ဆေးသိဒ္ဓိရှင်
အခန်း(၁၁၃)လျှို့ဝှက်ချက်
လုံချန်၏ အခန်းတံခါးသည် ကျွီကနဲ မြည်သံဖြင့်ပွင့်လာ၏။အခန်းထဲသို့ ၀င်လာသူမှာ လုံချန်၏ ဖခင်
နှင့် မိခင်ဖြစ်သည်။လုံချန် ထူထူထောင်ထောင် ဖြစ်လာသည်ကို မြင်လျှင် သူတို့နှစ်ယောက်က လွန်စွာပျော်ရွှင်နေကြသည်။
"သား ကျန်မာရေး အခြေအနေ ဘယ်လိုလည်း " လုံရှင်းရှောင်က သူ့ကိုစူးစမ်းဟန်ဖြင့် ကြည့်သည်။
"သား အတော်လေး ကောင်းသွားပါပြီ" လုံချန်ကပုခုံးတွန့်သည်။သူ့၏ ဖုန်ဖူကြယ်သည် အစစ် အမှန်ဖုန်ဖူကြယ် အဖြစ်သို့ပြောင်းသွားသည်မှစကာ သူ့၏ နလန်ထနှုန်းသည် လွန်စွာလျှင်မြန်လာခဲ့သည်။သူသတိရလာသည်နှင့် သူ၏ ဒဏ်ရာများမှာ လုံးဝနီးပါး ကောင်းသလောက်ဖြစ်နေပြီဖြစ်၏။
"အဖေ့ရဲ့ ဒဏ်ရာတွေကော" လုံချန်က စူးစမ်းလိုက်သည်။လုံချန်သည် အပြင်းအထန်တိုက်ခိုက်ခဲ့ရသော်လည်း သူ့၏ ဒဏ်ရာများက သိပ်မပြင်းထန်ပေ။တစ်နည်းအားဖြင့် လုံရှင်းရှောင်၏ ဒဏ်ရာများက သူ့ထက်ပို၍ ပြင်းထန်သည်။
လုံရှင်းရှောင်က အသာအယာပြုံး၏။
"အဖေက စိုးရိမ်စရာမရှိတော့ပါဘူး ဆေးဆရာအသင်းက အဖေကို ဆေးတွေ ပို့ပေးတယ်လေ ဆေးဆရာအသင်းရဲ့ အကြီးအကဲ အသစ်က အဖေ့ဒဏ်ရာတွေကို ကုပေးတယ်လေ နောက်ရက်နည်းနည်းလောက်ဆိုရင် ဒဏ်ရာတွေ ပျောက်သလောက်ဖြစ်ပါပြီ"
ထိုသို့ပြောပြီး လုံရှင်းရှောင်က ဂုဏ်ယူနေသည်။လုံချန်ကြောင့်သာ ဆေးဆရာအသင်းက လုံမိသားစုကို အရေးတစ်ယူ ဆက်ဆံခြင်းမဟုတ်လား။
"ချန်လေး ဒီရက်ပိုင်းအတွင်း အမေ မင်းအတွက် စိုးရိမ်လိုက်ရတာ ကြည့်စမ်း သားက တော်တော်တောင် ပိန်သွားတာပဲ"
လုံအမျိုးသမီးက ယခုမှပင် လုံချန်နှင့် စကားပြောရန် အခွင့်အရေးရပြီး လုံချန်၏ ပါးများကိုပွတ်သပ်ကိုင်တွယ်ကြည့်နေသည်။လုံချန် သူ့အမေကို မည်သို့ပြန်ပြောရမည်မသိ။သူအဖေ့ အမူအယာကလည်းထူးဆန်းနေသည်။လုံချန်ရယ်လိုက်၏။
"အမေ သာကျွန်တော့်ရဲ့ ၀ိတ်ချနည်းကို သိရင် အတင်းမေးနေတော့မှာပဲ"
လုံရှင်းရှောင်နှင့် ချူယောင်က အူလှိုက်သည်းလှိုက် ရယ်နေကြသည်။လုံအမျိုးသမီးက မကျေမနပ်ဖြင့်ပြောသည်။
"ဒီကောင်လေးကတော့ ဘာလို့ ဒီလောက်မျက်နှာပြောင်ရတာလည်း အမေကို ပြန်စရဲတယ်ဟုတ်လား"
ထိုသို့ဖြင့် သူတို့လေးယောက် ပျော်ရွှင်စွာဖြင့် စကားပြောနေကြသည်။လုံချန်၏ ကျန်းမာရေး လုံးဝ ကောင်းမွန်နေသည့် အနေ အထားကို လုံရှင်းရှောင် သတိထားမိသည်။အပြင်းအထန် တိုက်ပွဲကြီးကို တိုက်ခိုက်ခဲ့သူမှာ သူမဟုတ်သည့်အတိုင်းဖြစ်နေ၏။သူသည် လုံချန်၏ အနေအထားကိုအားရ ကျေနပ်မိသလို များစွာလည်းအံ့အားသင့်ရသည်။ဤကဲ့သို့ လျှင်မြန်စွာ နလန်ထလာမှုမှာ လူသားတစ်ယောက်၏ ပုံစံမျိုးပင် မဟုတ်တော့။မှော်သားရဲ တစ်ကောင်၏ ဗီဇ ကဲ့သို့ဖြစ်နေ၏။
"နှင်းပွင့်လေး နဲ့ လူကြမ်းလေး အခြေအနေ က ကော" လုံချန် ရုတ်တရက် မေးလိုက်၏။
"လူကြမ်းလေးလား....ဒီကောင်လေးက တော်တော့ကို အံ့သြ စရာကောင်းတယ် အရိုးဆွေးအပ်တွေရဲ့ဒဏ်ကို ဒီလောက်ခံရတာတောင် တစ်ညလောက်ပဲ အိပ်တယ် သူ နိုးလာတယ် အရမ်းဆာတယ်ဆိုပြီး အိမ်မှာရှိရှိသမျှ အကုန်စားပစ်တယ်လေ....အဲ့တာတောင် ဗိုက်မ၀လို့ အမေတို့ သူ့ကို မြို့ပြင် က စားကျက်မြေကို ပို့ထားရတယ်" လုံအမျိုးသမီးကပြောသည်။
ယခုအခါတွင် လုံအမျိုးသမီးသည် လူကြမ်းလေးကို သူမ၏ မွေးစားသား တစ်ယောက်အဖြစ် လက်ခံနေပြီဖြစ်သည်။လုံချန် ပြုံးလိုက်သည်။လူကြမ်းလေး ဤသို့ဖြစ်ရခြင်းမှာ တောစောင့်နတ်မင်းသူ့ကို ပေးခဲ့သည့် သစ်စိမ်းရည်လေးကို တိုက်လိုက်ခြင်းကြောင့် ဖြစ်မှန်း သူသိ၏။ထိုသစ်စိမ်းရည်လေးတွင် အသက်ဓာတ်များ လွန်စွာပြည့်ဝစွာ ပါဝင်ပြီး အလွန်လည်းရှားလေသည်။
လုံချန်သာ မမှားလျှင် ထို သစ်စိမ်းရည်မှာ တောစောင့်နတ်မင်း၏ အမြူတေဖြစ်တန်ရာသည်။ဤကဲ့သို့ လက်ဆောင်မျိုးကား ပေါ့သေးသေးမဟုတ်ပေ။လူကြမ်းလေး၏ အခြားသူများနှင့် မတူသည့် ခန္ဓာကိုယ်တည်ဆောက်ပုံမျိုးဖြင့် ဆိုလျှင် ဤမျှ မြန်ဆန်စွာ နလန်ထလာခြင်းမှာ တောစောင့်နတ်မင်း၏ ဆေးရည်ကြောင့်ပင်ဖြစ်၏။
သို့တိုင်အောင် သူ့၏ ကုန်ခမ်းသွားသည့် စွမ်းအင်များကိုမူ ပြန်လည်ဖြည့်တင်းရန် လိုသေးသည်။ယခုအချိန်တွင် လူကြမ်းလေး အသားများကို အငမ်းမရ စားကောင်းစားနေနိုင်သည်။
"နှင်းပွင့်လေးကိုတော့ အမေတို့လည်းဘယ်လိုပြန်ကောင်းအောင်လုပ်ရမယ် မသိဘူး သူ့ကို အခန်းတစ်ခန်းထဲ ထည့်ပေးထားတယ် သူ့နား ဘယ်သူမှကပ်မရဘူးလေ" လုံအမျိုးသမီးက ရှင်းပြ၏။
"သားတို့ သွားကြည့်ကြရအောင်" လုံချန်က အ၀တ်အစားလဲကာ နှင်းပွင့်လေးကို ထားသည့် အခန်းသို့သွားသည်။အခန်း၏ နံရံတစ်ချပ်သည် ပေါက်ပြဲထွက်နေသည်။အကြောင်းမှာ နှင်းပွင့်လေး၏ ခန္ဓာကိုယ်သည် လွန်စွာကြီးမားလေရာ အခန်းနှင့်မဆန့် ခြင်းကြောင့်ဖြစ်၏။
နှင်းပွင့်လေး အခန်းထဲတွင် လှဲနေသည်ကို သူတို့ လှမ်းမြင်သည်။
"၀ု"
လုံချန်ပင် အနားမရောက်လိုက်။နှင်းပွင့်လေးက သူ့ကိုကြည့်ကာ ပြေးလာ၏။လုံအမျိုးသမီးမှာ ကြောက်လန့်တကြားဖြင့် အော်မိမတတ်ဖြစ်သွားသည်။ဤမျှ ကြီးမားသည့် သားရဲကောင်ကြိးဖြင့် ရင်ဆိုင်တိုးလျှင် မည်သူမဆို ကြောက်လန့်မိမှာ သဘာဝပင်။လုံရှင်းရှောင်ပင်လျှင် သတိအနေထားဖြင့်နေနေရလေသည်။
လုံချန်က ရယ်မော၍ နှင်းပွင့်လေး ခေါင်းကို ပွတ်ပေးသည်။
"ကြည့်ရတာ မင်းလည်း တော်တော်သက်သာသွားပြီပဲ"
သူ့၏ စိတ္တ စွမ်းအားဖြင့်စစ်ဆေးကြည့်ရာ၌ နှင်းပွင့်လေး၏ ကျိုးနေသော အရိုးများမှာ အကုန်ပြန်ကောင်းသွားပြီဆိုသည်ကို လုံချန်သိရသည်။သို့သော် အချို့နေရာများတွင်တော့ လုံးဝမကောင်းသေးပဲ အက်ကြောင်းများထင်နေသည်ကို သူ တွေ့၏။
သို့သော် သူ၏ ဆေးများသည် အရည်အသွေးမြင့်ဆေးများဖြစ်ရာ လွန်စွာအာနိသင်ထက်မြက်သည်။နှင်းပွင့်လေး၏ အံ့သြလောက်ဖွယ်ရာ နလန်ထနှုန်းကို ပါ ထည့်တွက်သော် များစွာစိုးရိမ်ဖို့မလိုချေ။
"မင်းရဲ့ဒဏ်ရာအများစုက ပြန်ကောင်းရုံပဲ ရှိသေးတယ် ပြင်းပြင်းထန်ထန် လှုပ်ရှားမှုတွေ မလုပ်နဲ့ဦး ကြားလား" လုံချန်က နှင်းပွင့်လေး၏ ခေါင်းကို ချစ်ခင်စွာဖြင့်ပွတ်သပ်လိုက်သည်။နှင်းပွင့်လေးကနားလည် ဟန်ဖြင့် သူ့ရင်ဘတ်ကို ခေါင်းဖြင့် ခွေ့သည်။
လုံချန်ရှေ့တွင် အိမ်မွေးသတ္တ၀ါငယ်လေးပမာဖြစ်နေသော နှင်းပွင့်လေးကို ကြည့်၍ လုံအမျိုးသမီးကစပ်စပ်စုစုဖြင့်မေး၏။
"ချန်လေး သူက သားပြောတာကို နားလည်လို့လား"
"သိပ်နားလည်တာပေါ့ သူကသားလက်ထဲမှာကြီးပြင်းလာတာလေ" လုံချန်ကရှင်းပြသည်။
တစ်ကယ်တမ်းတွင် နှင်းပွင့်လေးသည် လုံချန်ပြောသည်ကို နားမလည်ချေ။သို့သော် သူတို့နှစ်ယောက်၏ စိတ်ချင်းဆက်သွယ်ထားမှုကြောင့် လုံချန်၏ အတွေးကိုမူ သိလေသည်။တစ်ချိန်တည်းတွင် လုံချန်ကလည်း နှင်းပွင့်လေး၏ ခံစားချက်ကိုသိသည်။သူတို့နှစ်ယောက်၏ ကြားမှ ထိုဆက်သွယ်မှုသည် စကားလုံးများဖြင့် ပြောခြင်းမဟုတ်လေရာ ရှင်းပြရန် မလွယ်လှချေ။
"သူ့ကိုဘယ်ကခေါ်လာတာလည်း ဘာ့ကြောင့်မေမေ မသိရတာလည်း" လုံအမျိုးသမီး အံ့အားသင့်နေသည်။
"ဟားဟား သူ့ကို မန်ချီပေးတာလေ" လုံချန်က ဘာမှမစဉ်းစားပဲ နှင်းပွင့်လေးကို မည်သို့ မည်ပုံရခဲ့ကြောင်းရှင်းပြနေ၏။သို့သော် သူရှင်းပြသည်နှင့် လုံအမျိုးသမီးက သူ့ကို မျက်နှာရိပ်မျက်နှာကဲ ဖြင့်သတိပေးသည်။ချူယောင်ရှေ့တွင် မန်ချီ၏ အကြောင်းကို မပြောရန် သူမက သတိပေးခြင်းပင်။လုံအမျိုးသမီးသည် မဆင်မခြင်မေးမိခြင်းကို နောင်တရနေသည်။
"မေမေ မမ မန်ချီက ဒီလောက်ရှားပါးတဲ့ မှော်သားရဲကို အကို့ကိုပေးတာပေါ့ ဒါဟာ အကို့အပေါ်မမ မန်ချီ ဘယ်လောက်ချစ်တယ်ဆိုတာရဲ့ သက်သေပဲ ဒါကကောင်းပါတယ်" ချူယောင်က ပြော၏။
"မေမေတဲ့လား...လခွမ်း...အခေါ်အဝေါ်ပြောင်းတာ မြန်လိုက်တာ" လုံချန် ရယ်ချင်စိတ်ကို ကျိတ်မှိတ်မြိုသိပ်ထား၏။သို့သော် သူ ထိုသို့ပြောလျှင် သူမမျက်နှာလေးသည် ရဲပဒေါင်းခတ်နေတော့သည်။လုံအမျိုးသမီးက ချူယောင်၏ လက်ကိုဆွဲ၍ ခေါ်သွားသည်။ထို့နောက် သူမက လုံချန်ကို ဒေါသထွက်ဟန်ဖြင့်ပြောသည်။
"ကောင်လေး ချူယောင်က မေမေ့ရဲ့ ချွေးမအကြီးနော်...အေး...သူ့ကိုအနိုင်ကျင့်လို့ကတော့ မေမေမင်းကို ခွင့်မလွှတ်ဘူး"
လုံအမျိုးသမီးကား စကားပြောရာတွင် လိမ္မာ ပါးနပ်သူတစ်ယောက်ပင်။သူမ၏ ချွေးမအကြီးဆိုသည့်စကားသည် အတော်လေး တာ သွားသည်ဟုပြောရမည်။ထိုစကားကြောင့် ချူယောင်မှာ နေရထိုင်ရပိုအဆင်ပြေသွားသည်။ဤအပိုင်းတွင်မူ လုံချန်သည် သူ့အမေကို အတော်လေး လေးစားမိသွားသည်။
လုံချန်က သူ့အမေကို တစ်လှည့် ချူယောင်ကို တစ်လှည့်ကြည့်၍ မည်သို့မှ မပြောတော့ပဲ အူလှိုက်သည်းလှိုက်ရယ်တော့၏။လုံချန်၏ အူလှိုက် သည်းလှိုက်ရယ်ပုံကြောင့် ချူယောင်မှာ ပုန်းနေချင်စိတ်ပင်ဖြစ်သွားသည်။
"ကဲကဲ...ကောင်းပြီ တို့မိသားစုတွေ အခု ပျော်ပျော်ရွှင်ရွှင်နေရမယ့်အချိန်ရောက်ပြီ အဲ့ဒိတော့ စားသောက်ပွဲလေး ဘာလေးလုပ်ကြစို့" လုံရှင်းရှောင်က အကြံပေးသည်။
လုံရှင်းရှောင် အဖိုမှာမူ နယ်ခြား၌ အစဉ်လိုပင်တိုက်ခိုက်နေရသည်ဖြစ်ရာ ဤကဲ့သို့ မိသားစုစုံစုံ လင်လင်ဖြင့် လက်စုံစားရခြင်းသည် သူ့အတွက် ရှားပါးသည့် မဟာအခွင့်အရေးဖြစ်လေသည်။အစေခံများက ထမင်းဝိုင်းကြီးကို ခပ်သွက်သွက် ကလေး ပြင်ဆင်ပေးကြ၏။သို့သော် အစေခံအများစုသည် မျက်နှာသစ်များဖြစ်နေသည်ကို လုံချန် သတိထားမိရာ အံ့အားသင့်ရသည်။
"အစေခံတွေ ကို မင့် ဖေဖေ လည်းလိုက်တာလေ" လုံအမျိုးသမီးက ရှင်းပြ၏။
"ဘယ်လို မေမေ"
"ကောင်းလေး မင်းဟာ တစ်ခြားနေရာတွေမှာပါးနပ်သလောက် ဒီနေရာတော့ တော်တော်အတာပဲကိုး ဒီအစေခံတွေဟာ အမေတို့ အိမ်မှာ လုပ်လာတာကြာလှပြီ သိပ်သစ္စာရှိကြသူတွေ အမေတို့ကြောင့် သူတို့ အသက်တွေ ဆုံးရှုံးကြရတော့မလို့လေ....သူတို့အပေါ်မှာ အမေတို့လုံမိသားစုဟာ အကြွေးတွေများလွန်းလှပါတယ်....သူတို့ကို မင်းဖေဖေက တစ်သက်စာ ကောင်းကောင်းစားလောက်တဲ့ ငွေပမာဏကို ပေးလိုက်တယ် ဒါဟာသူတို့အတွက် တောင်းပန်တာပေါ့ ဒါပေမယ့် သူတုိ့ထဲကမှ အလုပ်မထွက်ချင်ကြသူတွေက မေမေတို့နဲ့ပဲ ဆက်နေကြတယ်လေ ဘယ်လိုပဲဖြစ်ဖြစ် သူတို့ကျေးဇူးကို မေမေတို့ ရင်ထဲ အမြဲတမ်းမှတ်ထားရမယ် သား..."
ထိုအစေခံများသည် သူတို့နှင့် သွေးမတော်၊သားမစပ် သူများဖြစ်ကြသည့်တိုင်အောင် သူတို့မိသားစုဒုက္ခ အကြီးအကျယ်ရောက်နေချိန်တွင် သူတို့မိသားစုကို ပစ်မပြေးသွားခဲ့ကြ။သူ့မိခင်၏ အမျိုးများနှင့်နှိုင်းယှဉ်သော် ဆီနှင့်ရေကဲ့သို့ ဘာမဆိုင်အောင် ကွာလှချေသည်။လုံအမျိုးသမီး၏ စိတ်မကောင်းဖြစ်သွားသည့် အမူအယာကိုမြင်သည်တွင် လုံချန်နှင့် လုံရှင်းရှောင်က အချင်းချင်း မျက်စပစ်ပြ၍ စကားလမ်းကြောင်း ပြောင်းလိုက်ကြ၏။
"ဖေဖေ...ဖေဖေ့အတွက် ကျွန်တော် ဆုတောင်းပေးပါတယ်" လုံချန်က ၀ိုင်များကို ခွက်နှင့်အပြည့်လုံရှင်းရှောင်အတွက် ငှဲ့ပေး၏။
"တို့ မိသားစုတွေ ပြန်လည်စုံစည်းတဲ့အတွက်"
လုံရှင်းရှောင်က တဟားဟား ရယ်ရင်း ၀ိုင်ခွက်ကို မြှောက်ကာ ခွက်ခြင်းတိုက်လိုက်သည်။ချူယောင်နှင့် လုံအမျိုးသမီးကလည်း သူမတို့၏ ခွက်များကို အသီးသီး မြှောက်လိုက်ကြ၏။လုံချန်နှင့် လုံရှင်းရှောင် က ၀ိုင်ကို တစ်ကျိုက်တည်းဖြင့်အကုန် မော့ချလိုက်ကြသည်။ချူယောင်နှင့် လုံအမျိုး သမီးမှာမူ သိပ်မသောက်နိုင်ကြ။ဝိုင်တစ်ငုံ သောက်အပြီးတွင် ချူယောင်၏ မျက်နှာလေးက နီမြန်းလာရာ ပို၍ပင် ချစ်စရာကောင်းလာသည်။
"လူကြမ်းလေး ပြန်မလာတာ နှစ်ရက်တောင်ရှိပြီ" မိသားစု စားပွဲတွင် လူကြမ်းလေး ရှိမနေသည့်အတွက် လုံအမျိုးသမီးက စိတ်မကောင်းဖြစ်နေသည်။
"ဟားဟား လူကြမ်းလေး က စားဖို့သောက်ဖို့နဲ့ အလုပ်ရှုပ်နေမှာပေါ့ မပူပါနဲ့မေမေ" လုံချန်ကရယ်သည်။ထို့နောက်သူသည် ၀ိုင်တစ်ခွက်ကို သူ့အဖေအတွက်ထပ်ငှဲ့ပေးရင်း မေးလိုက်၏။
"ဖေဖေ အခုမြို့တော်မှာ အခြေ အနေတွေကဘယ်လိုလည်း"
"အခြေအနေကတော့ ငြိမ်သက်နေပါပြီ ဖီးနစ်ရဲ့ မဟာပြိုင်ဘက်က မဟာရှလေ ဒါပေမယ့် အခုမဟာရှ မှာ တိုင်းရေးပြည်ရေးတွေက ရှုပ်ထွေးနေတယ် သူတို့ရဲ့ မင်းသားတစ်ပါးကလည်းလုပ်ကြံခံလိုက်ရတယ်လေ အခု အရာရှိတွေအကုန်လုံးက အာဏာရရေး အတွက် အပြင်းအထန်တိုက်ခိုက်နေကြတာကလား သူတို့အင်ပါယာ က အတော်လေးချိနဲ့သွားပါပြီ ဖီးနစ်ကို နောက်တစ် ခါခြိမ်းခြောက်ဖို့ မဖြစ်နိုင်တော့ဘူး ဖီးနစ်မှာတော့ အခြားမင်းသားတွေက အာဏာပြိုင်ပွဲကနေနှုတ်ထွက်ကုန်ကြပြီ သူတို့အကုန်လုံးက သတ္တမမြောက်မင်းသားကို အိမ်ရှေ့စံ အဖြစ်တင်ဖို့တညီတညာတည်း အဆိုပြုကြတယ်လေ"
လုံရှင်းရှောင်က ၀ိုင်ကို တစ်ကျိုက်တည်းဖြင့် သောက်ချလိုက်သည်။
နန်းစည်းစိမ်နှင့်ပတ်သတ်၍ အခြားမင်းသားများသည် ငတုံးများမဟုတ်ကြ။အမှန်တွင် သတ္တမမြောက်မင်းသားကို သူတို့ မည်သို့မှ မယှဉ်နိုင်ကြောင်းသိကြသည်။အကြောင်းမှာ သတ္တမြောက်မင်းသား၏နောက်တွင် ကျင်ကျီအဆင့် သိုင်းသမားတစ်ဦးဖြစ်သူ ချူယောင်ရှိသည်။ထို့ပြင် ချူယောင်နှင့်လုံချန်၏ အခြေကိုလည်း အများသိပြီးဖြစ်ရာ လုံအိမ်တော်၏ နောက်ခံရှိသော သတ္တမမြောက်မင်းသားကိုသူတို့မည်သို့မှ မယှဉ်ပြိုင်ဝံ့ကြချေ။သို့ဆိုလျှင် ၎င်းတို့အနေနှင့် သတ္တမြောက်မင်းသား၏ အရေးပေးမှုကို ရအောင်လုပ်ရန်သာရှိလေသည်။
လုံချန်က ချူယောင်ကို တစ်ချက်ကြည့်၍ ရယ်လေသည်။
"ဟားဟား ပြည့်ရှင်မင်းရဲ့ အမတော်လေးအတွက် ဆုတောင်းပေးပါတယ် ဘုရင့်ယောက်ဖတော်ဖြစ်ရတာ တော်တော်စိတ်လှုပ်ရှားဖို့ကောင်းတာပဲ"
"ရှင်...လူဆိုး" ချူယောင်က သူ့ကို ချစ်စဖွယ်မျက်စောင်း လေး လှမ်းထိုးလျှင် သားအမိ၊သားအဖသုံးဦးမှာ ပွဲကျကုန်ကြတော့သည်။
"ဟေ့ဟေ့.....ကောင်လေး ချူယောင်ကို အနိုင်မကျင့်ရဘူးနော်" လုံအမျိုးသမီးက ရယ်နေရာမှရပ်၍လုံချန်ကို လှမ်းဆူသည်။သူမက ချူယောင်အနေမခက်စေရန် လုံချန်ငယ်စဉ်က ပေါက်ကရ လုပ်သည့် အဖြစ်အပျက်များကိုပြန်ပြောပြနေသည်။
ဤတစ်ကြိမ်တွင် ချူယောင်၏ ရယ်သံလွင်လွင်လေးသည် ချိုလွင်သော ခေါင်းလောင်းသံလေးကဲ့သို့ မရပ်စဲတော့ပေ။လုံချန်မှာမူ မှုန်ကုပ်ကုပ်ဖြင့် ပြန်ထိုင်နေရသည့် အလှည့်သို့ရောက်သွားလေသည်။မိသားစု ထမင်းဝိုင်းလေးသည် ပျော်ရွှင်စရာ ကောင်းလှ၏။
စားကြသောက်ကြပြီးနောက် လုံချန်သည် ခေတ္တတွေဝေနေပြီး နောက်မှ အားတင်း၍ စကားတစ်ခွန်းပြောလိုက်သည်။
"ဖေဖေ ... မေမေ ကျွန်တော် အပြင်လောက ကို ထွက်ကြည့်ချင်တယ်"
လုံအမျိုးသမီး၏ မျက်နှာထက်မှ အပြုံးသည် ချက်ချင်းပျောက်ကွယ်သွားသည်။ချူယောင် အံ့အားသင့်နေသည်။လုံရှင်းရှောင်သာလျှင် လုံချန်၏ စိတ်ကို သိဟန်ဖြင့် အိနြေ္ဒ မပျက်ချေ။ပတ်ဝန်းကျင်သည်ခေတ္တမျှ တိတ်ဆ်ိတ်သွားပြီးနောက် လုံအမျိုးသမီး၏ တုန်တုန်ယင်ယင်အသံထွက်လာသည်။
"ချန်လေး...သားက အ်ိမ်ကနေထွက်သွားချင်နေပြီလား"
လုံချန်ခေါင်းငုံ့ထားသည်။သူ့အမေ၏ မျက်ဝန်းများကို သူမကြည့်ဝံ့။သူတို့မိသားစုသည် ယခုမှ ပြန်လည်ပေါင်းစည်းရုံသာရှိသေးသည်။တစ်ဖန်ပြန်လည် ခွဲခွာမည်ဆိုခြင်းကား ရက်စက်လှပါ၏။သို့သော်လုံချန်သည် ဤလောက၏ အပြင်ဘက်တွင် မည်သည့်အရာများရှိနေသည်ကိုသိလိုသည်။သူ့၏ချစ်သူသည် ဤလောက၏ အပြင်ဘက်၌ နေထိုင်၏။ဝိညာဉ်ကမ္ဘာ၊ဆေးတောင်ကြား...ပြီးလျှင် သူ့အိပ်မက်ထဲမှလူ...ဤအရာမျာအားလုံးသည် ယခုထက်ပို၍ကျယ်ပြောသည့် လောကကြီးကို ထွက်ကြည့်ရန် သူ့ကိုတွန်းအားပေးနေကြပါ၏။
"ကျွန်တော် ချူယောင်နဲ့လူကြမ်းလေးကိုခေါ်ပြီးထွက်သွားဖို့ဆုံးဖြတ်ထားပြီးပါပြီ" လုံချန်၏ အသံသည် လွန်စွာတိုးသည်။သူ့ကိုယ်သူ ပြန်ကြားရုံမျှသာ လေသံဖြင့်ပြောခြင်းဖြစ်၏။သူ့ရင်တွေ သိပ်ကိုနာကျင်နေရပါသည်။
လုံချန်၏ စကားကိုကြားလျှင် ချူယောင် စိတ်အေးလက်အေးဖြစ်သွားသော်လည်း မျက်ရည်များဝိုင်းနေသည့် လုံအမျိုးသမီးအား မြင်သည့်အခါတွင်မူ သူမပါ ၀မ်းနည်းလာရသည်။
"ငါတို့ကလေးက အရွယ်ရောက်နေပြီ သူ့အနားဂါတ်ကို သူစိတ်ကြိုက်ဆုံးဖြတ်ပါစေ" လုံရှင်းရှောင်ကရုတ်တရက်ပြော၏။
သူက စကားကိုဆက်သည်။
"ချန်လေး သားဆုံးဖြတ်ပြီးပြီဆိုတော့ မင်းသိသင့်တဲ့ကိစ္စတစ်ခုကိုအဖေ ပြောရလိမ့်မယ်"
"လုံရှင်းရှောင်....ရှင်..." လုံအမျိုးသမီးသည် ရုတ်ချည်းမတ်တပ်ရပ်ပြီး လုံရှင်းရှောင်ကို ဒေါသတကြီးဖြင့်ကြည့်လိုက်သကဲ့သို့ လုံချန်ကိုလည်း ကြောက်လန့်တစ်ကြားဖြင့်ကြည့်လေသည်။
"အမှန်တရားကို သူ သိသင့်ပါတယ်ကွာ" လုံရှင်းရှောင်က ဇနီးသည်ကို အဓိပ္ပါယ်ပါပါဖြင့်ကြည့်သည်။
"ရှင်...လုံရှင်းရှောင် .. ရှင့်ကို ကျွန်မမုန်းတယ်" လုံအမျိုးသမီးသည် မျက်ရည်များကျလာပြီး ထမင်းဝိုင်းမှ ထသွားလေ၏။
ချူယောင်လည်း အခြေအနေကိုကြည့်၍ အလိုက်တသိ ဖြင့် ထမင်းဝိုင်းမှထွက်လာခဲ့ရာ ထမင်းဝိုင်းတွင်သားအဖ နှစ်ယောက်သာ ကျန်ခဲ့လေသည်။
MK AUNG
စာရေးဆရာ၏ ကြိုးစားအားထုတ်မှုကို တစ်ဖက်တစ်လမ်းမှ တတ်နိုင် သ လောက်လေး ကူညီချင်သည်ဆိုပါက Telenor
09793864311 နှင့် MPT 09421123207 သို့ဆက်သွယ်၍
စေတနာ ရှိသ လောက် PH BILL လေးများ လျူဒါန်း နိုင်ပါသည် ခင်ဗျာ
YOU ARE READING
Nine Star Hegemon Body Arts(ဆေးသိဒ္ဓိရှင်)
Fantasyသူဟာဆေးနတ်ဘုရားတစ်ပါးအဖြစ်ပြန်လည်မွေးဖွားလာခြင်းပေလား။သို့မဟုတ် ဆေးနတ်ဘုရားရဲ့ ၀ိညာဉ်တော် နှင့် သူ့ဝိညာဉ် ပေါင်းစပ်သွားခြင်းပေ လော။သိုင်းကျင့်လို့မရ အောင် ခန္ဓာကိုယ်ကို အဖျက် ဆီးခံလိုက်ရတဲ့ လုံချန်ဆိုတဲ့ အနိုင်ကျင့်ခံ လူရွယ်လေးတစ်ယောက်ရဲ့ဇာတ်လမ်းတစ်ပ...
