Sadako's First Love

Chapter 6. "My knight is jealous?"

                   

Chapter 6. "My knight is jealous?"

Amiko's POV

            "A-MI-KO!" Nagising ako't napatayo sa kama nang marinig kong may sumigaw mula sa labas ng bahay. Napalingon ako sa bintana ng kwarto ko't nakita si Francis na kumakatok sa binata. "Buksan mo 'to Amiko!" Sigaw niya. May lahi talagang unggoy ang ungas na 'to.

            Naniningkit ang mata ko sa inis habang papunta sa kanya. Pagdating sa tapat ng binata binuksan ko ito at pumasok siya.

            "Amiko, tulong!" Tarantang sabi niya.

            "Ano na naman ba 'yon Francis? Ang aga aga mo namang mambulabog!" Bulyaw ko sa kanya't bumalik sa kama ko saka nahiga.

            "Ano? Amiko importante 'tong problema ko kesa diyan sa pagtulog mo!" Tarantang sigaw niya. Muli akong bumangon at nagtataka siyang tiningnan. Bakas sa mukha niya ang labis na pag-aalala kaya naman napatayo ako sa kama ko't pinuntahan siya.

            "Bakit Francis? Anong nangyari?" Nag-aalalang tanong ko sa kanya. Natahimik naman siya at tumingin sa akin.

            "Amiko tingnan mo." Sabi niya saka nilapit ang mukha niya sa akin. "Kita mo?"

            Tiningnan ko ang pisngi niya pero wala naman akong nakitang kakaiba bukod sa mapulang maliit na umbok.

            "Wala namang sugat ah?" Sabi ko't inilayo ang mukha niya sa akin. "Ano bang problema mo? Alam kong gwapo ka kaya wag mo ng ipaglandakan sa akin yang makinis mong pisngi!" Sigaw ko.

            "Iyon nga ang problema! Di mo ba nakita?" Muli niyang nilapit ang mukha niya sa akin. "May tigyawat ako!" Taranta niyang sabi. Kumunot naman ang noo ko dahil sa sinabi niya.

            "Francis Mark Perez, ginising mo ko ng ke-aga aga dahil lang sa iisa at maliit mong tigyawat?" Gigil kong sabi.

            "Hindi lang 'to ordinaryong tigyawat. Amiko! Baka kumalat 'to at masira ang mukha ko!" Taranta niyang sabi. Nilapitan ko naman siya at piningot sa tainga. "Ah~aray naman~"

            Inilabas ko siya ng kwarto ko at malakas na sinara ang pinto.

            "Damuho, sinira ang tulog ko dahil sa tigyawat niya." Inis kong sabi at padabog na bumalik sa kama ko.

♥♥♥♥♥

"SADAKO!" Tila may isang boses na tumatawag ng pangalan ko. Hindi lang simple tawag e, parang sumisigaw. Panira naman! Natutulog yung multo e.

"Sino ba yan?" Sagot ko saka pumagilid ako sa pagkakahiga sa kama ko at niyakap ang isa ko pang unan na may Hello Kitty pillow cover.

"Ha? Sadako! Umaga na at Sabado ngayon!" Pumagilid ako ulit sa kabilang side ng kama ko at tuloy pa rin sa pagtulog pero gising ang diwa ko't naririnig ang pambubulabog ni Francis.

"Ano naman kung Sabado, Francis?" Nakapikit pa rin ako at natutulog pero kinakausap ko na ang tukmol na sumisira sa sleeping beauty ko.

"Ha? Ugh! Come on Amiko! Gagala tayo! Mamasyal naman tayo!" Asar na sabi ni Francis.

"Gagala? Ikaw na lang." Tinatamad na sagot ko rito saka siya tinalikuran at ipinagpatuloy ang pagtulog ko. Sandaling nawala ang ingay ni Francis. Mabuti naman at umalis na siya. Ang sarap sarap matulog ngayon dahil walang pasok kesa ang gumala at mamasyal kung saan. At sana isa pa, ang init ng panahon ngayon. Kaya dito na lang ako sa bahay.