mabilis naman akong napamulat ng marealize kong nakahiga ako sa kama ni Kervy ngunit wala naman na siya dito. Biglang tumunog ang aking cellphone para sa aking sinet na alarm pero kasabay nuon ang pagkakita ko sa sandamakmak na missed calls at text mula kay Kuya Khurt. Kumunot ang noo ko, bakit naman siya magaalala. Alam naman niya na nandito ako kay Kervy, siya pa nga ang nagpapunta sa akin dito.

Kuya Khurt Calling...

"Hello, Kuya..." 

"Grace, umuwi ka na ngayon na!" utos niya. Ramdam kong galit siya. 

Ano nanaman ba ang nagawa ko? Wala akong choice kundi ang magayos at maghanda para makauwi na. Habang nagaayos ay nakita ko pa ang isang note na nakalagay sa may bed side table. 

Nauna na akong pumasok.

-Kervy

Ganuon lamang ka plain? Pero hindi pa din rumerihistro sa aking utak na talaga bang na sabi ko sa kanya ang mga katagang iyon kagabi? Ano na lamang ang mukhang maihaharap ko sa kanya?

Nakauwi ako sa bahay at duon ko nadatnan sina Mommy at Daddy, pati na din si Kuya. Nakaramdam ako ng takot sa tingin niya sa akin, minsan lang siya magalit, at nakakatakot talaga. Mariin akong napapikit ng maalalang hindi nga pala ako naka attend sa family dinner namin kagabi.

"Grace, Anak!" Salubong na sigaw ni Daddy sa akin bago ako hinalikan sa pisngi at niyakap.  

"Miss na miss ko po kayo, Daddy" sabi ko dito. 

Matapos kay Daddy ay nilingon ko naman ang tahimik na si Mommy. Patuloy pa din ito sa pagkain. Ni hindi man lang nagawang lingonin ako.  

"Hello, Mommy" bati ko sa kanya. Nagawa ko pa siyang halikan sa pisngi, pero tipid na ngiti lang ang ibinigay niya sa akin, hindi pa ako tinapunan ng tingin.  

"Wag mo ng pansinin yang Mommy mo, pagod lang sa byahe. Halika na at sabayan mo na kaming kumain" Yaya sa akin ni Daddy. Napansin siguro niya ang pagiging cold ni Mommy sa akin. 

Tipis na lang akong tumango at tumabi kay Kuya para kumain. Nasa kalagitnaan kami ng pagkain ng maramdaman ko ang bahagyang paghilig ni Kuya at bumulong sa akin.  

 "Maguusap tayo after kumain" 

Nawala lang ang atensyon ko kay Kuya ng magsalita si Daddy. "Grace anak, saan ka natulog kagabi? Malakas ang lakas ng ulan, buti na lang at nakarating na kami dito sa bahay bago bumuhos" 

"Sa condo po ni Kervy" nakangiting sagot ko sa kanya. Nagulat ako ng bigla na lamang binagsak ni Mommy ang mga hawak niyang kubyertos.  

"Kung isa kang matinong babae,  hindi ka matutulog sa bahay ng lalaki!" Pagburst out nito at nagtangkang aalis ng agad siyang napatigil dahil sa pag depensa ko.

"Pero wala naman po kaming ginawang masama" sabat ko pa.

"Kahit na, you take advantage. I can't believe you!" Madiing sabi nito bago siya tuluyang lumayo. 

Kumunot ang aking noo. Take advantage? saan? hindi ko siya maintindihan. Hindi ko din maintindihan kung bakit ganito ang turing niya sa akin. She's always cold.  

"Hija pagpasencyahan mo na ang Mommy mo, pagod lang iyon" Nagaalalang sabi ni Daddy sa akin bago siya nagpaalam para sundan si Mommy sa taas.