My Innocent Maid FOUR SISTERS SERIES I [PUBLISHED UNDER IMMAC PUBLISHING]

My Innocent Maid XLII

Heto na po ang unang update ko ngayon taon. Sana po magustuhan niyo. Pasensiya na po kung ngayon lang ang update😊 Masyado pong naenjoy ni author ang holiday😊😊
ENJOY READING!!😍😘

Katherina

Nagising akong may ngiti sa aking mga labi dahil naalala ko ang nangyari kagabi. Nakangiti akong bumangon at hawak-hawak ang aking labi. Hindi pa din kasi ako makapaniwala na ang halik na iginawad sa akin ng Mahal ko ay napakatamis at ang saya sa pakiramdam. Napatingin ako sa sofa kung saan nito piniling matulog. Mahimbing itong nakapikit at pilit na pinagkakasya ang katawan sa maliit na upuan.

Dahan-dahan akong bumangon at lumapit dito. Kinumutan ko siya at naupo ako sa kanyang tabi. Napakaguwapo niya talaga kahit natutulog ito. Hindi ko napigilang haplusin ang kanyang mukha para makasiguradong hindi ako nananaginip lang at kasama ko nga talaga ito. Hindi pa ako nakontento, inilapit ko pa ang mukha ko sa mukha niya. Hindi ko alam kung bakit naging gawain ko na ang paghalik sa labi nito na hindi ko naman dating ginagawa. Nakakaadik ang kanyang labi na para bang laging nag-iimbitang halikan ko ito.

Nang nailapat ko ang labi ko sa labi niya ay napamulagat ako dahil bigla nalang niya ako niyakap at mas inilapit pa ang katawan nito sa akin. Namula ako sa ginawa ko dahil nahuli ako sa aktong pagnanakaw ng halik. Aalisin ko na sana ang labi ko sa labi niya ng bigla nalang niyang hinawakan ang batok ko at pinalalim ang aming halikan. Napapikit nalang ako at ginaya ang paraan ng paghalik nito kagaya nang kagabi.

Nang tinapos nito ang halikan namin ay nakapikit pa din ako at para bang gusto pa ng isa. Pagmulat ko ay ang nakangiting mukha ng Mahal ko ang bumungad sa akin.

"That was a perfect morning greetings from you, Mahal ko." Sambit nito na ikinangiti ko kahit namumula pa ang aking mukha.

"Akala ko kasi tulog ka pa. Bakit ba kasi laging nang-aakit ang labi mo at parang tinatawag akong halikan ko ito." Nakanguso nang sambit ko na ikinatawa nito nang mahina.

"Parang gusto ko 'yan. Hindi ko na kailangan pang halikan ka dahil ikaw na mismo ang humahalik sa akin, Mahal ko. Pinapakilig mo tuloy ako," hindi ako makapaniwala sa sinabi niyang kinikilig ito sa akin. Dahil sa pagkakaalam ko ay mga babae lang ang dapat kinikilig sa mga ginagawa ng lalake. Napakunot ang noo ko at tinanong ito.

"Pwede ba 'yon, Mahal ko? Yung kayong mga lalake ang kinikilig? Eh wala naman akong ginagawa na dapat mong ikakilig?" Takang tanong ko dito na mas ikinalawak ng ngiti niya.

"Kahit wala kang gawin, Mahal ko, sa mga salita palang na lumalabas sa bibig mo ay napapasaya mo ako at napapakikig mo ako ng hindi mo napapansin. Hindi lang babae ang kinikilig, Mahal ko, pati kaming mga lalake. Lalo na kung ganito kaganda at kasweet ang pinakamamahal namin." Sambit nito at hinaplos ang aking mukha. "Sana ganito nalang lagi ang mabungaran ko paggising ko, Mahal ko. Yung nakangiting mukha mo at paghalik mo na magpapamulat ng aking mga mata. I love you, Mahal ko."

Napangiti ako, "I love you too, Mahal ko."

Pinahiga niya ako sa tabi nito at pinagkasya namin ang aming sarili sa maliit na sofa. Tawa ako ng tawa dahil halos mahulog na ako sa aking kinalalagyan pero hindi hinahayaan ni Marco na mahulog ako. Mahigpit niya akong niyayakap habang ang mga paa niya ay nakapulupot sa aking baywang.

"Mahal ko?" Patanong na tawag ko dito.

"Bakit, Mahal ko?" Malambing na tanong nito pabalik sa akin at nagmulat ng kanyang mga mata.

"Kasi ano...'yong ano kasi." Hindi ko maituloy-tuloy na bigkas ko. Nakita ko namang napakunot ang noo nito kaya nagpeace sign ako sa kanya at alanganing napangiti.

"Ano ba ang sasabihin mo, Mahal ko?" Tanong ulit nito sa akin kaya napayuko ako sa kanyang dibdib bago nagsalita.

"Bakit ang bango mo, Mahal ko?" naiba tuloy ang tanong ko sa kanya nang masamyo ko ang bango na humahalimuyak sa kanyang katawan. "At bakit ang tigas ng dibdib mo?" sunod kong tanong dito habang hinahaplos ang dibdib niya at pinipisil pa ito.