Takot ka sa ulan
Kaya't pinili kitang iwan
Sa ilalim ng kulog at ulan
Dahil mas madaling lumisan
Kapag napapalibutan ka na
Ng iyong kinakatakutanNgunit nagkamali ako
Binaybay mo rin ang daang
Tinahak ng aking mga paa
Habang ika'y aking nililisan
Kahit takot na takot ka na
Sa napakalakas na tunog ng kulog
Kahit bakas na ang mga luhang
Kumakawala mula sa'yong mga mata
Kahit nahihirapan ka naHindi pa rin kita binalikan
Hindi ko pinansin ang katawan mong
Nanginginig na sa takot at lamig
Hindi ako nag-abalang pakinggan
Ang iyong naging pagsigaw
Hindi ako nasaktan na itinatago
Ng ulan ang iyong mga luha
Hindi ako nanghinayang
Sa posible mong pagkawalaNgunit 'di ko inasahang
Tuluyan kang mawawalaParang biglang nawalan ng saysay
Ang unti-unting kong paglisan
Nang makita kitang nakahandusay
Sa malamig na sementong
Kanina pa lang ay iyong kinatatayuanHindi ako makagalaw
Hindi makasigawNagsimulang kumapal bilang ng tao
At ika'y kanilang pinalibutan
Dumanak ang iyong dugo
At sumabay sa agos ng tubig sa lansangan
Ika'y kanilang pinagtitinginan
Pero hindi kita magawang tignan
Puso ko ay nanlumbayLumakas ang sirena ng ambulansyang
Rumespunde para ikaw ay sagipin
Pero heto pa rin ako, hindi makagalaw
Nananatili sa aking kinatatayuanLumipas ang mga araw
Nabalitaan ko na lang na ika'y pumanaw
Hindi pa rin ako makagalaw
Hindi ko pa kayang harapin ang bukasNabubuhay pa rin ako
Sa araw ng iyong pagkawalaNaalala ko pa rin
Kung paanong hindi ko ininda
'Yong sakit at mga luhang
Sa'kin ay iyong pinapadama
Ang hindi ko pakikinig
Sa sigaw ng iyong pagmamakaawa
Ang pagsawalang bahala ko
Sa takot mo sa ulanPatawarin mo ako
Hindi ko gusto mauwi tayo sa ganito
Kung alam ko lang na ito ang kakahantungan
Sana ika'y aking binalikan
Hindi
Dapat hindi kita iniwan
Hindi sa ilalim ng ulan
Hindi dapat kita hinayaang masaktanIto na siguro ang parusa sa'kin ng kalawakan
Sa hindi sapat na pagmamahal ko para sa'yo
Sana balang araw kapag tumila na
Ang mabigat na pagbuhos ng ulang
Mula sa'king mga mata
Maging ang pagkawala ng takot ko sa kulog
Na patuloy bumabagabag sa'king kalooban
Sana maging karapat-dapat ako sa iyong kapatawaran