Chances

Chapter 3 - The Italian - Filipino and The Mystery Guy

Minulat ko yung mata ko. Maliwanag. Patay na ba ako? Nasa langit na siguro ako? Makikita ko na siguro ang Diyos?

"Ate May, gising ka na! Akala ko na comatose ka na?" nagsasalita si bebe gurl. Patay na rin siya? Lumindol nga talaga siguro sa earth.

"Kisses, nasa langit na tayo."

*PAK!*

"DIYOS MIYO MARIMAR! Parang matatanggal yung braso ko! KRISTINE!"

"Ang arte mo naman kasi eh. Natamaan ka lang ng bola, mamamatay ka na?" sagot ni Kristine sa akin.

"Ate May, gusto mong sapakin ko yung bumato sa iyo ng bola. Babalikan ko lang para masampolan lang. Viv sama ka, resbakan natin." si Fenech.

"Hep hep hep. Magsitigil nga kayong dalawa, kayo kaya sapakin ko at sino ba kasing nakabato sa akin?"

"Si ano... Si... eeeeeeh... si..." si Kisses na parang uod na nilagyan ng asin.

"Gusto mo sampal Kisses? Makaarte lang. Sino nga kasi?"

"Si ano nga kasi... si... waaaaah... kinikilig talaga ako Ate May."

*PAK!*

"Aray naman Ate May. Si Marco. Si Marco Gallo. Waaaaah... Kinikilig pa rin ako Ate May."

"Natamaan na nga ako ng bola ng Marco na yan, kinikilig ka pa rin?"

"Eh, ang gwapo kasi niya, half Italian, half Filipino na engineering student."

"Ha?"

"Ah basta Ate May."

*TOK TOK*

Binuksan ni Kristine yung pinto at nagulat na lang ako na nagfaint itong si Kisses na katabi ko.

Ito yung lalake sa game kanina ah. Sino ba ito?

"Ito na pala yung reresbakan natin eh. Ano sapakin na ba namin Ate May?" si Viv na akmang susugod na.

"Unahin niyo nga munang gisingin yang si Kisses mukha siyang tanga diyan. Nakakahiya." Kagandagandang tao hinihimatay dahil lang sa gwapong lalake.

"So, sino ka?" tanong ko dun sa pumasok na lalake.

"Hala lagot ka. Wala ng maalala si Ate May. May amnesia daw siya. Lahat kami hindi na niya kami maalala. Lagot ka!" pagsingit ni Fenech with matching hand gestures pa.