Love Maze (Completed)

Chapter 3

CHAPTER THREE

"Katrine," Napalingon ako bigla sa tumawag sakin. Si Xiela. Patakbo siyang lumapit sakin at binigyan ako ng ngiti. Wala ako sa mood makipag-ngitian.

"Sabay na tayo umakyat sa building." Sabi niya at kumapit pa sa braso ko. Kumunot ang noo ko sa ginawa niya. Sa pagkakaalam ko, hindi kami close.

"Okay." Sagot ko nalang at nagkibit balikat. Habang paakyat kami ng hagdan kung ano ano ang kinukwento sakin ni Xiela. Hindi ko naman maintindihan ang pinagsasabi niya dahil tungkol ito sa numbers. Minsan nga tinatanong niya pa ako ng logic, di ko nalang siya pinapansin. Tss. Ang daldal pala niya.

Nakita kong ngumuso siya kaya napakunot ang noo ko, "You're not listening."

"Wala naman kasi akong maintindihan." Sabi ko at nilagay ang paningin paakyat sa hagdan. Kapagod naman umakyat rito. Sa 4th floor pa kasi ang room namin. Tss.

"Ah, hindi mo gets 'yung Arithmetic Sequence? Madali lang 'yun—"

"Xiela," Tawag ko sakaniya habang napahilamos ng mukha. "Alam kong matalino ka sa Math. Pero 'wag mo namang ipamukha na ang bobo ko sa subject na 'yon. Tss!"

"Ay," Tumawa siya at nag-peace sign. "Sorry! Hahahaha!"

"Tss." Iyon nalang ang nasabi ko. Nang makarating kami sa floor namin. Napahinto ako ng may humarang sa daan namin. Si Eula at Catriona.

Tumaas ang kilay ko. Naramdaman ko ang paghigpit ng pagkapit sakin ni Xiela.

Hindi ko alam pero simula ng masampal ako ni Eula at ng malaman kong inutusan siya ni Catriona, bawat pagkita ko sa mukha nila kumukulo nalang bigla ang dugo ko sakanila. Nag-iinit rin ang ulo ko. At dahil sakanila, sira na ang araw ko.

Tinaasan ako ng kilay ni Eula, "Dadaan kami."

"Edi dumaan ka. Wala namang may pake." Sagot ko at nilampasan na sila pero napapikit ako ng maramdaman ang kamay ni Eula sa braso ko.

"Huwag mo kami kausapin ng ganyan." Mataray na sabi nito.

"Tumigil ka na nga, Eula. Wala namang ginagawang masama sayo si Katrine. Bakit ba ang init ng ulo mo sakaniya?" Sabat ni Xiela.

Tumalim ang titig samin ni Eula, "Huwag kang mangialam. Hindi ikaw ang kinakausap ko."

Magsasalita pa sana si Xiela ng pinigilan ko siya. "Mauna ka na sa room, Xiela."

Nung una ayaw niya pa pero napilitan nalang siyang maglakad papuntang room. Hinarap ko ulit si Eula at Catriona.

"Ano bang problema niyo?" Mahinahon kong tanong.

"Ikaw." Sagot ni Catriona. Tumaas nanaman ang kilay ko. Ano bang ginawa ko? Sa pagkakaalam ko ako ang may problema sakanila. Sila ang may kasalanan sakin.

"Anong ginawa ko?"

"May gusto ka ba kay Kenrick?" Diretsong tanong ni Eula. Napatulala ako sa mukha nila bago unti unting natawa.

"Hahahahaha!" Napakunot sila ng noo sa biglang pagtawa ko.

Ayun siguro ang dahilan nila kaya galit na galit sila sakin? Mga hangal girls.

"Why are you laughing?" Maarteng sabi ni Catriona. Tss. Pa-english english pa ang loka, ang arte naman!

"Masaya lang, bakit bawal na ba sumaya ngayon?" Taas kilay kong tanong at tinalikuran na talaga sila. Ayoko ng makausap pa sila ng matagal. Nag-iinit lang lalo ang ulo ko at baka tumama nanaman ang mainit kong palad sa pisngi ng isa kanilang dalawa. Kaya mas magandang agapan ko na agad.