Don't make a Deal with Me, Jerk! (Book 4)

Chapter 70

"Paanong na pasok dito sa usapan si Darius?" Kunot-noo kong tanong kay Azen nang makalapit siya rito sa kinauupuan namin ng Mommy niya.

"Malay ko ba kung hindi lang ako ang nanloko sa ating dalawa noon? Baka pinagsasabay mo rin kami dati."

Mabilis siyang nakatanggap ng sampal mula sa akin, "For your information hindi ko pa kilala noon si Darius."

Napangisi naman siya, "Oh, really? You're two are so sweet to each other. Parang matagal na kayong may relasyon. Malay ko ba?"

Nagpipigil lang ako ng galit dahil nasa harapin namin ang Mommy niya. Ayoko pa rin maging bastos kahit nag-iba ang pananalita niya sa akin, "'Wag mo akong itulad sa 'yo, Azen." Lumihis nalang ako ng tingin.

Napabuga naman siya ng hininga, "Okay I'm sorry. I don't want you to get near to him especially to my son. Hindi ko siya gusto. Sa tingin ko hindi kami magkakasundo."

Naging tahimik ang paligid matapos niya 'yong sabihin. "Macey..." Pero nagulat ako nang bigla kong makita rito si Darius kasabay ng biglaan niyang pagkakayakap sa akin, at sa harapan pa talaga ni Azen.

Nakita kong napakunot ang noo niya, "Who told you na papasukin 'tong kumag na 'to rito?" Mariin niyang sabi sa mga tauhan niya kaya nagbitaw kami sa pagyakap. Nagkatinginan naman ang mga Tres killers na sa ngayon ay nagtuturuan.

"Kasi Boss ano e, nagpumilit siya. Tinakbuhan kami." Sabi ni Adamson.

Mabilis naman akong hinila ni Azen at inalayo ako kay Darius. "Puwede ba? Ilabas n'yo nga 'to! He's not allowed here in the mansion!" Sigaw niya. Kaagad ko naman siyang sinamaan ng tingin.

"Azen, wala namang ginagawang masama si Darius. He's only visiting us. Nakuha mo na nga 'yong gusto mong dumito kami ni Caleb tapos pagbabawalan mo pa ring pumunta rito si Darius?" Pagpupumalag ko.

Halata namang nainis si Azen sa pangyayari, "Bakit ba kinakampihan mo 'yan? He's not even the father of Caleb, right? Isa pa, bahay ko 'to kaya't may karapatan ako kung sino lang ang puwedeng pumunta at hindi rito."

"Bahala ka riyan! Darius, don tayo sa labas." Hinila ko na si Darius palabas. At nang muli ko siyang lingunin nainis siya sa pangyayari. Sinipa niya ang sofa. "Bullshit!" Rinig kong sabi niya.

***

"Macey, okay lang ba kayo ni Caleb dito? Did not Azen hurting you?" Niyakap ako ni Darius ng mahigpit. Umiling ako sa sinabi niya.

"'Wag n'yo kaming alalahanin. Ayos lang kami."

"Sabi na nga ba kaya't ayokong umuwi tayo rito, just look what happened."

"Darius, 'wag na tayong magsisihan. Nga pala, kumusta kayo ni Malou? Sabihin mo pasensya na. Gagawa naman ako ng paraan para makatakas kami ni Caleb dito tapos babalik na ulit tayo ng Taiwan."

"Macey, I will help you. Yun nga lang sa tingin ko it won't be easy to execute our plan as fast as we could." Tumingin siya sa napakaraming bantay nila Azen sa labas. "Marami silang tauhan."

Malungkot akong napayuko, "Pero makakagawa ka naman ng paraan 'di ba?" Nagkatinginan kami tapos hinawakan ko ang kamay niya, "Kayo lang ni Malou ang makakatulong sa amin."

Nang biglang nagtakbuhan sina Azen papalabas ng gate kasama ang mga tauhan niya. Hindi namin mahulaan kung anong nangyari dahil kasama pa niya ang parents niya. "I think, this is the time para makatakas tayo. Bilisan mo at kuhain mo na si Caleb." Nagmamadali niyang sabi kaya nagkaroon ako ng lakas ng loob. Mabilis kong kinuha ang anak ko.