എന്റെ എല്ലാ വേദനകളും
ഞാൻ എന്റെ പേനതുമ്പിൽ മഷിയാക്കി
അക്ഷരങ്ങളായി അവയ്ക്ക് ശ്രാദ്ധം ഇട്ടു
പക്ഷേ, നിന്നെക്കുറിച്ച് മാത്രം എനിക്കൊന്നും എഴുതാൻ കഴിഞ്ഞില്ല
തുടങ്ങി വെച്ചതൊന്നും പൂർത്തിയാക്കിയില്ല
നീ എന്ന ദുഃഖം മാത്രം ഞാൻ എന്റെ മനസ്സിൽ തളച്ചിട്ടു
അത് നിന്നെ അനശ്വരങ്ങളായ അക്ഷരങ്ങളാക്കിയാൽ മറവിയ്ക്ക് എന്റെ രക്ഷിക്കാനാകില്ലെന്ന് കരുതിയാണോ?
അതോ, ഉള്ളിൽ തറച്ച ഒരു മുള്ളിന്റെ നീറ്റലായെങ്കിലും ഞാൻ ഉള്ളിടത്തോളം നീ എന്നോട് കൂടെ ആയിരിക്കാനാണോ...
ഒരിക്കലും മനസ്സിലായതേ ഇല്ല നിന്നെ മറക്കാനാണോ ഓർമിക്കാനാണോ ഞാനാഗ്രഹിച്ചതെന്ന്
ഒന്നു മാത്രമറിയാം ഞാൻ നിന്നെ സ്നേഹിച്ചിരുന്നു...
എന്റേതല്ലെന്നറിഞ്ഞിട്ടും
സ്വന്തമാക്കാനല്ലാതെ
ഒന്നിനുമല്ലാതെ നിന്നെ സ്നേഹിച്ചിരുന്നു
ഇന്നും എന്നും പ്രണയിച്ചു കൊണ്ടേയിരിക്കുന്നു
YOU ARE READING
എഴുത്തുകുത്തുകൾ
Randomമനസ്സിൽ ചങ്ങലയ്ക്കിട്ട ഏതാനും ചിന്തകൾ അക്ഷരങ്ങളായി മോക്ഷം പ്രാപിക്കാനൊരിടം Ranking #7 in malayalam (16/1/2019)