My Innocent Maid FOUR SISTERS SERIES I [PUBLISHED UNDER IMMAC PUBLISHING]

My Innocent Maid XXI

Hi guys, just wanna recommend you this writer. Isa siya sa mga fave kong author. Hindi man siya sikat katulad ng iba pero worth reading ang mga stories niya. Lalo na 'yong kay Xandry baby koh😍😍😍 just click this username giahunter21. Hope you'll check her works.
Enjoy reading😘😘😘

Marco

Nasa mall na kami at tumitingin sa mga dapat niyang bilhin. I'm just watching her roaming around without picking anything. Kukunin niya lang tapos parang may titignan ito sa gamit at saka umiiling-iling itong bibitawan at bubulong ng mahina na siya lamang ang nakakarinig.

Mag-iisang oras na kaming nag-iikot  pero wala pa ring laman ang basket namin maski isa lang. I heaved a deep sigh before turning around and face her. Wala kasing mangyayari sa amin kung ganyan lang gagawin niya.

"Baka gusto mong pumili na at kumuha kahit isa lang o kahit ano man lang. Tignan mo naman," sabi ko sabay taas ng basket na hawak ko. "Mag-iisang oras na tayo dito, Mahal ko. At wala pa tayong nabibili kahit isa lang. Akala ko ba papasyal pa tayo?" tanong ko dito na ikinasimangot niya at iniwanan ako.

Akma na sana itong lalabas ng department store nang mahawakan ko ang kamay niya at patigilin ito sa paglalakad.

"At saan ka pupunta, Mahal ko?" kunot-noong tanong ko dito at hinila ito pabalik sa estante ng mga notebooks.

"Wala na bang mas imamahal pa ang mga nandiyan, Senyorito?" nakasimangot na tanong nito sa akin bago nagsalita ulit. "Isang manipis na kuwaderno lamang ay dinaig pa ang isang kilong bigas. Ayoko dito." umiiling-iling na sabi nito nang nakasimangot at padabog na nagwalk-out at iniwan ako sa loob ng store. Bago pa ito makalabas ay nagsalita na ako na nakapagpatigil sa kanya.

"Huwag mo kasing titignan ang presyo. Basta kumuha ka lang ng gusto mo. Tapos babayaran na natin," suhestiyon ko dito na ikinasimangot niya pa din.

"Ayoko, ang mamahal talaga at hindi ko maatim na pumulot kahit isa. Wala ba 'yong tigsa-sampu lang?" Humarap siya sa akin at tinanong ako. "Tapos ang mga bolpen nila, ang pinakamababa ay otso pesos. Sa probinsiya namin, limang piso lang 'yan. Masyado namang mataas ang patong nila. Kainis!" kumakamot ng ulo na himutok niya.

"Basta kumuha ka na nang kahit anong gusto mo. Kung magtatagal pa tayo dito ibig sabihin hindi na tayo makakapunta EK." babala ko dito.

"Paano ko naman maaatim na pumulot kung alam ko kung magkano ang presyo ng isa sa mga 'yan. Wala na ngang pera ang tao, tapos ang presyo, dinaig pa ang ginto. Sa iba nalang tayo."  Tuluyan na itong lumabas ng store at naglakad na palayo. Napapailing nalang ako habang binabalik ang basket at sinundan ito sa kung saan man siya pumunta.

Napansin ko na napatigil ito sa isang botique at matamang pinagmamasdan ang isang pulang bestida na nakasuot sa isang maniquin. Agad ko siyang nilapitan at hinila papasok sa loob bago pa ito mkaaangal.

"Good morning, Sir, Ma'am." bati ng saleslady sa amin pagpasok namin.

"Give me that dress." turo ko sa nakadisplay na damit na suot-suot ng maniquin. "Then, all your best seller dresses that as simple as that." sabi ko at napaisip. Nang mapatingin ako sa mga sapatos sa kabikang estante ay nagsalita ulit ako.

"Then give us that five pair of flat shoes." turo ko ulit sa pula ding flat doll shoes na nakita ko. Tumango naman ang saleslady at nagtanong.

"May idadagdag pa po ba kayo, Sir?" nakangiting tanong nito sa akin.

"Wala na." maiksing sagot ko.

"Take your seat here, Sir, Ma'am." sab8 nito at iginiya kami sa fitting area. "I'll just get your orders and be right back quickly as I can. Isusukat pa po ba ng girlfriend niyo, Sir?" nakangiting tanong nito sa akin na agad kong ikinatingin kay Katherina. Gusto k9 lasing makita kung aangal ba siya sa sonabi ng saleslady about sa girlfriend. Pero nang makita kong tahimik lang siya habang pinagmamasdan ang damit ay napangiti ako at binalingan ulot ang saleslady.