if you can't read this, let's go to next page.
အပိုင်း ( ၅၅ ) စိတ်အနှောင့်အယှက်ဖြစ်စရာကို ပယ်ခွာခြင်း
" ရိုယွဲ့က သူ့မောင်လေးလာတာကို ဘာလို့ ငါ့ကို မပြောတာလဲ.. ဒါဆို ဒီနေ့ ညစာအတွက် အသားငါးတွေ ပိုဝယ်ထားရမှာပဲ.. "
ရွှယ်ယင် ရုတ်တရက် မျက်မှောင်ကြုတ်လိုက်သည်။
သူက လောကကြီးနှင့် တစ်သားတည်းအဆင့်နယ်ထဲသို့ ဝင်ရောက်ထားနေ၍ အနီးပတ်ဝန်းကျင်က အရာအားလုံးကို ရှင်းလင်းပြတ်သားစွာ ကြားနေရသည်။ ယင်ကောင်တစ်ကောင်၏ တောင်ပံခတ်သံတွေကိုပင် ကြားရသည်။ ထို့ကြောင့်လည်း ရိုယွဲ့နှင့် သူမ၏ မောင်လေးတို့ ပြောစကားများကို ရှင်းလင်းစွာ ကြားလိုက်ရ၏။
***
ရိုယွဲ့၏ အိပ်ခန်းဆောင်တွင်...
" အဖေက မင်းကို လွှတ်လိုက်တာ ဒီကိစ္စကြောင့်လား.. "
ရိုယွဲ့က အေးအေးဆေးဆေးပဲ မေးလိုက်သည်။
" ဟုတ်တယ်.. " ခုံဟောင်က ပြန်ပြောလိုက်သည်။
" အဇူရီမြစ်စီရင်စုနယ်ပယ်မှာ စစ်ကလန်ဟာ ဂုဏ်အဆင့်အတန်း မြင့်မားတယ်ဆိုတာ အဖေက ပြောဖူးပါတယ်.. သူတို့ရဲ့ လူမြင်ခံတဲ့ အပိုင်းတွေမှာ စစ်တပ်အရာရှိတွေ.. ခရိုင်တရားသူကြီးနေရာတွေ.. မြို့တွေ တော်တော်များများမှာ မြို့စားရာထူးတွေ.. ယူထားကြသလို လူအမြင်မခံတဲ့ အပိုင်းတွေမှာလည်း ဓားပြဆိုးကြီးတွေ.. ချမ်းသာကြွယ်ဝတဲ့ ကုန်သည်တွေ.. ခရိုင်အတွင်း ပုန်းကွယ်ရှိနေတဲ့ ဂိုဏ်းအဖွဲ့တွေ.. ဒါတွေ ငါတို့အားလုံးဟာ စစ်ကလန် တန်ခိုးထွားတာကို သိကြတာပဲလေ.. "
" စစ်ကလန်ဆိုတာ အဇူရီမြစ်စီရင်စုရဲ့ မိုးကောင်းကင်တစ်ခုပဲ.. အဇူရီမြစ်ဆိုတာ စစ်ကလန်.. စစ်ကလန်ဆိုတာကလည်း အဇူရီမြစ်ပဲ.. မင်းက အပြစ်ရှိတယ်လို့ သူတို့ ပြောလာရင် မင်းဟာ အပြစ်မရှိသည့်တိုင် အပြစ်ရှိသူ ဖြစ်သွားမှာပဲ.. "
ခုံဟောင်က ဆက်ပြောလိုက်သည်။
" စစ်ချန်ဆိုရင် စစ်ကလန်ရဲ့ အလေးပေးမှုကို ရရှိထားတဲ့ အမွေဆက်ခံသူ တစ်ယောက်ပဲလေ.. လွန်ခဲ့တဲ့ ၂ နှစ်ကတည်းက ဥက္ကာပျံအဆင့် မှော်ပညာရှင် ဖြစ်လာခဲ့တာဆိုတော့ သူ့အသက် ၁၈ နှစ်ကတည်းကပဲပေါ့.. အကြီးအကဲတွေတောင် သူ့ကို အရမ်းမျှော်မှန်းထားကြတယ်.. အနာဂတ်မှာ ငွေလအဆင့်ကို ရောက်ဖို့လည်း များတယ်.. သူ့အဆင့်အတန်းက ပိုပြီး ကြောက်ဖို့ ကောင်းသွားလိမ့်မယ်.. "
YOU ARE READING
Lord Xue Ying
Fantasyဒုတိယမြောက် ဘာသာပြန်စာစဉ် အရှေ့တိုင်း စိတ်ကူးယဉ် ကျင့်ကြံခြင်း စွန့်စားခြင်း စစ်ပွဲ တာအိုဝါဒတွေနဲ့ ယှဉ်ပြိုင်မှုတွေ မှော်အစွမ်း သတ္တဝါဆန်းတွေ ရောသမမွှေ ပါဝင်ထားပါတယ်..
