The Bachelor's Game (Great Bachelor Series #1)

Chapter 34 (Flashback)

Zach Pov

Kasama ko ngayon ang aking pinsang Si Kervy at ang magkapatid na sina Rhia at Grace. Pero half lang. Anak lang kasi si Grace sa labas, Kaya iba ang trato ng Mommy nila sa kanya.

"Ang daya mo!" sigaw niya kay Kervy na walang ginawa kundi tumawa, 2nd year highschool na kami ngayon.

"Madaya agad!? Talo ka lang kasi!" natatawang pangaasar niya sa bestfriend. Kahit noon eh magbestfriend na talaga silang dalawa.

"Ayoko ng makipaglaro sayo kahit kailan!" sabi nito at agad lumayo kay Kervy. 

"Sus! nagtampo agad!" sabi ni Kervy tsaka nilapitan ang bestfriend. Busy silang dalawa samantalang si Rhia naman ay busy sa kanyang phone.

"Sino nanaman yang katext mo?" tanong ko.

"Pake mo!?" masungit na sabi nito sa akin.

"Nasa bahay kita! Wag mo akong tinatarayan" sabi ko sa kanya.

"Bahay to nila Tita! Hindi ikaw ang nagpagawa nito!" laban niya sa akin, at talagang lumalaban pa ang isang ito.

"Sa akin pa din mapupunta ito!" hindi ako nagpatalo. Hindi ako magpapatalo sa kanya.   

"Ofcourse! wala ka namang ibang alam kundi maghintay ng ibibigay sayo! Wala kang direksyon sa buhay! Para kang palamuning baboy!" sabi nito sa akin at tsaka umalis. Nalaglag ang panga ko. At talagang matabil din ang dila ng isang iyon. Ipatapon ko kaya palabas?

"Tama na, Kervy!" hiyaw ni Grace habang kinikiliti siya ng pinsan ko.

"Bati na tayo?" sabi ni Kervy.

"Oo na nga! kanina pa! napakabingi mo!" sigaw ni Grace.

"Ang ingay mo ha! Bakit mo ako sinisigawan!? Magkalayo ba tayo?" sagot ni Kervy at nagpatuloy sa pagkiliti sa bestfriend niya.

"Umuwi na nga kayong dalawa!" sigaw ko sa kanila. Ang ingay nila, at badtrip ako!

"Chill Bro! May dalaw ka nanaman!?" natatawang sabi niya, pero agad tumakas si Grace mula sa kanya.

"Hoy! Teka!" hindi niya na hinintay ang sagot ko at mabilis na hinabol si Grace.

Naging mabilis ang panahon para sa amin, college na kami ngayon. Hindi kami sa karaniwang university pumasok, advance ang curriculum nila dito. Kahit nasa ibang university sina Rhia at Grace ay hindi pa rin nawawala ng bonding namin. Halos buwan lang ang pagitan ng magkapatid na iyon. Sa university din na ito namin nakilala sina Luke Evanz Jimenez, Matteo Aldrin Samonte at Timothy James Dela Vega. Naging matalik na magkakaibigan kaming lima.