Chapter (4)
အမျိုးသမီးက ထိတ်လန့်ကာ သွေးဆုတ်နေပြီး ဒဏ်ရာရတဲ့ လက်ကို အမြန် ဖိထား၏။ အဲ့လို ဖိထားသော်လည်း သွေးများက ဆက်စီးထွက်နေဆဲ။ အမျိုးသားဖြစ်သူက လန့်နေရာမှ သတိ ပြန်ကပ်လာချိန်မှာတော့ ချက်ချင်းပဲ ဒဏ်ရာရနေတဲ့နေရာကို လက်တစ်ဖက်ဖြင့် ကူဖိပေးလာပြီး ကျန်လက်တစ်ဖက်ဖြင့် အရေးပေါ်နံပါတ် ၁၂၀ ကို ဆက်သွယ်၏။
" ဖန်းထင်း ပန်းခြံထဲမှာ ၊ ကျတော့်မိတ်ဆွေရဲ့ လက်မှာ ပြတ်ရှဒဏ်ရာ ရလို့ပါ။"
" ဘေးဖယ်နေလိုက်" ရွှီရွှီက သူတို့နောက်ကို ရောက်လာပြီး ချက်ချင်းပဲ မိမိ ဘယ်သူဖြစ်ကြောင်း ပြောပြလိုက်၏။ " ကျမက ရဲဝန်ထမ်းပဲ"
ထိုလူက မင်သက်သွားသည်၊ နောက်တော့ အမျိုးသမီးကို လက်လွှတ်ပေးလိုက်ပြီး ဘေးကို ဖယ်ပေး၏။ သို့ပေမဲ့ ရွှီရွှီကိုတော့ သံသယမကင်းစွာ စိုက်ကြည့်နေဆဲ..
ရွှီရွှီ က အသက်ပြင်းပြင်း တစ်ချက်ရှုရှိုက်လိုက်ပြီး အမျိုးသမီးရဲ့ လက်ကောက်ဝတ်နေရာကို ကိုင်ထားလိုက်သည်။ သွေးလွှတ်ကြောရဲ့ အထက်နေရာကို အားဖြင့် ဖိထားလိုက်ပုံက တိကျသေသပ်သည်။
သွေးယိုစီးမှုက တဖြည်းဖြည်းချင်း နည်းလာသည်။
အမျိုးသမီးဖြစ်သူရဲ့ စကတ်ရှည်မှာရော၊ လက်တွေမှာပါ သွေးတွေ စွန်းထင်းကုန်ပြီး၊ မျက်နှာကလည်း ဖြူရော်နေသည်။ "ကျေးဇူးတင်ပါတယ်"
ရွှီရွှီက စိတ်သက်သာရာရကာ သက်ပြင်းတစ်ချက် မှုတ်ထုတ်မိပြီး သူ့ကို ခေါင်းသာ ညိတ်ပြလိုက်သည်။
" အနီးဆုံး အရေးပေါ်စင်တာက ဒီကနေဆို ၁၀ မိနစ်တောင် မမောင်းရဘူး၊ ဒီတော့ အန္တရာယ် ရှိတော့မှာ မဟုတ်လောက်ပါဘူး"
သူတို့နှစ်ယောက်က စိတ်သက်သာသွားပြီး ရွှီရွှီကို ကျေးဇူးတင်စကား ဆိုကြသည်။ ရွှီရွှီက ခေါင်းဆတ်ကာ အမျိုးသမီးဖြစ်သူကို ကြည့်နေမိသည်။ " အခုက ဘယ်လိုဖြစ်ကြတာလဲ"
အမျိုးသမီးဖြစ်သူရဲ့ အသံက အားပျော့နေသော်လည်း တည်ငြိမ်နေသည်။ "မြက်ပင်တွေပေါ်မှာ တစ်ခုခု ရှိနေတယ်။ ကျမ လက်ထောက်လိုက်တာနဲ့ ဖြတ်မိသွားတော့တာပဲ"
YOU ARE READING
ချစ်မိသွားတဲ့ ခရုလေး (Unicode) Completed
Actionရွှီရွှီက သူသာ အလုံးစုံ သိနားလည်သည်ဟု ထင်နေသည်။ ရဲအကယ်ဒမီမှ ထိပ်ဆုံးအဆင့်ဖြင့် ကျောင်းဆင်းလာပြီးနောက်မှာ ကမ္ဘာအနှံ့ ဘယ်နေရာမဆို သွားဖို့ အဆင်သင့်ဖြစ်နေပြီဟု သူ့ကိုယ်သူ သေချာထင်မြင်နေခဲ့သည်။ သို့သော် ကမ္ဘာ့နာမည်ကျော် ထောက်လွမ်းရေး စုံစမ်းရေးမှုး ကျီပ...