Oops! This image does not follow our content guidelines. To continue publishing, please remove it or upload a different image.
Nasaksihan mo ba ang pagkinang ng mga mata niya? Parang mga bituin na nangungusap Nakakamangha sa bawat pagkurap Ginabayan ka ba niya gamit ang liwanag na nagmumula sa pagkatao niya? Parang buwan na tahimik na nananahan sa kalangitan Nagbibigay ng kaunting liwanag na nagsisilbing gabay Sa mapanganib na mga lansangan Liwanag na nagsisilbing proteksyon sa dilim Ginamit niya ba ang kakayahan niyang maglihim upang siguraduhin sa'yong hindi niya ibubunyag ang mga kwento mo at pananatilihing lihim? Parang ang kalawakan na binabalot ng kadiliman Naglalaman ng sikretong 'di malalaman Hanggang sa mawala sa ala-ala
Sa paglalim ng gabi, nakikita mo ba siya? Ang mga mata niya sa makikinang na tala Nararamdaman mo bang pinagmamasdan ka niya? Nakikita niya ang mga luhang ibinubuhos mo para sa kanya Ang pagtawag mo sa pangalan niya sa iyong patulog Naaninag mo ang pagkatao niya sa liwanag buwan? Kung paano ka nito ginagabayan sa mga eskinita ng inyong lugar Maging sa mag-isa mong paglalakad kanya ka pa ring pinoprotekhan Sa pagtahimik ng paligid kapag nabalot na ito ng dilim, akala mo ba'y hindi niya matutuklasan ang iyong lihim? Ang tahimik mong paghikbi Ang pag-ngiting iyong pinipeke Ang mga sugat na pilit tinatago Nakikita niya pa rin ang lungkot na sa'yo ay bumabalot Namaalam man siya ngunit alalahanin mong nakiisa siya sa kalawakan Upang patuloy kang masilayan at protektahan
