Nine Star Hegemon Body Art
ဆေးသိဒ္ဓိရှင်
အခန်း(၁၁၆)စကားစစ်ထိုးပွဲ
လုံချန်က နောက်သို့လှည့်ကြည့်လျှင် အသံရှင်မှာ အစောပိုင်းက သူ့ဘေးမှ အလွန်လျှင်မြန်သည့်နှုန်းဖြင့် ဖြတ်သွားသူ အဖိုးကြီးဖြစ်နေကြောင်းသိရသည်။အဖိုးကြီးမှာ မျက်နှာ၌ အရေးအကြောင်းများဖြင့် အပြည့်ဖြစ်နေရာ အတော်လေးကြောက်ဖို့ကောင်းနေသည်။အထူးသဖြင့် သူတို့သုံးယောက်၏ ရှေ့သို့ ရောက်လာသည့်အခါတွင် ပို၍ ကြောက်မက်ဖွယ်ကောင်းကြောင်း တွေ့ကြရသည်။
လုံချန်က မည်သို့မှ ပြန်မပြောချေ။အဖိုးကြီးက စိတ်မရှည်ဟန်ဖြင့်အော်သည်။
"ငါ...အဖိုးကြီး မေးနေတယ်လေ မင်းကလုံချန် ဟုတ်သလား မဟုတ်ဘူးလား"
"ဟုတ်ပါတယ် ကျုပ်က လုံချန်ပါ ကျုပ်ကို သိလို့လား" လုံချန်က အနည်းငယ် ဦးနှောက်ခြောက်သွားသော်လည်း ပြန်ဖြေလိုက်ပါသည်။
"မင်းက လုံချန်ပေါ့" အဖိုးအို က အံကြိတ်သည်။အဖိုးအို၏ မျက်လုံးများသည် သားရဲကောင်၏ သွေးဆာရက်စက်သော မျက်လုံးများကဲ့သို့ဖြစ်လာရာ များစွာကြောက်မက်ဖွယ်ကောင်းလေသည်။သုံးယောက်သား နောက်သို့ ပြိုင်တူ ဆုတ်မိလိုက်ကြ၏။လုံချန်က သူ၏ ချီစွမ်းအင်များကို လှည့်ပတ်ထားကာ တိုက်ခိုက်ရန် အဆင်သင့်ပြင်ထားသည်။အဖိုးအိုထံမှ များစွာကြောက်မက်ဖွယ်ကောင်း လှသောအော်ရာများကို သူ အာရုံခံမိနေသည်။
"စီနီယာက ဘာများလိုအပ်လို့ပါသလည်း"
အဖိုးအိုက သူ့ကို ဓားတစ်စင်းကဲ့သို့စူးရှသည့်အကြည့်ဖြင့်ကြည့်သည်။ပြီးမှ အေးစက်သည့်လေသံဖြင့်ပြော၏။
"မင်းတို့ အငယ်တွေက ကိုယ့်ထက်အကြီးကို တွေ့ရင်နှုတ်ဆက်ရမယ်ဆိုတာကိုနားမလည်ဘူးလား"
လုံချန် အံ့အားသင့်မိသလို သူ့အား ကြောက်မက်ဖွယ်ရာအော်ရာတစ်မျိုးဖြင့်ထိန်းချုပ်လိုက်သည်ကိုလည်းခံစားမိသည်။တန်ပေါင်းများစွာလေးသည့် စွမ်းအားတစ်ခုသည် သူ့ကိုယ်ပေါ်သို့ ဖိထားလေရာအသက်ရှုရန်ပင်ခက်လာသည်။လူကြမ်းလေးမှာမူ မည်သို့မှသိပ်မဖြစ်။ခံနိုင်နေသည်။
သို့သော် ချူယောင်၏ မျက်နှာ မှာ ရုတ်တရက် ဖြူဖွေးလာပြီး လဲကျမည်ကဲ့သို့ဖြစ်လာရာ လုံချန်ကသူ့အနားသို့ခေါ်ထားရသည်။သူက ချီစွမ်းအင်ကို အသုံးပြု၍ ထို ကြောက်မက်ဖွယ်ရာ စွမ်းအင်ကိုခုခံနေသည်။
"ခင်ဗျား ဆေးများ မှားစားလာတာလား" လုံချန်က မကျေမနပ်ဖြင့် အဖိုးကြီးကို ကျိန်ဆဲ၏။သည် အဖိုးကြီးသည် ရူးများပင်နေသလား။
"မောက်မာတဲ့ကောင်လေး...အကြီးတွေကိုလေးစားတတ်အောင် ဒီနေ့တော့ ကျုပ်အဖိုးကြီးက သင်ခန်းစားပေးမှဖြစ်တော့မယ်" သူ့၏ ချီစွမ်းအင်ကို လုံချန်က တောင့်ခံရန်ကြိုးစားနေသည်ကို မြင်သည်တွင် အဖိုးကြီးသည် အနည်းငယ်မျှ အံ့အားသင့်သွားပြီး ချီစွမ်းအင်များကို ထပ်လွှတ်လိုက်ပြန်သည်။
လူကြမ်းလေး၏ဒေါသတကြီး ကြုံးဝါးအော်ဟစ်သံထွက်လာ၏။သူ့ ခန္ဓာကိုယ်တစ်ခုလုံးက အနီရောင်သို့ပြောင်းသွားသည်။လူကြမ်းလေးသည် သူ့၏ ချီစွမ်းအင်ကို တောင့်ခံနိုင်သည်အား မြင်လျှင် အဖိုးအိုသည် အံ့အားသင့်ရပြန်၏။သူထုတ်လွှတ်ခဲ့သည့် ချီစွမ်းအင်သည် ကျင်ကျီ သိုင်းသမားတစ်ယောက်ပင်ဗိုင်းကနဲ ပစ်လဲကျသွားစေနိုင်သည့် ပမာဏဖြစ်လေသည်။
သို့သော် ဤကလေးနှစ်ယောက်ကား ရုပ်ပိုင်းဆိုင်ရာ ခွန်အားနှင့်ပင် သူ့၏ ချီစွမ်းအင်ကိုတောင့်ခံထားနိုင်ကြသည်။လုံချန်သည် ချီစွမ်းအင်အများအပြားကို အဓိက တောင့်ခံနေရသူဖြစ်သည့်တိုင်ချူယောင်မှာ မျက်နှာများဖြူဖွေး၍ ဝေါ့ကနဲ သွေးတစ်ပွက်ကို ထိုးအန်လေ၏။
"စောက်အဖိုးကြီး သေပေတော့" လုံချန် ဒေါသ ထောင်းကနဲထွက်သွားသည်။အလင်းစက်ကွင်းကို သူနှိုးတော့မည့် အချိန်မှာပင် ရင့်ကျက်တည်ငြိမ်သည့်အသံ တစ်သံကိုကြားရသည်။
"တော်ကြတော့"
အသံသည် သိပ်မကျယ်။တည်ငြိမ်၍ ဒေါသ သံလည်းမပါပေ။သို့ရာတွင် အဖိုးအိုမျက်နှာမှာ ချက်ချင်းဖြူဖွေးသွား၏။သူက စိတ်မပါလက်မပါနှင့် ချီစွမ်းအင်များကို ပြန်သိမ်းလိုက်ရသည်။သူ့အပေါ်သက်ရောက်နေသော ဖိအားသည် ရုတ်ချည်းပေါ့ပါးသွားသည်ကို လုံချန် ခံစားမိသည်။ချူယောင်မှာ ဖိအားမှ လွတ်မြောက်သွားသော် သူမမျက်နှာသည် ဖြူဖွေးနေတုန်းပင်ဖြစ်၏။
ထိုအချိန်ရောက်မှ သူ့ပတ်ဝန်းကျင်၌ လူအများအပြားရောက်နေသည်ကို လုံချန်မြင်မိသည်။ထိုလူများက သူတို့နှင့် အဖိုးကြီးကို အနည်းငယ် အံ့သြ ဟန်ဖြင့် ကြည့်လျှက်ရှိသည်။ထိုလူအုပ်စုမှာ လူ 7 ယောက်ပါသော အဖွဲ့ဖြစ်ကာ အဖိုးအိုတစ်ယောက်နှင့် အသက်သုံးဆယ် ခန့် ရှိမည်ထင်ရသော အမျိုးသမီးတစ်ယောက်သည် အထူးသဖြင့် လူအုပ်ထဲတွင် ပေါ်လွင်နေသည်။
သို့ရာတွင် ထိုအမျိုးသမီး ပုံစံသည် အေးတိအေးစက်နိုင်လှ၏။အစောပိုင်းက အသံသည် ထိုအဘိုးကြီးထံမှလာခြင်းဖြစ်သည်။ထိုအဖိုးကြီးက စူးရှလှသည့်အကြည့်ဖြင့် လုံချန်ကို တိုက်ခိုက်ခဲ့သည့် အဖိုးကြီူးကိုကြည့်နေ၏။
"နှစ်တွေ ဒီလောက်ကြာတာတောင် မင်းရဲ့သိုင်းပညာက ဒုံရင်းက ဒုံရင်းဖြစ်နေတာမဆန်းဘူး မင်းသိုင်းပညာကရှက်စရာကောင်းတဲ့ အဆင့်ဖြစ်နေပြီ"
အဖိုးအိုစကားကြောင့် အခြားသူများ၏ မျက်နှာတွင် အနည်းငယ်ထူးဆန်းသည့်အရိပ်အယောင်များပေါ်သွားကြပြီး ရယ်ချင်ဟန်လည်းဖြစ်သွားကြ၏။သို့သော် ၎င်းတို့သည့် ယင်းအဘိုးအိုထိုသို့အပြောခံရခြင်းအပေါ် ၌ ကျေနပ်နေကြသည်မှာ ထင်ရှားလေသည်။
ထို အဖိုးအို၏မျက်နှာမှာ ချက်ချင်းရဲတက်သွားသည်။သူ့အကြည့်များထဲတွင် မည်မျှဒေါသထွက်နေသည်ကိုမြင်နိုင်သည်။သို့ရာတွင် သူကား ဒေါသကို မပေါက်ကွဲဝံ့ချေ။သို့တိုင်အောင် သူကပြန်ပြောဖြစ်အောင် ပြောလိုက်သေး၏။
"ဒီကောင်လေးက သိပ်ရိုင်းတယ် ကျုပ်က ဘာ့ကြောင့် သင်ခန်းစားမပေးရမှာလည်း အကြီးအကဲ တုဖုန်း အနေနဲ့ ဒီကောင်လေးဘက်က ကာကွယ်ပေးဖို့မလိုဘူးမလား"
"ကျိုး ချန်ချင် ပေါက်ကရလုပ်နေတာတွေကိုတော်တော့ အခုလိုမင်းလုပ်ရတာဟာ ဒီတစ်ခေါက်မင်းအတွက်အမြတ်ဘာမှ မထွက်လို့ ကောင်လေးအပေါ် ဒေါသတွေပုံချတာမလား မင်းတို့ရွှယ်ယူဂိုဏ်းက လူတွေက အတော်အရှက်မဲ့တာပဲ" အဖိုးအို က အေးစက်စွာပြောသည်။
အဖိုးအိုပြောစကားအား ကြားသည်တွင် ထိုအဖိုးကြီးသည် အဘယ့်ကြောင့်သူ့ကိုပစ်မှတ် ထားရကြောင်း လုံချန်နားလည်သွားသည်။အကြောင်းမှာ အဖိုးကြီးနှင့် ၀တ်ရုံဖြူသည် တစ်ဂိုဏ်းတည်းသားများဖြစ်သော ကြောင့်ဖြစ်လေသည်။အကယ်၍ သူ့ သိုင်းပညာသာ ယခုထက်အဆင့်မြင့်နေလျှင် လုံချန်သည် ဤ သောက်ရူးကြီးအား ပါးတစ်ချက်လောက်ပိတ်ရိုက်ပြီးသား ဖြစ်နေမည်ဖြစ်၏။
"သွဲ့ကျောင်းအဆင့် သိုင်းသမားကြီးတစ်ယောက်က သွေးနှောအဆင့် သိုင်းသမားငယ်လေးတစ်ယောက်ကို တိုက်ခိုက်တယ် ဆိုတာ မျက်နှာ သိပ်ပြောင်ရာကျမနေဘူးလား" အခြားလူတစ်ယောက်ကလည်းဝင်ပြောသည်။
ကျိုးချန်ချင် သည် တုဖုန်း တစ်ယောက်ကိုသာ ကြောက်၍ အခြားသူများကိုမူ မကြောက်ချေ။ထိုလူက သူ့ကိုအထက်ပါအတိုင်းပြောလျှင် သူကလည်း မထီမဲ့မြင်ဖြင့်ပြန်ပြောလေသည်။
"ခင်ဗျားမကျေနပ်ရင် လက်သီးချင်းရှင်းကြတာပေါ့ ဘာ့ကြောင့် မိန်းမတစ်ယောက်လိုပြောနေတာလည်း"
ထိုလူသည် ဒေါသထွက်သွားဟန်ဖြင့် တစ်ခုခုပြန်ပြောမည်ပြင်လျှင် တုဖုန်းက လက်ဝေ့ယမ်း၍ စကားဝိုင်းကို ၀င်ထိန်းသည်။
"ခင်ဗျားတို့ နှစ်ယောက်စလုံးက ဂိုဏ်းအသီးသီးက နာမည်ကျော်တွေပဲ ဂျူနီယာ တစ်ယောက်ရှေ့မှာအကြည်ညိုတန်အောင် မလုပ်ကြစမ်းပါနဲ့ ဒီကိစ္စကို ဒီမှာပဲရပ်လိုက်ကြရအောင်"
တုဖုန်း စကားကြောင့် လူအုပ်က မည်သို့မှဆက်မပြောကြတော့။ထိုစဉ် အဖိုးကြီးတစ်ယောက်သည် ဖော်ရွေသည့်ဟန်ဖြင့် လုံချန်ကို ပြောလာသည်။
"လူငယ်လေး မင်းက ဂိုဏ်းက ဂိုဏ်းသားတစ်ယောက်ကို အနိုင်ယူလိုက်တယ်ဆို ကျုပ်က ဒါကိုအစကမယုံဘူး ဒါပေမယ့် သွဲ့ကျောင်းအဆင့် သိုင်းသမားကြီးတစ်ယောက်ရဲ့ အော်ရာကို တောင့်ခံနိုင်တာမြင်တာ မှပဲ ကျုပ်လည်းယုံတော့တယ် ဒီလိုဆိုဘယ့်နှယ့်လည်း ကျုပ်တို့ ချင်ဟိုင် ဂိုဏ်းကို ၀င်ပါလားမင်းရဲ့ ပါရမီပါပုံနဲ့ဆိုရင် အနည်းဆုံးတော့ ပင်မဂိုဏ်းသားဖြစ်ကိုဖြစ်တယ်"
ထိုအဖိုးအို၏ စကားကိုကြားလျှင် လူတိုင်း အမူအယာပြောင်းကုန်ကြ၏။
"ကျုပ်တို့ ကွေ့ယွမ် ဂိုဏ်းကိုဝင်ဖို့ကောစိတ်ဝင်စားလား ၀င်မယ်ဆိုရင် ပင်မဂိုဏ်းသားဖြစ်ဖို့ကျိန်းသေအာမခံတယ်"
"လူငယ်လေး ကျုပ်ပြောရဦးမယ် ကျုပ်တို့ဂိုဏ်းကိုဝင်မယ်ဆိုရင် ပင်မဂိုဏ်းသားတစ်ယောက်ဖြစ်ဖို့အာမခံရုံတင်မကဘူး ကျုပ်တို့ဂိုဏ်းရဲ့ ဂိုဏ်းခေါင်း သမီးဟာ တစ်ဂိုဏ်းလုံးမှာ အချောဆုံး အလှဆုံးလေး....လူငယ်လေးသာ ကျုပ်တို့ဂိုဏ်းကို ၀င်ရင် ဟဲဟဲ..."
"နေစမ်းပါဗျာ ဒါကတော့ချဲ့ကားလွန်းတယ် ဘယ့်နှယ် ခင်ဗျားတို့ဂိုဏ်းခေါင်းဆောင်ရဲ့ သမီးက အခုမှ8 နှစ်ပဲ ရှိသေးတာကို အခြားနည်းတွေနဲ့ သိမ်းသွင်းစမ်းပါ"
"ဘာ...ဒီလေူငယ်လေးက သိုင်းမကျင့်တော့ဘူးလား ဆယ်နှစ်လောက်စောင့်လိုက်ရင် အဆင်ပြေပြီလေ ကျုပ်ပြောတာ မဟုတ်လို့လား"
လုံချန် ဘာပြောရမှန်းမသိဖြစ်နေ၏။ချူယောင် နှင့် လူကြမ်းလေးမှာ ကြက်သေသေနေကြသည်။၎င်းတို့၏ စကားအားနားထောင်လျှင် ယင်းအဖိုးကြီးများသည် ယင်းတို့၏ ဂိုဏ်းအသီးသီးတွင်အဆင့်မနိမ့်ကြသူများဖြစ်မှန်း သိသာသည်။ထိုအဖိုးကြီးများ၏ သိုင်းပညာမှာလည်း များစွာအဆင့်မြင့်ပြီး သူ့အား တိုက်ခိုက်ခဲ့သော ချန်ချင်၏ သိုင်းပညာအဆင့်ခန့်ရှိပေသည်။
ဤမျှ အစွမ်းထက်သူများက လုံချန်အား သူတို့ဂိုဏ်းအသီးသီးသို့ ၀င်စေရန် အပြိုင်အဆိုင်ဖြစ်နေကြ၏။လုံချန် မထင်မှတ်ထားသည့်အဖြစ်ပင်။မူလတွင် လုံချန်က ထိုဂိုဏ်းအသီးသီးသို့ တောင်းတောင်းပန်ပန် ဖြင့် ခွင့်တောင်း၍ ၀င်ရလောက်မည်ဟု တွေးထားခြင်းဖြစ်သည်။
"ဟမ့်...ကောင်လေး မင်းကြောင့် ငါတို့ရွှယ်ယူ ဂိုဏ်းက ဒီတစ်ကြိမ် တော်တော်လေး ဆုံးရှုံးမှုတွေဖြစ်သွားတယ် မင်းသာငါတို့ ဂိုဏ်းကို ၀င်မယ်ဆိုရင် ပြီးတာတွေကို သင်ပုန်းချေလိုက်မယ်...ပြီးတော့ မင်းကို ကောင်းကောင်း သင်ကြားပေးမယ်" ကျိုးချန်ချင်မှာ ဒေါသပြေသွားဟန်ဖြင့် အရှက်မရှိစွာ ၀င်ပြောလေသည်။
ကျိုးဝေချင် အနေနှင့် ယခုအကြိမ် ဆေးဆရာ အသင်းသို့လာရခြင်းမှာ သူတို့ ရွှယ်ယူ ဂိုဏ်း၏အကျိုးအမြတ်အတွက် လာရောက်ညှိနှိုင်းခြင်းဖြစ်သည်။မည်သို့ဆိုစေ မှော်ကျောက်တုံး သိုက်ကိုအရင်တွေ့သူက သူတို့ဂိုဏ်း ဖြစ်သည်။သို့သော် နောက်ဆုံး၌ ညှိုနှိုင်းမှုသည် အဆင်မပြေ။ဖီးနစ်၏ အနီးအပါးတွင် ဂိုဏ်း 7 ဂိုဏ်းရှိရာ စည်းမျဉ်းများအရ ဆိုသော် မှော်ကျောက်တုံး သိုက်ကို ဂိုဏ်း 7 ဂိုဏ်း ညီညီမျှမျှ ခွဲဝေယူရန်ဖြစ်သည်။ဤသို့ဆိုလျှင် မည်သည့်ပြဿနာမှ ရှိလိမ့်မည်မဟုတ်ချေ။
သို့ရာတွင် ရွှယ်ယူ ဂိုဏ်းသည် စည်းမျဉ်းများကို ချိုးဖောက်ခဲ့ခြင်းကြောင့် အကျိုးအမြတ် ခွဲဝေရေးအဖွဲ့မှ ထုတ်ပယ်ခံခဲ့ရရာ မှော်ကျောက်တုံး တစ်တုံးကိုပင် ရပိုင်ခွင့်မရှိတော့ပေ။ထို့ကြောင့်ပင် ကျိုးချန်ချင်က ဒေါသသိပ်ထွက်ရခြင်းဖြစ်သည်။သို့သော် သူလည်း မည်သို့မှ မတတ်နိုင်တော့။ဖီးနစ်တွင်တုဖုန်းလည်း ရှိနေခြင်းကြောင့် ဒေါသများကို မြိုချထားရန်သာတတ်နိုင်သည်။
ထို့ကြောင့် ဒေါသထွက်ထွက်နှင့် ဆေးဆရာအသင်းမှ သူ ထွက်လာချိန်တွင် လုံချန်နှင့် အခြားသူနှစ်ယောက် ဆေးဆရာအသင်းသို့လာနေသည်ကို သူ မြင်လိုက်သည်။သူ၏ သိုင်းပညာအဆင့်နှင့်ဆိုလျှင် လုံချန်ကို တစ်ချက်ကြည့်ရုံနှင့် သွေးနှောအဆင့် လက်သစ် သိုင်းသမားလေးတစ်ယောက်မှန်းတန်းသိလေသည်။
သို့သော် သွေးနှောသိုင်းသမားလေးတစ်ယောက်သည် ဤမျှ ပြင်းထန်သည့် ချီစွမ်းအင်အား မျက်နှာတစ်ချက်မပျက်တောင့်ခံနိုင်သည်ကိုမြင်ရလျှင် အနှီသိုင်းသမားလေးမှာ သွေးနှောအဆင့်ပင်ဟုတ်ပါလေစဟု သူ သံသယဖြစ်သွားမိသည်။စင်စစ် သူ နောက်သို့လှည့်၍ လုံချန်၏ နာမည်ကို မေးလိုက်စဉ်ကပင် ဤကောင်လေးမှာ သူတို့ဂိုဏ်းကို အကြီးအကျယ်ဆုံးရှုံးမှုများဖြစ်အောင်လုပ်ခဲ့သည့် လုံချန် ဆိုသည့် ကောင်လေးမှန်းသူသိသည်သာ။
သို့သော် ဂိုဏ်းများ၏ ကျင့်ဝတ်အရ သာမာန်အရပ်သားများအား တိုက်ရိုက်ပြဿနာရှာရန် မဖြစ်နိုင်လေရာ အကြီးကို မရိုမသေ ပြုသည်ဟု အကွက်ဆင်၍ လုံချန်ကို သူက တမင် ဖိနှိပ်ရန်ကြံစည်ခြင်းဖြစ်သည်။ယခုတော့ ဂိုဏ်းအသီးသီးက လုံချန်ကို ရရန် အသည်းအသန်ဖြစ်နေကြသည်။ရွှယ်ယူ ဂိုဏ်းအနေနှင့်မှော်ကျောက်တုံးများ တစ်တုံးမှ ရပိုင်ခွင့်မရှိတော့သည်ဖြစ်ရာ လုံချန်ကဲ့သို့ လွန်မင်းစွာပါရမီကောင်းသူတစ်ယောက်ကို ဂိုဏ်းသို့ ပါအောင်ခေါ်နိုင်ခဲ့လျှင် ဂိုဏ်းအနေဖြင့် သိပ်ဆုံးရှုံးမှုမရှိဟု ဆိုရမည်။
သို့သော် ကျိုးချန်ချင်က ဤသို့ပြောလာသည့်အခါတွင် စကားဝိုင်းသည် ရုတ်တရက်တိတ်ဆိတ်သွားတော့သည်။သူ့ကို ၀ိုင်းကြည့်နေကြသည့် လူတိုင်း၏ အကြည့်များတွင် လှောင်ပြောင်မှု၊အထင်အမြင်သေးမှုများစွက်နေသည်ကို သူသိနေ၏။
လူတိုင်း သက်ပြင်းကိုယ်စီချမိကြသည်။ဤကိစ္စကား လုံချန် ဆုံးဖြတ်မှရမည့်ကိစ္စပင်ဖြစ်သည်။
"ဘယ်လိုလည်း ကောင်လေး ငါတို့ ရွယ်ယူ ဂိုဏ်းကို လိုက်ခဲ့မလား သေသေချာချာစဉ်းစားနော"
ကျိုးချန်ချင်က လုံချန်ကို အဓိပ္ပါယ်ပါပါစိုက်ကြည့်သည်။သူ့စကားတွင် ခြိမ်းခြောက်သံများ ပါနေသည်။
"ဟားဟားဟား"
လုံချန်က ရုတ်တရက် မျက်ရည်များထွက်သည်ထိ ရယ်လေသည်။
"ကောင်လေး ဘာရယ်စရာပါလို့လည်း" ကျိုးချန်ချင်က ဒေါသတကြီးဖြင့်ပြော၏။
"ဘာမှ မဟုတ်ပါဘူး ခင်ဗျားရဲ့ အခွက်ပြောင်နိုင်မှုကို တော်တော်ရယ်ချင်လို့ပါ ခင်ဗျားကို ပြောချင်တာလေးတွေရှိတယ်"
"ဘာကို ဆိုလိုတာလည်း" ကျိုးဝေချင်က မျက်စိကို မှေးကျဉ်း၍ ရေခဲတမျှ အေးစက်သသည့်အကြည့်ဖြင့်လုံချန်ကိုကြည့်သည်။လုံချန်က နှစ်လိုဖွယ်ကောင်းစွာပြုံး၍ စကားတစ်ခွန်းကို ပြောသည်။
"လဲ..သေ...လိုက်"
"မင်း..."
ကျိုးချန်ချင်သည် ဒေါသထွက်လွန်းသဖြင့် ဆံပင်များပင် တစ်ချောင်းချင် ထောင်ကုန်ရာ ခြင်င်္သေ့ကြီးတစ်ကောင်ကဲ့သို့ဖြစ်နေ၏။သူသည် ဤကောင်လေးကို ပါးပိတ်ရိုက်ပစ်လိုက်ချင်သည်။သို့သော် ထိုသို့သူ မလုပ်ဝံ့။
"ကောင်းပြီလေ မင်းစောင့်နေစမ်းပါ"
ထိုသို့ပြောပြီးနောက် ကျိုးချန်ချင်သည် ခြာကနဲလှည့်၍ထွက်သွားတော့သည်။သူသည် ဒေါသကို မနည်းထိန်းထားရမှန်းမည်သူမှ မသိကြချေ။ဤနေရာ၌ ဒေါသများပေါက်ကွဲမိမည်ကို သူကြောက်လှသည်။ကျုံးဝေချင် ဒေါသတကြီးဖြင့် ခြာကနဲလှည့်ထွက်သွားသည်ကို မြင်လျှင် လူများမှာ တစ်ဟာုးဟားဖြင့်ပွဲကျနေကြတော့၏။
ပြီးမှ မည်သည့်ဂိုဏ်းကို ၀င်ရန် စဉ်းစားထားကြောင်း လုံချန်ကို တစ်ယောက်တစ်ပေါက် ၀ိုင်းမေးကြသည်။လုံချန်က တင်္ဂ စဉ်းစားနေသည်။ထို့နောက် တစ်ချိန်လုံး တိတ်ဆိတ်နေခဲ့သော တုဖုန်းကို ခေါင်းမော့၍ လှမ်းမေးလိုက်၏။
"စီနီယာ...စီနီယာရဲ့ဂိုဏ်းကို ၀င်ရင် ကော ကျုပ်က ဘယ်လိုမျိုးဂိုဏ်းသားဖြစ်လာမလည်း"
တုဖုန်းက မှိတ်ထားသော မျက်လုံးများကို ပြန်ဖွင့်လိုက်သည်။ထို့နောက် သူသည် လုံချန်ကိုကြည့်၍ စိတ်မသက်သာသည့် မျက်နှာဖြင့်ပြော၏။
"ကျုပ် ဂိုဏ်းကို ၀င်ဖို့ကတော့ သိပ်ကို ခက်ခဲလိမ့်မယ်"
MK AUNG
စာရေးဆရာ၏ ကြိုးစားအားထုတ်မှုကို တစ်ဖက်တစ်လမ်းမှ တတ်နိုင် သ လောက်လေး ကူညီချင်သည်ဆိုပါက Telenor
09793864311 နှင့် MPT 09421123207 သို့ဆက်သွယ်၍
စေတနာ ရှိသ လောက် PH BILL လေးများ လျူဒါန်း နိုင်ပါသည် ခင်ဗျာ
YOU ARE READING
Nine Star Hegemon Body Arts(ဆေးသိဒ္ဓိရှင်)
Fantasyသူဟာဆေးနတ်ဘုရားတစ်ပါးအဖြစ်ပြန်လည်မွေးဖွားလာခြင်းပေလား။သို့မဟုတ် ဆေးနတ်ဘုရားရဲ့ ၀ိညာဉ်တော် နှင့် သူ့ဝိညာဉ် ပေါင်းစပ်သွားခြင်းပေ လော။သိုင်းကျင့်လို့မရ အောင် ခန္ဓာကိုယ်ကို အဖျက် ဆီးခံလိုက်ရတဲ့ လုံချန်ဆိုတဲ့ အနိုင်ကျင့်ခံ လူရွယ်လေးတစ်ယောက်ရဲ့ဇာတ်လမ်းတစ်ပ...
