The Bachelor's Game (Great Bachelor Series #1)

Chapter 41

Grace Pov

"Ito na ba lahat?" tanong ni Zach habang tinutukoy ang mga gamit namin ni Ken.

"Uhm...Oo yan na lahat" sabi ko habang nakatingin lang sa kanya habang inaayos iyon sa sasakyan. Karga karga ko kasi ngayon si Ken kaya hindi ko siya matulungan.

"Makikita mo na si Lolo!" nakangiting sabi ko kay Ken na pinapagulong ang laruan niyang car sa balikat ko.

"Let's go" tawag sa akin ni Zach.

"Uuwi na ang Baby ko sa Manila!" masayang sabi ni Zach kay Ken.

"Yey!" sabi ni Ken tsaka pumalakpak pa.

Kumulo nanaman ang Dugo ko ng Kinurot nanaman niya ang pisngi nito. "Bakit ba kinukurot mo!" inis na suway ko. Hinimas ko ang pisngi ng anak ko, Buti na lamang at hindi siya iritado ngayon mukhang Nakakondisyon ang mood niya para sa byahe namin.

"Ang cute kasi..." nanggigigil na sagot ni Zach.

Agad kong pinisil ang pisngi niya "Edi yung pisngi mo ang kurutin mo!" madiing sabi ko kasabay ng madiing pagpisil ng pisngi niya.

"Aray naman, Grace!" pagmamaktol nito.

"Baby inaaway ni Mommy si Daddy!" pagsusumbong niya sa anak ko.

"Tito!" pagtatama ko.

"Daddy!" sagot din niya.

"Ing...ay" sabi ni Ken at tsaka sumubsob sa leeg ko.

"Ingay mo daw!" natatawang sabi ko kay Zach.

"Si Dada o si Mama?" natatawang tanong Ni Zach.

"Dada" sagot niya, hindi niya tinatawag na Daddy si Zach, Mama kasi ang tawag niya sa akin kaya siguro Dada ang tawag niya dito.     

Hinarap ko si Zach at dinilaan! "Buti nga sayo!"

"Napatingnan mo na ba yang anak natin, Grace? Bakit Dada pa din ang tawag sa akin? diba dapat Daddy!? tsaka bihira lang siyang magsalita!" sabi ni Zach.

Agad ko naman siyang binatukan, Buti na lamang at naka seatbelt siya kung hindi! Nauntog siya sa manibela. 

"Anak ko lang!" sabi ko tsaka siya pinanlakihan na mata. "Tsaka kung meron mang dapat magpatingin ikaw yon! Ano bang akialam mo? Eh yun yung trip ng anak ko!" sabi ko sa kanya.

"Masyado mong biniBaby! Nilalagay mo pa sa crib! Hoy Grace, mag dadalawang taon na yang anak natin!" sabi nito sa akin.

"Anak ko lang sabi!" madiing sabi ko.

Nagkibit balikat ito.  "Nga naman, hindi nga pala madaldal ang Ama niyan!"

Sinamaan ko siya ng tingin. "Will you just shut up, Zach!" 

"Ok...Sabi mo eh!" natatawang sabi niya.

Nang dumating kami sa airport ay agad kong ibinaba si Ken para palakarin. Tawang tawa ako sa kanya dahil parang bibe siya maglakad malaki ang pwet nito. Dagdag pa dahil may diaper pa siya, Nakasuot siya ngayon ng jumper na may white tshirt sa loob, Nakarubber shoes din siya.

"Plane..." turo niya sa eroplano na makikita sa malaking bintana.

"Oo Baby...Sasakay tayo diyan" masayang sabi ko sa kanya, Agad siyang nagtatatalon.

"Kailangan na nating sumakay" singit ni Zach.

"Tara na, Baby" sabi ko kay ken, bubuhatin ko na sana siya ng bigla itong humarap kay Zach at nagtaas ng kamay.