എഴുത്തുകുത്തുകൾ

അത് പ്രണയമായിരുന്നുവോ

മിഴിമുനകൾ നിന്നെ തേടിയലഞ്ഞപ്പോൾ
പ്രാർഥനകളിൽ അറിയാതെ നിന്റെ പേരോർത്തപ്പോൾ
ആശംസകൾക്കിടയിൽ നിന്റേത് മാത്രം മനം നിറച്ചപ്പോൾ
കവിതകളിൽ നിന്റെ ലാഞ്ചന കണ്ടപ്പോൾ
നിന്റെ മൗനം കഠാര മുനയായി ഹൃദയത്തിൽ ആഴ്ന്നിറങ്ങിയപ്പോൾ
കത്തുന്ന വേനലിൽ ഗുൽമോഹറിന്റെ തണലും
ഇടവപാതിയുടെ സംഗീതവും
വൃശ്ചികത്തിലെ സുഖമുള്ള തണുപ്പും
നിന്നോട് മാത്രം പങ്കുവയ്ക്കാൻ കൊതിച്ചുപ്പോൾ
ഓർമകളിൽ നീ മാത്രം നിറഞ്ഞപ്പോൾ
നിന്റെ ദു:ഖം എന്റെ ഹൃദയ വ്യഥയായപ്പോൾ
അപ്പോഴൊക്കെ
അത് പ്രണയമായിരുന്നുവോ?